အသိဉာဏ်ဆိုသည်မှာ... အကောင်းအဆိုး အကြောင်းအကျိုး... အမှားအမှန်များကို ကောင်းစွာ ဝေဖန် ပိုင်းခြား ဆင်ခြင် သိမြင်နိုင်ခြင်းကို ဆိုလိုပါသည်.....

Friday, December 25, 2009

အပါယ်တံခါး မှားမဖွင့်စေချင်…..

မြတ်စွာဘုရားသည် ဝေနေယျသတ္တဝါအပေါင်းကို ကြီးမားသော မဟာဂရုဏာတော်မြတ်ဖြင့် သံသရာဝဋ်ဆင်းရဲမှ ကင်းဝေးစေခြင်း အလို့ငှာ လေးသင်္ချေနှင့်ကမ္ဘာတသိန်း ပါရမီဖြည့်ကျင့်လျက် ဘုရားအဖြစ်ကို ရယူတော်မူခဲ့ပါသည်။ ဒါနပါရမီ၊ သီလပါရမီ၊ နိက္ခမပါရမီ၊ ပညာပါရမီ၊ ဝိရိယပါရမီ၊ ခန္တီပါရမီ၊ သစ္စာပါရမီ၊ အဓိဋ္ဌာနပါရမီ၊ မေတ္တာပါရမီ၊ နှင့် ဥပေက္ခာပါရမီ ဟူသော ပါရမီဆယ်ပါးကို ဘဝအဆက်ဆက် အကြိမ်ကြိမ် အလီလီ ဖြည့်ကျင့်လျက် သတ္တဝါများ၏ အကျိုးကို အနစ်နာခံ ဆောင်ရွက်တော်မူခဲ့ပါသည်။

ထို့ပြင် ဥစ္စာပစ္စည်း၊ သမီးနှင့်သား၊ ဇနီးမယား၊ အင်္ဂါကြီးငယ်နှင့် အသက်ကို စွန့်ခြင်းတည်းဟူသော စွန့်ခြင်းကြီး ငါးပါး၊ သတ္တဝါအပေါင်း၊ ဆွေမျိုးအပေါင်းနှင့် ဘုရားအဖြစ်၏ အကျိုးငှာ ဖြည့်ကျင့်တော်မူသော စရိယသုံးပါး၊ ဒေဝပုတ္တမာရ်၊ ကိလေသမာရ်၊ ခန္ဓမာရ်၊ မစ္စုမာရ်၊ အဘိသင်္ခါရမာရ် တည်းဟူသော မာရ်ငါးပါး၊ စသည်တို့ကို အောင်မြင်တော်မူခဲ့သော၊ ဘုရားဂုဏ်တော် ကိုးပါးနှင့် ပြည့်စုံတော် မူခဲ့သော၊ လူ၊နတ်၊ ဗြဟ္မာ၊ သတ္တဝါ အပေါင်းတို့၏ ဆရာတဆူ ရှေ့ဆောင်လမ်းပြ ဖြစ်တော်မူခဲ့ပါသည်။

ဤမျှ ကြီးမားလှသော ဂုဏ်နှင့် ပြီးပြည့်စုံတော်မူသော မြတ်စွာဘုရား၏ တရားစစ်တရားမှန်ကို အခြေခံမှစ၍ တဆင့်ပြီး တဆင့် လေ့လာဖတ်ရှုမှသာလျှင် နောက်ဆုံးကျင့်ကြံအားထုတ်မှုအထိ လမ်းမချော် လမ်းမလွဲစေပဲ ပြီးမြောက်စေမည်ဖြစ်ပါသည်။ သို့တည်းမဟုတ် ဖြတ်လမ်းနည်းဖြင့် ကိုယ်တွေ့သည်သာ အဓိကဟု သတ်မှတ်ကာ အလောတကြီး ကျင့်ကြံ အားထုတ်မည်ဆိုပါက အလွဲလွဲ အချော်ချော်ဖြင့် လမ်းမှားရောက်စေနိုင်ပါသည်။

