အသိဉာဏ်ဆိုသည်မှာ... အကောင်းအဆိုး အကြောင်းအကျိုး... အမှားအမှန်များကို ကောင်းစွာ ဝေဖန် ပိုင်းခြား ဆင်ခြင် သိမြင်နိုင်ခြင်းကို ဆိုလိုပါသည်.....

Friday, June 19, 2009

သာသနာကို ဖျက်ဆီးမည့်သူများ……

သာသနာစစ် သာသနာမှန်ဟူသည် မြတ်စွာဘုရား၏ အဆုံးအမများကို တသွေမတိမ်း လိုက်နာသူများ၏ လက်ဝယ်တွင်း၌သာ ထာဝရ တည်မြဲနိုင်မည်။

သာသနာကို ဗန်းပြပြီး မိမိကိုယ်ကျိုးစီးပွားအတွက် လုပ်ဆောင်နေသူများ၊ တရားစစ်တရားမှန်ကို သေသေချာချာ သဘောပေါက်နားလည်မှုမရှိပဲ ထင်ရာစိုင်းနေသူများ၊ ကိုးကွယ်မှု အရောရောအထွေးထွေးနဲ့ အီယောင်ဝါး ယုံကြည်နေကြသူများ၊ များပြားလာသည်နှင့်အမျှ သာသနာကွယ်ပျောက်ရန် အန္တရာယ်မှာ တနေ့တခြား ကြီးမားလာပါတယ်။ ဗုဒ္ဓသာသနာကို ဖျက်ဆီးမည့်သူများမှာ လူမျိုးခြား၊ ဘာသာခြားများ မဟုတ်ပါ။ ဗုဒ္ဓဘာသာဝင်အမည်ခံ အယောင်ဆောင်ထားသူများသာ အနီးကပ် ပူးသတ်ဖျက်ဆီးကြမှာ ဖြစ်ပါတယ်။

ဝေဖန်ထောက်ပြမှု နဲ့ ပုတ်ခတ်စွပ်စွဲမှု
ဝေဖန်ထောက်ပြမှုနဲ့ ပုတ်ခတ်စွပ်စွဲမှု ဆိုသည်မှာ များစွာ ခြားနားလှပါတယ်။ ဝေဖန်ထောက်ပြမှုတွင် ပြုပြင်ပြောင်းလဲစေလိုသော စေတနာကောင်းများစွာ ပါဝင်နေပြီး၊ ပုတ်ခတ်စွပ်စွဲမှုတွင်မူ လူတစ်ယောက်၏ ဘဝကို နစ်မွန်းဆုတ်ယုတ် သွားစေလိုသော စေတနာဆိုးများစွာ ပါဝင်နေပါတယ်။ ဝေဖန်ထောက်ပြမှုသည် မှန်ကန်သော အချက်အလက်ပေါ်မူတည်နေပြီး၊ ပုတ်ခတ်စွပ်စွဲမှုသည် မှားယွင်းမှုအပေါ် မူတည်လေ့ရှိပါတယ်။

ဝေဖန်ထောက်ပြ ပြောဆိုမှုကြောင့် တဖက်သားက အရှက်ကြီးစွာနဲ့ ပြုပြင်ပြောင်းလဲလိုက်မည်ဆိုပါက ဝေဖန်သူသာမက ဝေဖန်ခံရသူအတွက်ပါ အကျိုးကျေးဇူးများစွာ ရရှိစေပါတယ်။ ဝေဖန်ခံရသူအနေဖြင့် ဝေဖန်သူ၏ ထောက်ပြမှု မှန်ကန်နေပါက ပြုပြင်ပြောင်းလဲလိုက်ဖို့ ဝန်မလေးမှသာလျှင် မိမိကိုယ်မိမိ သူတော်ကောင်းအဖြစ် ပြသပြီးသား ဖြစ်သွားမှာပါ။ ထိုသို့မဟုတ်ပဲ ဝေဖန်သူကို ရန်လုပ်ခြင်း၊ အရွဲ့တိုက်ပြီး အမှားများ ဆက်လုပ်နေပါက၊ မည်သူမပြု မိမိမှု ဆိုသကဲ့သို့ လက်ရှိဘဝတွင်သာမက သံသရာတလျှောက်မှာပါ မိမိပြုသော အမှားကံ၏ ဆိုးကျိုးကို ခံစားရမည်မှာ ဧကန်မုချပင် ဖြစ်ပေလိမ့်မည်။