ယနေ့ခေတ် ဗုဒ္ဓဘာသာဝင်များ..
ယနေ့ခေတ် ဗုဒ္ဓဘာသာဝင်အများစုသည် ဗုဒ္ဓဘာသာ၏အခြေခံကိုမျှ နားလည်ခြင်းမရှိတော့ပဲ ကိုးကွယ်မှုအရောရော အထွေးထွေး၊ နားလည်မှု ယောင်ဝါးဝါး၊ ယုံကြည်မှုလွဲမှားစွာနှင့် ကျင့်ကြံမှု အမှားမှား အယွင်းယွင်း ဖြစ်နေကြပါသည်။ စာပေဗဟုသုတ အားနည်းခြင်းနှင့်အတူ၊ ဆရာကောင်းတို့၏ လမ်းညွှန်မှုမရှိခြင်းတို့ကြောင့် ဟိုလူပြောလဲ ဟုတ်နိုးနိုး သည်လူပြောလဲ ကောင်းနိုးနိုးဖြစ်နေကြကာ ကိုယ်ပိုင်အသိဥာဏ်ဖြင့် ဆုံးဖြတ်နိုင်စွမ်း အားနည်းနေကြပါသည်။

စစ်မှန်သော ဗုဒ္ဓဘာသာဝင်ဆိုသည်မှာ….

မိမိတို့ကိုယ်ကို မိမိတို့ ဗုဒ္ဓဘာသာဝင်ပါဟု သတ်မှတ်သူတိုင်းသည် မြတ်စွာဘုရားနှင့်တကွ မြတ်စွာဘုရား၏ တရားဒေသနာတော်၊ မြတ်ဗုဒ္ဓ၏ သာသနာအဆုံးအမနှင့် ဝိနည်းစည်းကမ်းကို တသွေမတိမ်း လိုက်နာနေသော တပည့်သား သံဃာတော်များကိုပါ ခြွင်းချက်မရှိ သံသယကင်းစွာ ယုံကြည်ဖို့ လိုအပ်ပါသည်။

ကာလာမသုတ်နှင့် အယောင်ဆောင် ဗုဒ္ဓဘာသာဝင်များ၏ ဆင်ခြေများ….

မြတ်စွာဘုရား ဟောကြားခဲ့သော ကာလာမသုတ္တန် ဒေသနာတော်သည် မြတ်စွာဘုရား၏ အဆုံးအမ သာသနာကို ယုံကြည်လေးစားစွာ ခြွင်းချက်မရှိ လိုက်နာနေသော စစ်မှန်သော ဗုဒ္ဓဘာသာဝင်များအား ဟောကြားခဲ့ခြင်း မဟုတ်ပေ။ အယူဝါဒ အမျိုးမျိုးတို့ဖြင့် ဝိဝါဒကွဲပြား ငြင်းခုံနေကြသော ကာလာမပုဏ္ဏားများအား ဟောကြားခဲ့သော တရားများဖြစ်ပါသည်။ ထိုအချိန်က ဗုဒ္ဓစာပေ အပြည့်အစုံ မပေါ်ပေါက်သေးသော ကာလဖြစ်ပြီး တခြားသော အယူဝါဒရေးရာ စာပေများ၏ ကွဲပြားမှုကို ငြင်းခုံနေကြသောကြောင့် လက်တွေ့ လိုက်နာကြည့်ပြီးမှ ယုံကြည်ကြဖို့ ဟောကြားသော တရားဖြစ်ပါသည်။

သို့ရာတွင် ယနေ့ခေတ်ကာလတွင် မြတ်ဗုဒ္ဓဟောကြားခဲ့သော ပိဋကတ်သုံးပုံ၊ ဓမ္မက္ခန္ဓာ ရှစ်သောင်းလေးထောင်အပြင် အဋ္ဌကထာ၊ ဋီကာများ အပြည့်အစုံရှိနေပါသည်။ ထိုတရားများတွင် လူ့လောကအတွင်း နေထိုင်နေကြသော လူသားတို့အား ၃၈ဖြာ မင်္ဂလာတရားအစမှသည် သေခြင်းတရားတို့ပြီးဆုံးရာ မြတ်နိဗ္ဗာန်တိုင်အောင် ဟောကြားထားသော တရားများ ပါဝင်ပါသည်။ လောကီကောင်းကျိုး အဖြာဖြာအတွက်သာမက လောကုတ္တရာကောင်းကျိုးအတွက်ပါ ဒါန၏အကျိုး၊ ဒါနမရှိခြင်း၏အပြစ်၊ သီလ၏ကောင်းခြင်း၊ သီလမရှိခြင်း၏ ဆိုးခြင်း၊ ဘာဝနာမှန်ကန်စွာဆောက်တည်ခြင်း၊ မှားယွင်းခြင်း၏အကျင့် စသည်တို့ကို ပြည့်စုံစွာ ဟောကြားတော်မူခဲ့ပါသည်။