သူတော်ကောင်းဖြစ်မည်ဆိုပါက….
လူတိုင်း လူတိုင်းသည် အနည်းနဲ့အများဆိုသလို အမှားများစွာ လုပ်ဖူး ကြုံဖူးကြပါတယ်။ လူ့ဘောင်လောကတွင် အမှားများနဲ့ကင်းသူ၊ ပြည့်စုံမှန်ကန်လွန်းသူ ရှားပါးလှပါတယ်။ ဤနေရာတွင် လူအမျိုးအစား ၄ မျိုးကို ထင်ထင်ရှားရှားတွေ့မြင်နိုင်ပါတယ်။

၁)အမှားကို အမှားမှန်းမသိမြင်သူ (ဥာဏ်ရည်နိမ့်ပါးပြီး၊ အသိဥာဏ်အမှောင် ဖုံးလွှမ်းမှု အားကြီးသူ)

၂)အမှားကို အမှားမှန်းသိသော်လည်း၊ အမှန်ကိုမလိုက်နာချင်သူ (ဥာဏ်ရည် အနည်းငယ်မြင့်မားသော်လည်း၊ အသိဥာဏ်အမှောင် ဖုံးလွှမ်းနေသေးသူ)

၃)အမှားကို အမှားမှန်းသိမြင်ပြီး၊ အမှန်ပြင်ဆင်ရန် ဝန်မလေးသူ (ဥာဏ်ရည်မြင့်မားပြီး၊ အသိဥာဏ်အလင်းရှိသူ)

၎)အမှားကို အမှားမှန်း သိလျှင်သိခြင်းး၊ အမှန်ပြင်ဆင်ရုံမက ဝန်ချတောင်းပန်ရန် ရည်သန်သူ (ဥာဏ်ရည်မြင့်မား၊ အသိဥာဏ်အလင်းရှိရုံမက မာနအလျဉ်းမရှိသူ)

အထက်ပါ လူအမျိုးအစား ၄မျိုးအနက် နောက်ဆုံးအမျိုးအစားသာလျှင် သူတော်ကောင်းအဖြစ် သတ်မှတ်နိုင်ပါတယ်။

သာသနာပြုနေသူ စစ်မှန်မည်ဆိုပါက……
သာသနာပြုရာတွင် မိမိကိုယ်ကို သာသနာပြုခြင်းနဲ့ အများသူငါကို သာသနာပြုခြင်းဟု နှစ်မျိုးနှစ်စားရှိပါတယ်။

မိမိကိုယ်မိမိ သာသနာပြုနေသူအနေနဲ့ ကိုယ့်အလုပ်ကိုယ်လုပ်၊ ကိုယ့်တရားနဲ့ ကိုယ်နေပြီး မိမိတစ်ကိုယ်တည်းစား ကောင်းစားဖို့ ဘေးပတ်ဝန်းကျင်ကို မကြည့်ပဲ နေနိုင်ပါတယ်။ ဒါပေမဲ့ အများသူငါကို သာသနာပြုနေကြသူများအနေနဲ့ မိမိအရေးသာမက မိမိပတ်ဝန်းကျင်ရှိ လူအများအတွက် အကျိုးယုတ်စေမည့်၊ အယူမှားစေမည့် အရေးကိစ္စများ ပေါ်ပေါက်လာပါက မည်သူမျက်နှာမျှ မထောက်ထား မညှာတာပဲ သာသနာမျက်နှာတခုတည်းကိုပဲ ကြည့်လျက် ဝေဖန်ထောက်ပြသင့်ပါတယ်။

အထူးသဖြင့် ရဟန်းသံဃာတော်များအနေနဲ့ မိမိကိုယ်ကို သာသနာပြုတဲ့ အဆင့်ကို ကျော်လွန်လျက် အများအတွက် သာသနာပြုနေသူများ ဖြစ်ပါသောကြောင့် မိမိမြင်တွေ့ကြားသိနေရသော အမြင်အကြားမတော်လျော်သော အရေးကိစ္စများကို မည်သူ့ကိုမျှ မထောက်ထားမညှာတာပဲ ရဲရဲဝံ့ဝံ့ ဝေဖန်ထောက်ပြသင့်ပါတယ်။ အထူးသဖြင့် မိမိတို့၏ တပည့်သား ရဟန်းတော်များ၏ ဝိနည်းစည်းကမ်းဖောက်ဖျက်မှုများ၊ လူမှုဆက်ဆံရေးနယ်ပယ် ကျော်လွန်မှုများ၊ ကာယကံ ဝစီကံ မနောကံဖြင့် ဖောက်ပြားကျူးလွန်နေမှုများ၊ မတရားမှုများကို ဆုံးမ အပြစ်ပေး အရေးယူသင့်ပါတယ်။ ရေငုံနှုတ်ပိတ် မိမိနဲ့ မသက်ဆိုင်သလိုနေခြင်း၊ အမုန်းခံရမည်ကိုစိုးရိမ်နေခြင်း၊ အကြောက်တရားနဲ့ မပြောရဲမဆိုရဲခြင်း သည် သာသနာပြုရာမရောက်ပဲ၊ သာသနာဖျက်နေသည်ကို သွယ်ဝိုက်သောနည်းဖြင့် အားပေးရာ ရောက်နေပါတယ်။ သာသနာ့တာဝန်မကျေပြွန်ပဲ သာသနာ့အာဇာနည် မပီသရာ၊ သံဃာ့ဂုဏ်ကို မစောင့်ထိန်းရာ အဖြစ်သို့ ရောက်မှန်းမသိ ရောက်နေပါတယ်။ ထို့အတူ တချိန်တည်းမှာပင် မင်းကျင့်တရားနဲ့ အညီ မအုပ်ချုပ်သော၊ သာသနာပျက်စီးရာပျက်စီးကြောင်း ကြံစည်လုပ်ကိုင်နေသော အစိုးရမင်းနှင့်တကွ၊သာသနာကို အရောင်ဆိုးချင်နေသော လူတစ်ဦးချင်းစီသာမက၊ လူ့အဖွဲ့အစည်း လူ့အသိုင်းအဝိုင်းများ၏ ကမောက်ကမ အခြေအနေများကိုပါ ဝေဖန်ထောက်ပြ ဆုံးမသင့်ပါတယ်။

သာသနာဖျက်နေသူများမှာ…..
အဓိက သာသနာဖျက်နေသူများမှာ - မြတ်စွာဘုရား၏ အဆုံးအမသာသနာကို လက်တလုံးကြား မျက်ကွယ်ပြုလျက်ရှိသော၊ သာသနာပြုအမည်ခံ အစိုးရမင်း၊ လူ့အဖွဲ့အစည်းများနှင့် အချို့သော ရဟန်းတော်များ ဖြစ်ပါတယ်။