သို့ရာတွင် ဤမျှ ပြည့်စုံအောင် ဟောကြားထားသော်လည်း မြတ်ဗုဒ္ဓ၏ ကျင့်စဉ်လမ်းမှန်ကို ပြင်ဆင်ဖြည့်စွက် ပြုပြင်လိုသူများ အများအပြား ပေါ်ပေါက်လာပါသည်။ မြတ်စွာဘုရား၏ ကျင့်စဉ်နည်းလမ်း စည်းကမ်းနှင့် သွေဖည်လျက် မိမိတို့၏ ကိုယ်တွေ့ဖြင့် မြတ်စွာဘုရား၏ ဥာဏ်တော်ကို မြင်နိုင်ပါသည်ဟု ကာလာမသုတ်ကို ကိုးကားလျက် ထုတ်ဖော် ကြွေးကြော်လာကြပါသည်။ မြတ်ဘုရား၏ တရားစာပေ ပိဋကတ်များကို ပစ်ပယ်ခြင်းသည် မြတ်စွာဘုရား၏ သာသနာကို မယုံကြည်ရာ ရောက်လေသောကြောင့် ဗုဒ္ဓဘာသာဝင်ဟုပင် သတ်မှတ်၍ မရနိုင်ပေ။

ဝိနည်းစည်းကမ်းသည် သာသနာ၏ အသက်သွေးကြော

သာသနာဟူသည် သီလ၊ သမာဓိ၊ ပညာတည်းဟူသော သိက္ခာသုံးရပ်ဖြင့် တည်ဆောက်ထားခြင်း ဖြစ်လေသောကြောင့် ရဟန်းဝိနည်း၊ လူ့သီလသည် အရေးကြီးသော အခန်းကဏ္ဍတွင် ပါဝင်ပါသည်။ သာသနာ၏ အခြေခံ အုတ်မြစ်ဖြစ်သောကြောင့် သီလမမြဲ ဝိနည်းစည်းကမ်း မထိန်းသိမ်းနိုင်ပါက သာသနာအဆောက်အဦး ပြိုလဲမှု လွယ်ကူစေနိုင်ပါသည်။ ဘုရားရှင်သည် ရဟန်းတော်များအတွက် ဝိနည်းစည်းကမ်းများကို တချိန်တည်း တခါတည်း သတ်မှတ်တော်မူခဲ့ခြင်း မဟုတ်ပဲ၊ သာသနာကို ပျက်စီးညှိုးနွမ်းစေမည်ဟု ထင်မှတ်သော အခါတိုင်းတွင် လိုအပ်သလို အခါအားလျော်စွာ သတ်မှတ်ခဲ့ခြင်းဖြစ်ပါသည်။ အထူးအားဖြင့် ကိလေသာတိုးပွားစေမည်ဟု ထင်မှတ်သော ကိစ္စရပ်များကို ရှောင်ရှားစေနိုင်ရန် ရည်ရွယ်လျက် ဝိနည်းစည်းကမ်းများကို သတ်မှတ်တော်မူခဲ့ပါသည်။

သစ္စာဆိုက်အောင် တရားများနာယူသောအခါ...
ထေရဝါဒ ဗုဒ္ဓဘာသာ၏ အခြေခံတရားတော်များကို အရင်ဦးဆုံး နာယူခြင်းသည် အကောင်းဆုံးဖြစ်ပါသည်။ ထို့နောက် အရိယာတို့၏ ဥာဏ်တော်ဖြင့် ဟောကြားအပ်သော သစ္စာတရားတော်များကို အနုမှ အရင့်သို့ အဆင့်ဆင့် နာယူခြင်းဖြင့် မိမိတို့၏ အသိဥာဏ်ကို ရင့်သန်စေနိုင်ပါသည်။ ထို့ပြင် အခြားသော ဆရာတော် သံဃာတော်များ ဟောကြားသော ဝိနည်း၊ သုတ္တန်၊ အဘိဓမ္မာ ဒေသနာတော်များကိုပါ နာယူကြစေလိုပါသည်။ ဆရာတော်တစ်ပါးတည်း၏ တရားတော်များကို နာယူခြင်းထက် ဆရာတော်ပေါင်းစုံ၏ တရားတော်များကို နာယူခြင်းသည် ဗဟုသုတ ပိုမို ပြည့်စုံနိုင်သည့်အပြင် အသိဥာဏ် ပညာနှင့် လိမ်မာယဉ်ကျေးမှုကိုပါ ပိုမို ရရှိစေနိုင်ပါသည်။ အထူးအားဖြင့် မိမိတို့အနေဖြင့် ဤဘဝသည် နောက်ဆုံးဘဝ ဟုတ်မဟုတ် မရေရာသေးပါသဖြင့် ကျန်ရှိသော သံသရာခရီးအတွက် ဒါနရိက္ခာ၊ သီလသိက္ခာနှင့် ဘာဝနာကျင့်စဉ်များကို တတ်အားသမျှ ကျင့်ယူ အမြတ်ထုတ်ယူဖို့ လိုအပ်နေပါသည်။

အဓိက ဥာဏ်အင်္ဂါငါးပါး..
တရားဓမ္မများကို စိတ်ဝင်စားမှု အမှန်တကယ်ရှိသော လူများအတွက် အဓိက လိုအပ်ချက် ဥာဏ်အင်္ဂါငါးပါးမှာ-
၁) ဘုရား တရား သံဃာ အပေါ် ယုံကြည်ကိုးကွယ်မှုရှိခြင်း။
၂) ငါးပါးသီလကို မြဲမြံအောင် စောင့်ထိန်းခြင်း။
၃) ကံ-ကံ၏ အကျိူးကို ယုံကြည်မှုရှိခြင်း။
၎) နာမ်နှင့်ရုပ်ကို ပိုင်းခြား၍ သိမြင်ခြင်း။
၅) ငါ-ငါ့ဟာ-ငါပိုင်မဟုတ်သည်ကို ယုံကြည် (စူးစမ်း၊ စီစစ်၊ စမ်းသပ်၊ ဝေဖန်၊ ပွားများ) ဥာဏ်ဖြင့်သိမြင်ခြင်း။ တို့ဖြစ်သည်။

ပစ္စည်းစွန့်ရမှာလား၊ စွဲလန်းမှု တဏှာ စွန့်ရမှာလား….
ပစ္စည်းစွန့်လှူဒါန်းခြင်းသည် ကုသိုလ်ကောင်းမှု ပြုလုပ်သည် မှန်ပါသော်လည်း ၊ ထိုပစ္စည်းအပေါ် စွဲလမ်းတပ်မက်မှု ငြိတွယ်မှု တဏှာ ဖြစ်နေသေးပါက ယင်းသည် အကုသိုလ် ဖြစ်သွားနိုင်ပါသည်။ ဘုရားတည်၊ ကျောင်းဆောက်၊ ဓမ္မာရုံလှူဒါန်းနေသူများပင် ဖြစ်စေကာမူ၊ ငါတည်ခဲ့သော ဘုရား၊ ကျောင်း၊ ဓမ္မာရုံများဟု စွဲလမ်းလျက် သေပွဲဝင်ခဲ့ပါလျှင် အပါယ်ဇာတိ လားရမည်သာ ဖြစ်ပါသည်။ ထို့ကြောင့် တကယ်မရှိသော ပညတ်ပေါ်မူတည်လျက် စိတ်၊စေတသိတ်တွင် ပေါ်ပေါက်သော ပရမတ်သဘောတရားများ၏ မမြဲမှုကို ပိုင်းခြားသိပြီး ပယ်သတ်နိုင်မှသာလျှင် ဘဝဇာတိ ထပ်မံ မရရှိမည် ဖြစ်ပါသည်။

ကုသိုလ်နှင့်တရားစခန်း
ကုသိုလ်တရားဟူသည် မိမိဖက်မှ စွန့်လွှတ်ခြင်း၊ အနစ်နာခံခြင်း၊ ပြုလုပ်ခြင်းမှသာ ရရှိနိုင်မည်ဖြစ်ပါသည်။ တရားစခန်းဝင်တိုင်း ကုသိုလ်ရရှိမည် မဟုတ်ပေ။ တရားစခန်းဝင်သည်ပြော၍ သီလမလုံခြုံ၊ အချိန်ကုန်ခံ၊ ဇွဲနှင့်ကြိတ်မှိတ် အညောင်းခံထိုင်လျက်၊ အချိန်စေ့သည်နှင့် ဒုက္ခခံခြင်း စိတ်မှ လွတ်မြောက်ပြီဟု သဘောထားကာ၊ သူတပါးမှ လှူဒါန်းသော အစားအသောက်များကို သုံးဆောင်နေခြင်းသည် အဘယ်ကုသိုလ်မျှ ရရှိနိုင်မည် မဟုတ်ပေ။ ကုသိုလ်တရားဟူသည် ကြည်လင်သော စိတ်၊ လုံခြုံသော သီလ၊ မျှတသော ဘာဝနာပွားမှု၊ ယုံကြည်သော သဒ္ဓါတရားတို့မှသာလျှင် ရရှိနိုင်ပါသည်။