သာသနာဖျက်နေသော အစိုးရမင်းနဲ့ နောက်လိုက်နောက်ပါများ

နိုင်ငံအတွင်း တရားပွဲများ ဆိတ်သုဉ်းပြီ ဆိုပါက သာသနာကွယ်ပျောက်ခြင်း၏ အစပင်ဖြစ်သည်။ ရဟန်းသံဃာတော်များအား ဖိနှိပ်ချုပ်ချယ်ခြင်း၊ တရားပွဲများအား အကန့်အသတ်ဖြင့်ခွင့်ပြုခြင်း၊ မြတ်စွာဘုရား၏ အဆုံးအမ သာသနာများကို လွတ်လပ်မှန်ကန်စွာ ဟောပြောခွင့် မရခြင်းများသည် သာသနာကွယ်ပျောက် စေနိုင်သည့် အကြောင်းအချက်များဖြစ်သည်။ ထို့ပြင် မိမ်ိတို့၏ အာဏာတည်တံ့ ခိုင်မြဲရေးအတွက် ဘုရား၊စေတီ၊ပုထိုးများကို အသုံးချလျက်၊ မကြံစည်သင့် မကြံစည်ကောင်းသော ဗေဒင်၊ ယတြာ၊ လက်ဖွဲ့၊ အင်းအိုင် စသည့် အောက်လမ်းနည်းမျိုးစုံဖြင့် အသိဥာဏ်နိမ့်ပါးစွာ ပြုလုပ်နေခြင်းဖြင့်လည်း မြင့်မြတ်လှသော သာသနာကို ဖျက်ဆီးလျက်ရှိကြပါတယ်။ အယူမှား၊ ကိုးကွယ်မှုမှား၊ လုပ်ရပ်မှားများဖြင့် ဗုဒ္ဓသာသနာကို စံနစ်တကျ ဖျက်ဆီးနေကြပါတယ်။ အမှားများထောက်ပြ အမှန်ပြလျက် ဆုံးမပေးသော ရဟန်းသံဃာတော်များကို မထီမဲ့မြင်ပြုလျက် တရားပွဲများ ပိတ်ပင်ခြင်း၊ လက်မှတ်ထိုး၊ ဝန်ခံချက်ထိုးခိုင်းခြင်းဖြင့်လည်း မြတ်စွာဘုရား၏ သာသနာကို စော်ကားမော်ကားပြုလျက်ရှိပါတယ်။

သာသနာဖျက်နေသော သာသနာပြုအမည်ခံ လူပုဂ္ဂိုလ်များနှင့် လူ့အဖွဲ့အစည်းများ

မြတ်စွာဘုရားလက်ထက်တော်က ဂိုဏ်းဂဏ၊ အသင်းအဖွဲ့အစည်းရယ်လို့ မရှိခဲ့ပါဘူး။ ထေကြီးဝါကြီး ဝါစဉ်အလိုက် အဆင့်ဆင့် အရိုအသေပေး၊ ရဟန်းတစ်ပါးနှင့်တစ်ပါး စည်းလုံးညီညွတ်ခဲ့ပါတယ်။ ဘွဲ့တံဆိပ်အလိုက်၊ ရာထူးအလိုက်၊ နေရာပေးခြင်းမျိုးမဟုတ်ပဲ၊ ရဟန်းဝါစဉ်အလိုက် ဝိနည်းစည်းကမ်းနဲ့အညီ နေရာပေးခဲ့ကြပါတယ်။