အပါယ်တံခါး မှားမဖွင့်စေချင်
အပါယ်ပိတ်တရားများ နားမှ နာနေသော်လည်း၊ လက်တွေ့တွင်မူ ဘုရားတရားများကို ပြင်ဆင်ဖြည့်စွက်၊ တရားအမှားများ ပြသနေခြင်း၊ သီလသိက္ခာ၊ဝိနည်းတော်များကို လေးစားမှုမရှိခြင်း၊ မိမိနှင့်မတန်သေးသော စကားများ ပြောဆိုခြင်း၊ သီလ သမာဓိ ပညာနှင့်ပြည့်စုံတော်မူသော ဆရာတော်ကြီးများ၏ အကာအကွယ်ယူပြီး မိမိလိုရာ ဆွဲယူပြောဆိုခြင်း၊ မိမိ၏ အသိဥာဏ်ဖြင့် မှား၏ မှန်၏ မဆုံးဖြတ်နိုင်သေးပဲ တရားများကို ဖြန့်ဝေနေခြင်း စသော အပါယ်တံခါးဖွင့်စေသော အပြုအမူများကို အမြန်ဆုံးအဆုံးသတ်စေခြင်းဖြင့် မိမိတို့ကိုယ်ကို မိမိတို့ ကယ်တင်သင့်ပါကြောင်း အကြံပြု ရေးသားလိုက်ရပါသည်။ ။
.

9 comments:

ကိုဇော် said...

ကျွန်တော်က philosophy ပိုင်းရော - ဘာသာရေးနဲ့ ပတ်သက်ပြီးရော လေ့လာနေဆဲ လူငယ်တစ်ယောက်ပါ ခင်မျာ-
နတ်ပြည် - ရှိတယ် ငရဲ ရှိတယ် ဆိုတာ တခါ တခါ ကိုယ်တိုင် မြင်ချင် သိချင်တဲ့ စိတ်ဖြစ်မိပါတယ် ။ ကျွန်တော်သိလိုတာက အပါယ်လေးပါး မကျရောက်ခင် ဖွင့် ရတဲ့ အပါယ်တံခါးဟာ ဘယ်နေရာမှာ ရှိတယ်ဆိုတာပါပဲ။

ထက်စုနှင်းဆီ said...

ကိုဇော်ရေ..

မြင်ဖူးချင်တယ်ဆိုရင်တော့ အရင် သေကြည့်ရင် မြင်ဖူးမယ်ထင်ပါတယ်. ငရဲကတော့ မြေကြီးအောက်မှာ ရှိပါတယ်.. လူသားအားလုံးက အပါယ်လေးဘုံက လာသူချည်းပါပဲ.. ကိုဇော်လဲ ရောက်ဖူးပါတယ်.. မေ့နေလို့ပါ... ပြန်သွားပြီးလေ့လာချင်တယ်ဆိုလဲ သဘောပါပဲ.. ပိုမှတ်မိတာပေါ့..

ကိုဇော် said...

မစုရေ-

ကျွန်တော်က အဘိဥာည်နဲ့ မြင်သလိုမျိုး ကိုဆိုလိုတာပါခင်မျာ- -ကျွန်တော် အဓိက မေးလို -သိလို တာက မစု post ၇ဲ့ ခေါင်းစဉ် အပါယ် တံခါး ဆိုတာ ဘယ်နေရာမှာ ရှိသလဲ ဆိုတာပါပဲ ခင်မျာ-

ထက်စုနှင်းဆီ said...

ကိုဇော်ရေ.

အဘိညာဉ်နဲ့မြင်ချင်ရင်တော့ သူတော်ကောင်းတရား များများကျင့်ပေါ့. အဲဒါဆို မြင်ရနိုင်ပါတယ်..
အပါယ်တံခါးကတော့ အကုသိုလ်များရဲ့ အဆုံးမှာ ရှိပါတယ်.. အဲဒီမှာ ယမမင်းက စောင့်ကြပ်နေတယ်..
အဲဒါတွေကို သေရွာပြန်တွေ၊ မသေပဲ ခဏတာ မေ့မျောသွားတဲ့လူတွေ ပြန်ပြောပြတာပဲ... တိတိကျကျ ရေးထားတဲ့ စာအုပ်တွေ ရှိပါတယ် .. ရှာဖတ်ကြည့်ပါ..
မျက်စိနဲ့ မြင်မှ ယုံမယ်ဆိုရင်တော့ ကိုယ်တိုင် ကွင်းဆင်းလေ့လာကြည့်ပေါ့. နော်..

မောင်ကောင်း said...

စေတနာအရင်းခံတဲံ ဓမ္မစာပေတွေကို လာရောက်ဖတ်ပါတယ်..။ တန်ဖိုးရှိတဲ့စာပေများ ဆက်လက်ဖြန့်ဝေပေးရင်းဖြင့် ဘုရားရှင် သာဓုခေါ်နိုင်အောင် အားထုတ်ကျင့်ကြံနိုင်ပါစေ..။
အများအကျိုး၊ ရွက်သယ်ပိုးက၊ ခနိုးခနဲ့ ၊ ဆိုကဲ့ရဲ့လည်း၊ မဖဲ့စကောင်း၊ ကိုယ့်လမ်းကြောင်းကို၊ စိတ်ကောင်းနှင့် ယှဉ်၊ ရှေးရှုနှင်လော့။ (ရွှေဟင်္သာဆရာတော်ဘုရားကြီး)

ကိုဇော် said...

ကိုဇော်

မနာလိုမှု -လောဘ - ဒေါသ စတဲ့ကိလေသာများမှ လွတ်မြောက်ဖို့ အပါယ်တံခါးပိတ်ဖို့ ကြိုးစားကြသူအချင်းချင်း
ကျွန်တော်က ကိုယ်နားလည်တဲ့ လေ့လာထားတဲ့ “အပယ်တံခါး”ရှိတဲ့နေရာ နဲ့ မစုတို့ သိထားနားလည်ထားတဲ့ (မစုအပြော“အကုသိုလ်များရဲ့အဆုံး“) တူသလား မတူသလား ပွင့်ပွင့်လင်းလင်း ဆွေးနွေးဖို့ကြိုးစားတာပါ. ဒါပေမယ့်လို့ကာ အကြောင်း အကြောင်း များကြောင့် ကျွန်တော် ဆက်လက်မဆွေးနွေးတော့ပါ။ တစုံတရာ ကျွန်တော့်စကားများတွင် မစုအပေါ် ခနိုးခနဲ့ ရိသလို ဖြစ်ခဲ့ရင် ခွင့်လွှတ်ပါရန် ဒီနေရာကပဲ လေးလေးစားစား တောင်းပန်ပါတယ်ခင်မျာ -

ထက်စုနှင်းဆီ said...

ကိုဇော်ရေ..

အခုလို စာတွေရေးတာ ဝေဖန်တာ ထောက်ပြတာက ဘုရားရှင်မျက်နှာ၊ ဘုရားရှင်ရဲ့ သာသနာမျက်နှာတခုတည်းကိုပဲ ကြည့်ပြီး ပြောနေ ရေးနေ လုပ်နေတာပါ...

လူအများထင်သလို မနာလိုလို့ ဒေါသကြီးလို့ လုံးဝမဟုတ်ရပါဘူး.. မနာလိုဖြစ်စရာ အကြောင်းလဲ မရှိသလို လူလူချင်း မုန်းစရာအကြောင်းလဲ လုံးဝ မရှိပါဘူး.. စေတနာထားပြီး ပြောနေရေးနေတာ စေတနာကို တန်ဖိုးမထားရင် နေပါ.. မစော်ကားရင်ပဲ ကျေနပ်လှပါပြီ.....

ဆရာတော်နှင့်တကွ. သက်ဆိုင်သူအားလုံး .အမှားကို အမှားမှန်းသိပြီး အမှန်ပြုပြင် အမှားထပ်မလုပ်တော့ဘူးဆိုရင် ကျေနပ်လှပါပြီ. ရေးရကျိုးလဲ နပ်ပါပြီ..