ယနေ့အချိန်အခါမှာတော့ ရဟန်းသံဃာတော်များကို ဘွဲ့တံဆိပ်တော်များ၊ အသင်းအဖွဲ့အစည်း ရာထူးအဆောင်အယောင်များ အပ်နှင်းခြင်းဖြင့် တစ်ပါးနှင့်တစ်ပါး အပြိုင်အဆိုင်ဖြစ်လာစေပါတယ်။ စစ်မှန်သော အရည်အချင်းဖြင့် အပ်နှင်းသော ဘွဲ့တံဆိပ်တော်များမဟုတ်ပဲ၊ လာပ်ပေးလာပ်ယူနည်းဖြင့် အပ်နှင်းသော ဘွဲ့တံဆိပ်တော်ဖြစ်ခြင်းကြောင့်၊ မြတ်စွာဘုရား၏ အဆုံးအမ စာပေများကို လေ့လာအားထုတ်မှုများ အားနည်းလာစေခဲ့ပါတယ်။ ထို့ပြင် မိုးကုတ်၊ မဟာစည်၊ စွန်းလွန်း စသည့် အသင်းအဖွဲ့များ၏ ပြိုင်ဆိုင်မှုများကြောင့်လည်း သံဃာတော်များကို ဂိုဏ်းခွဲသင်းခွဲနေသကဲ့သို့ စည်းလုံးညီညွတ်မှု ပျက်ပြားစေပြီး အားပြိုင်မှုများ ဖြစ်စေပါတယ်။ ပျံလွန်လေပြီးသော ဆရာတော်ကြီးများအနေဖြင့် ယခုကဲ့သို့ ဂိုဏ်းဂဏများ ပေါ်ပေါက်ခြင်းကို နှစ်သက်တော်မူကြမည်မဟုတ်ပေ။

တရားတော်များအားလုံးမှာ မြတ်စွာဘုရားဟောကြားခဲ့သော တရားတော်များသာဖြစ်သော်လည်း အာစရိယဝါဒ ဦးစားပေးမှုကြောင့် မိုးကုတ်တရား၊ မဟာစည်တရား၊ စွန်းလွန်းတရား စသည် စသည်ဖြင့် ဝိဝါဒ ကွဲပြားမှုများ ဖြစ်နေစေပါတယ်။ သာသနာ၏ ရေသောက်မြစ်သဖွယ်ဖြစ်နေသော စာသင်တိုက်များမှ ရဟန်းသံဃာတော် သာမဏေလေးများ၊ ဦးဇင်းများအတွက် ဆွမ်းကွမ်းအထောက်အပံ့များ၊ စာအုပ်စာတမ်း စာရေးကိရိယာများ လှူဒါန်းကြမည့်အစား တရားရိပ်သာအသီးသီးတွင် တရားဝိဝါဒ၊ ဂိုဏ်းစွဲ ဂဏစွဲဝိဝါဒများနှင့် လုံးလည်ချာလည်လိုက်နေသော အိုးခြမ်းပဲ့လူပုဂ္ဂိုလ်များကိုသာ အပြိုင်အဆိုင်လှူဒါန်းနေခြင်းဖြင့် မယောင်ရာဆီလူးနေကြပါတယ်။

တရားစစ် တရားမှန်ထွန်းကားရာ နိုင်ငံတွင် ၃၇နတ်မင်းများ ပျော်မြူးရာ တောင်ပြုန်းပွဲတော်ကြီးကို နှစ်စဉ်နှစ်တိုင်း ခြိမ့်ခြိမ့်သည်းသည်း ကျင်းပခြင်း၊ ငွေသန်းပေါင်းများစွာအကုန်ကျခံပြီး နတ်သဘင်ပွဲ ဆင်နွှဲခြင်း၊ ဗေဒင် ယတြာ အောက်လမ်းနည်းများကို ယုံယုံကြည်ကြည်ဖြင့် ပြုလုပ်နေကြခြင်း၊ ကံ-ကံ၏အကျိုးကို မယုံကြည်ပဲ အလွယ်လိုက် အချောင်နည်းဖြင့် ချဲထီ နှစ်လုံးထီများကို စည်းစိမ်ပြုတ်ထိုးနေကြခြင်း၊ ကောင်းရာကောင်းဝယ် လုပ်ကိုင်ခြင်းမပြုကြတော့ပဲ အူမတောင့်မှ သီလ စောင့်နိုင်မယ်ဆိုတဲ့ စိတ်ဓာတ်များဖြင့် သီလမလုံခြုံ၊ ကံသုံးပါးကို မထိန်းသိမ်းတော့ပဲ ထင်ရာစိုင်းခြင်းဖြင့် သာသနာပျက်စီးရာပျက်စီးကြောင်းသို့ ဦးတည်လျက်ရှိနေပါတယ်။