လက်ကုန်ရေးထားပြီးဖြစ်လို့ နောက်ထပ်လဲ မရေးတော့ပါဘူး...

ကျန်ရှိနေတဲ့ အပိုင်းကတော့ သံဃာတော်အချင်းချင်း ရှင်းလင်းရမယ့်အပိုင်းဖြစ်သွားလို့ ဝင်ရောက်စွက်ဖက်ခြင်းလဲ မရှိတော့ပါဘူး...

ဆရာတော် မလေးရှားကြွလာရင်တော့ အဆင်ပြေရင် အွန်လိုင်းအမေးအဖြေလုပ်ဖို့တော့ စိတ်ကူးထားပါတယ်။

အားလုံးကို အထူးကျေးဇူးတင်ပါတယ်...

Anonymous said...

ပရိယတ်ကိုတော့ ဘယ်သူမှ လက်လွှတ်လို့ မရဘူးဆိုတာ ကျနော်လဲ လက်ခံပါတယ်။ ဘုရားကို ကြည်ညိုရင် ဘုရားဟော တရားဓမ္မတွေကို ဖတ်ရှုလေ့လာနိုင်ရမှာပါ။ ဒါတွေ မဖတ် မလေ့လာဘဲ စာတွေ့ပယ်ပြီး ငါတွေ့ပဲ ဟောမယ်ဆိုရင် မသင့်တော်ဘူး ထင်ပါတယ်။
ကျနော့်မှာ တရားအတူထိုင်ဖူးတဲ့ မိတ်ဆွေတစ်ယောက် ရှိပါတယ်။ ခင်မင်ပါတယ်။ တရား ပုံမှန်ထိုင်တယ်။ ဒါပေမယ့် အာနာပါနပဲ အားထုတ်တယ်။ ရုပ်နာမ်ဖြစ်ပျက် အနိစ္စတွေ စိတ်မဝင်စားဘူး။ ဒုက္ခအကြောင်း မကြားချင်ဘူး။ ဒီတော့ ပရိယတ်ကို သူ လုံးဝ စိတ်မဝင်စားဘူး။ ပယ်ထားတယ်။ အဲဒီအခါ ဖြစ်လာတာက သူ ပြန်ဟောတဲ့ တရားတွေ၊ တစ်နည်း သူ့ဓမ္မအမြင်တွေ ဘဝအမြင်တွေက အမှန်လမ်းကြောင်းကနေ ချွတ်ချော်လာတယ်။

ငါးပါးသီလကအစ စိတ်မဝင်စားဘူး။ အရေးမကြီးတဲ့ အလုပ်တွေလို သဘောထားတယ်။ စိတ်ကောင်းရှိပေမယ့် ဒါနကို အပင်ပန်းခံပြီး တကူးတက မပြုဘူး။ ဒီတော့ ကမ္မဌာန်းနဲ့အတူ တွဲပြီး ဖြည့်ဆည်းအပ်တဲ့ ဒါနသီလ ပါရမီတွေ မဖြည့်၊ ဘာဝနာမှာလဲ သတိပဌာန်ကို လုံးဝနီးပါး ပစ်ပယ်ထားတော့ တရား အားထုတ်ပေမယ့် ထူးခြားမှု မရှိ ဖြစ်နေတယ်။ အနိစ္စကို မြင်ချင်စိတ် မရှိဘဲ ဝင်လေထွက်လေ ရှုရုံက စိတ်တည်ငြိမ်ရုံပဲ အကျိုးပေးမှာပဲလေ။

ဒီပြဿနာမျိုးက ဓမ္မစာပေတွေ ဖတ်ရှု၊ ဓမ္မဆွေးနွေးမှုတွေ ပြုရင် ပြေလည်သွားနိုင်ပါတယ်။ ဒါတွေ ဘာမှ စိတ်မဝင်စားဘဲ လက်တွေ့ အဓိက ဆိုပြီး တရားပဲ ထိုင်နေရင် ညောင်းတာပဲ အဖတ်တင်မှာ စိုးရတယ်။ ပရိယတ်ကို ပစ်ပယ်တာ ပစ်ပယ်သူအတွက် အကျိုးမရှိပါဘူး။

သျှင်သာမိ - မုံရွာ said...