အလှူအတန်းပေးကြရာတွင်လည်း အမှန်တကယ်လိုအပ်နေသော ရဟန်းသံဃာများနှင့် လူများကို ပေးလှူခြင်းထက် မိမိတို့အကျိုးစီးပွားကို ဖြစ်ထွန်းစေမည့်၊ အာဏာ တည်မြဲရေးကို ဖြစ်စေမည့် ဘုရားတည် ကျောင်းဆောက် ထီးတင်ခြင်းဖြင့် ရွှေကျောင်းပြောင်ပြောင် ဝမ်းခေါင်ခေါင်အဖြစ်သို့ ရောက်မှန်းမသိ ရောက်နေကြပါတယ်။ လက်တဖက်က လှူဒါန်းနေပြီး၊ ကျန်လက်တဖက်က ပြန်ခိုးယူခြင်းသည် ကုသိုလ်တစ်ပဲ အကုသိုလ်တစ်ပိဿာ ဖြစ်နေသောအလှူ ဖြစ်နေပါလိမ့်မည်။ အမှန်တကယ် မြတ်စွာဘုရား၏ အဆုံးအမသာသနာကို ရင်ဝယ်ကိန်းသူဖြစ်မည်ဆိုပါက မြတ်စွာဘုရား၏ လမ်းစဉ်ကို ကျင့်သုံးကြမှာ ဖြစ်ပါတယ်။ အဓိက နဲ့ သာမညကို ခွဲခြားနိုင်ပြီး မည်သည်ကို ဦးစားပေးဆောင်ရွက်ရမည်ဆိုတာကို သဘောပေါက်နားလည်သင့်ပါတယ်။

သာသနာဖျက်နေသော အချို့သောရဟန်းတော်များ..

ယနေ့ခေတ် အချိန်အခါကာလသည် ဝိမုတ္တိသာသနာထွန်းကားနေသော အချိန်ကာလ ဖြစ်သည်နှင့်အညီ ဝိနည်းစည်းကမ်းကို အသက်ထက်တန်ဖိုးထား လိုက်နာစောင့်ရှောက်သော ရဟန်းစစ်၊ ရဟန်းမှန်များစွာ ရှိသကဲ့သို့ အယောင်ဆောင် ရဟန်းတု၊ များစွာလည်း ရောနှောပူးကပ် နေသောကာလလည်း ဖြစ်ပါတယ်။ စီးပွားရေးအရသော်၎င်း၊ နိုင်ငံရေးအရသော်၎င်း၊ လူမှုရေးအရသော်၎င်း အကြောင်းအမျိုးမျိုးကြောင့် ရဟန်းဝတ်နေသော ရဟန်းယောင်များစွာလဲ ရှိနေကြပါတယ်။ သို့ ဖြစ်ပါသောကြောင့် မိမိတို့ပတ်ဝန်းကျင်တွင် မြတ်စွာဘုရား၏ ဝိနည်းစည်းကမ်းသာသနာကို မလိုက်နာသော ရဟန်းများ ရှိနေပါက အားနာမှု လိုက်လျောမှု မရှိပဲ လူထွက်စေသည်အထိ ဝိုင်းဝန်းကြိုးပမ်းခြင်းဖြင့် သာသနာ့ဂုဏ်ရှိန်ကို မြှင့်တင်ကြစေလိုပါတယ်။