တကယ်ကို ကောင်းမွန်တဲ့ ပို့စ်လေးပါပါပဲ
အယောင်ဆောင် ဗုဒ္ဓဘာသာတွေ
အဓမ္မ၀ါဒီ သမားတွေ ပေးတတ်တဲ့ ဆင်ခြေတခုက
ကာလာမ သုတ်ကို ကိုင်ပေါက်ပြီး
ဓမ္မကို ဆွေးနွေးနေသူတွေကြား ၀င်ရောက်နှောက်ယှက်တာကြတာပါပဲ
ရတနာ ဘလော့မှာ အဲဒီ ကာလာမသုတ်ကိုပဲ ထပ်တလဲတင်ပြပြီး လာလာဖြေရှင်းတဲ့ အတုယောင်တွေရဲ့
ဆင်ခြေတွေ တွေ့ဘူးမှာပေါ့
ကာလမသုတ်ကို ဘုရားရှင် ဘယ်အချိန်အခါက
ဘယ်လိုအကြောင်းရာကြောင့် ဟောသလဲဆိုတာ
မေးကြည့်ရင် ကောင်းကောင်းသိမှာမဟုတ်ဘူး
တချို့က ကျမ်းကိုး ကျမ်းကားနဲ့ ဖြေရှင်းရင်တောင်
ကာလာမသုတ်ကို ထောက်ပြပြီး ပိဋကတ်ကျမ်းစာ နဲ့ကိုက်ညီတဲ့အတွက်ကြောင့်လည်း မှန်တယ်လို့ မယူနဲ့ ဆိုတာတွေကို ရှိသေးတယ်
ပိဋကတ်ဆိုတာ ဘာလဲဆိုတာတောင် ရေရေရာရာ မသိပဲနဲ့ အများယောင်လို့ယောင် ယောင် အမောင်တောင်မှန်း မသိဆိုတဲ့ အတုယောင်တွေက
ဒုနဲ့ဒေး ဘုရားရှင်က သူဟောတဲ့တရားကို လာလည့် ရှူ့လည်း စူးစမ်းလှည့် ဆိုပြီး ဖိတ်ခေါ်ပြီးသားပါ
ဘုရားရှင် ကာလမ သုတ်ကို ဟောစဉ်က ပိဋကတ်ဆိုတာ မရှိသေးဘူး အဲဒီတုံးကို ပုဏ္ဏားတွေ
နိဂဏ္ဍတွေရဲ့ ကျမ်းတွေကို ပိဋကတ်လို့ ခေါ်တာ
ဘုရားရှင် ရည်ညွန်းတာက အဲဒီ နိဂဏ္ဍဒိဌိတွေရဲ့ ကျမ်းတွေနဲ့ ကိုက်ညီတဲ့ အတွက်ကြောင့်လည်း မှန်တယ်လို့ မယူဆနဲ့လို့ ရည်ညွန်းတာ
ဘုရားရှင်တရားတော်တွေဟာ သုတ္တန် ၀ိနည်း အဘိဓမ္မာ ဒါတွေပဲ အဲဒါတွေကို စုစည်းပြီး
ပထမသင်္ဂါယနာ တင်တဲ့ အချိန်ကပြီး ပိဋကတ်လို့ ခေါ်တွင်ခဲ့တာပါ
ဒါကိုပင် ကောင်းကောင်းမသိပဲ အဌကထာကို ဝေဖန်ချင်တဲ့သူနဲ့ ပိဋကတ်ကို ဝေဖန်ချင်တဲ့သူတွေကို
တွေ့ရတတ်စမြဲပဲ
အဌကထာများကို ဝေဖန်မည်ဆိုလျှင် မိမိသည်
ယုတ္တိဗေဒနည်း၊
သမိုင်းအထောက်အထား၊
ဘာသာရေးစာပေများတွင် နှံစပ်မှုမည်မျှရှိသည်ကိုမိမိဘာသာ အရင် လေ့လာ
စစ်ဆေးဖို့လိုအပ်တယ်
ထိုမှသာ အမှန်ကိုသိနိုင်မယ်
သိတာလေး မတောက်တစ်ခေါက်နဲ့ တဖက်လူကို
ဝင်ရောက်နှောက်ယှက်တတ်တဲ့ အယောင်ဗုဒ္ဓဘာသာများ
ဒီပို့စ်လေးကို ဖတ်နိုင်ပါစေဗျာ ဆုတောင်းမိပါရဲ့