ရဟန်းတော်များနဲ့ မာတုကာမများ

မြတ်စွာဘုရားချမှတ်ခဲ့သော ဝိနည်းစည်းကမ်းများတွင် ရဟန်းသံဃာတော်များအတွက် အရေးကြီးဆုံးမှာ မာတုကာမများနှင့် ရင်းရင်းနှီးနှီးမနေဖို့ပင်ဖြစ်ပါတယ်။ မာတုကာမဆိုရာတွင် မွေးကင်းစ မိန်းကလေးများမှအစ အသက်အရွယ်ကြီးရင့်သော အဘွားအိုများအထိ ပါဝင်ပါတယ်။ မာတုကာမများနဲ့ ဆက်ဆံရာတွင် ကာယကံ ဝစီကံ မနောကံ ကံသုံးပါးလုံးနဲ့ ကင်းကင်းရှင်းရှင်းနေဖို့ပင်ဖြစ်ပါတယ်။ မာတုကာမများနဲ့ အသားချင်းထိစပ်ရန် မဆိုထားနှင့် ၄င်းတို့၏ အသုံးအဆောင်များ ကိုပင် မထိတွေ့ရဟု ဝိနည်းစည်းကမ်းသတ်မှတ်ထားပါတယ်။ ဝိနည်းစည်းကမ်းမလိုက်နာသဖြင့် အာပတ်ထိပါက၊ အာပတ်ဖြေနိုင်ပါတယ်လို့ တချို့ ရဟန်းတော်များ စောဒကတက်နိုင်သော်လည်း၊ ခဏခဏဖြေရသော အာပတ်သည် ရဟန်းတော်များ၏ သမာဓိကို ထိခိုက်ပျက်ပြားစေနိုင်ပါတယ်။

ဂီိလာနရဟန်းအား မာတုကာမများ ပြုစုသင့်ပါသလား….

မြတ်စွာဘုရား၏ ဝိနည်းစည်းကမ်းကို အမှန်တကယ် လိုက်နာလေးစားသော ရဟန်းသံဃာများအနေနဲ့ မာတုကာမများ၏ ထိစပ်ပြုစုမှုကို မခံယူသင့်ပါဘူး။ ဂီိလာနရဟန်းအနေဖြင့် ရောဂါအခြေအနေအရပ်ရပ်ကြောင့် အမှန်အကန် မဆုံးဖြတ်နိုင်ပါကလည်း၊ မာတုကာမများအနေနဲ့ မြတ်စွာဘုရား၏ အဆုံးအမသာသနာကို တကယ်ကြည်ညို လေးစားမည်ဆိုပါက ရဟန်းများ အာပတ်ထိ အပြစ်ရစေမယ့် ကိစ္စများကို ရှောင်ရှားသင့်ပါတယ်။ အကယ်၍ ပြုစုနိုင်သည့် ရဟန်းသာမဏေငယ်များ၊ အမျိုးသားဒကာများ လုံးဝမရှိသဖြင့်၊ မဖြစ်မနေလိုအပ်မည်ဆိုပါက ပြုစုနိုင်သော်လည်း၊ သို့တည်းမဟုတ်ပါက မလုပ်သင့်မလုပ်အပ်သော လုပ်ရပ်မျိုးဖြစ်ပါတယ်။

ခေတ်မှီခြင်းနဲ့ ခေတ်ရှေ့ပြေးခြင်း..

ခေတ်နဲ့ အညီ ဆက်သွယ်ရေးလွယ်ကူစေရန်၊ တရားဓမ္မများဖြန့်ဖြူးရန်၊ ကမ္ဘာ့သတင်း မြန်မာ့သတင်းများသိရှိစေရန်၊ အချို့သော ရဟန်းတော်များ ကွန်ပြူတာသုံးစွဲခြင်းသည် သင့်လျော်သော်လည်း၊ ခေတ်မှီခြင်းကို လွန်မြောက်လျက် မကြည့်သင့်မကြည့်အပ်သော အချို့ဝက်ဆိုဒ်များကို ကြည့်ရှုခြင်း၊ ဗီဒီယိုများကြည့်ရှူခြင်း၊ သီချင်းနားထောင်ခြင်း စသည်ဖြင့် ခေတ်ရှေ့ပြေးလာကြခြင်းသည် ကောင်းကျိုးကိုကျော်ပြီး ဆိုးကျိုးကို ရောက်စေပါတယ်။ စည်းကမ်းဟူသည် စည်းကမ်းရှိသူအတွက် မလိုအပ်သော်လည်း၊ စည်းကမ်းမရှိသူများအတွက် မရှိမဖြစ် ထားရမယ့်အရာဖြစ်ပါတယ်။ အင်တာနက်၏ ဆိုးကျိုးကြောင့် သမာဓိခိုင်မြဲမှုမရှိသော အချို့ရဟန်းများ လူထွက်ပြီး အိမ်ရာထူထောင်ခဲ့သော သာဓကများ ရှိခဲ့ပါတယ်။ မလိုအပ်ပဲ ကွန်ပြူတာ အသုံးပြုခြင်းသည် ကောင်းကျိုးထက် ဆိုးကျိုးကို ဖြစ်စေသည့်အပြင် ရဟန်းတော်များ၏ ဝိနည်းစည်းကမ်းနှင့်လည်း သင့်တော်မှု မရှိပါဘူး။

အမှန်တရားဟူသည် သူတော်ကောင်းများအတွက် ပျားရည်ကဲ့သို့ ချိုမြိန်လှသော်လည်း၊ အသိဥာဏ်နိမ့်ပါး မိုက်မဲသူများအတွက်မူ ဆေးခါးကြီးမျိုချရသကဲ့သို့ ခါးသီး ခံရခက်လှပါတယ်။ စဉ်းစားဥာဏ်ရှိပြီး အမှန်တရားကို သိမြင်နိုင်သူဆိုပါက အမှားကို ပြုပြင်ရန်ဝန်လေးကြမည်မဟုတ်ပေ။

မြတ်စွာဘုရား၏ သာသနာ ရေရှည်တည်တံ့ခိုင်မြဲရေးအတွက် သာသနာ့ရေသောက်မြစ်များဖြစ်သော ရဟန်းသံဃာ စာသင်သားများအား ထောက်ပံ့လှူဒါန်း မြေတောင်မြှောက်ပေးခြင်း၊ စာသင်တိုက်များ၏ ဆွမ်းကွမ်းချို့တဲ့မှုများအား ဖြေရှင်းပေးခြင်း၊ သာသနာနှင့်မလျော်ညီသော၊ သာသနာပျက်စီးမှုကို ဖြစ်စေသော၊ အရေးမှန်သမျှကို အရှိကို အရှိအတိုင်း အမှန်ကိုအမှန်အတိုင်း မကြောက်မရွံ့ ဟောပြောပြသ ဆုံးမရန် တာဝန်မှာ မြတ်စွာဘုရား၏ တပည့်သား သံဃာတော်အားလုံး၏ အရေးကြီးသော တာဝန်ဖြစ်ပါတယ်။ ဤတာဝန်ကို ကျေကျေပြွန်ပြွန် ဦးလည်မတုံ ထမ်းရွက် နိုင်သူကိုသာလျှင် သာသနာပြုနေသော သာသနာ့အာဇာနည်ဟု သတ်မှတ်နိုင်မည် ဖြစ်ပါသည်။

( ဤဆောင်းပါးဖြင့် ဆရာတော် အရှင်သုမင်္ဂလ အား ဂုဏ်ပြု ပူဇော်ကန်တော့အပ်ပါသည်။)

ထက်စုနှင်းဆီ
(၁၉-၀၆-၂၀၀၉)

2 comments:

Unknown said...

It is so true.
Zaganar said every mirror is not good.(mean saying truth is dangerous)

မောင်ကောင်း said...

စည်းကမ်းဟူသည် စည်းကမ်းရှိသူအတွက် မလိုအပ်သော်လည်း၊ စည်းကမ်းမရှိသူများအတွက် မရှိမဖြစ် ထားရမယ့်အရာဖြစ်ပါတယ်။
အစ်မဖော်ပြတာလေးတွေ မှတ်သားသွားပါတယ်...။