သေတစ်နေ့ မွေးတစ်နေ့…..

လူဆိုသည်မှာ သေတစ်နေ့ မွေးတစ်နေ့တည်းသာ ရှိပါသည်။ မွေးနေ့ဆိုသည်မှာ မွေးသောနေ့ တစ်နေ့တည်းကိုသာ ဆိုလိုပြီး သေနေ့ဆိုသည်မှာလည်း သေသောနေ့ တစ်နေ့တည်းကိုသာ ခေါ်ဆိုနိုင်ပါသည်။ သို့သော် အများစုသော လူတို့သည် နှစ်စဉ်နှစ်တိုင်း မွေးနေ့ပွဲဆိုပြီး ကျင်းပလေ့ အသိအမှတ်ပြုလေ့ ရှိနေကြပါသည်။ အမှန်စင်စစ် မွေးနေ့ဟု ခေါ်ဆိုမည့်အစား သေရမည့်နေ့ နီးလာခြင်းကြောင့် သေနေ့ဟု သတ်မှတ်သင့်ပါသည်။

သေခြင်းတရားဟူသည် အသက်ကြီးငယ် ရာထူးအကြီးအသေး ချမ်းသာဆင်းရဲ အဆင့်အတန်း မခွဲခြား မည်သူမဆို အချိန်တိုင်း နေရာတိုင်းမှာ လူတိုင်း ကြုံတွေ့နေရပါသည်။ မိမိပြုခဲ့သော ကုသိုလ်ကံ အကုသိုလ်ကံ အလိုက် သေခြင်းတရားကို ရင်ဆိုင်ရလေ့ရှိပါသည်။ သေခြင်းတရားကို ရှောင်လွှဲနိုင်သော သက်ရှိဟူ၍ ဤလောကတွင် မရှိပေ။

တရားအရှိနှင့် တရားအသိ…

တချို့သောလူများသည် တရားဟူသည် ရှာမှ ရမည်ဟု ယုံမှတ်မှားနေကြပါသည်။ အမှန်စင်စစ် တရားဟူသည် ဝေးဝေးလံလံရှာနေစရာ မလိုအပ်ပေ။ မိမိ၏ မနောစိတ်အတွင်း၌ တည်ရှိနေပေသည်။

ပင်ကိုယ် စိတ်အရင်းခံ သူတော်ကောင်းစိတ်ဓာတ် ရှိသူများသည် စစ်မှန်သော တရားများကို နာယူလိုက်သည်နှင့် အသိဥာဏ် အလင်းပေါက်ကာ ပိုမိုမြင့်မြတ်သော စိတ်နေစိတ်ထားဖြင့် လောကီကောင်းကျိုးသာမက သံသရာကောင်းကျိုးအတွက်ပါ ဖြည့်ဆည်းကျင့်ကြံကြပါသည်။ ရိုးသားမှုအရင်းခံသော စိတ်ထားရှိသူများဖြစ်သောကြောင့် အသိဥာဏ်မပြည့်စုံ၍ ကြန့်ကြာမှု ရှိသော်ငြားလည်း ယုံကြည်မှုအရင်းခံကာ အရှိမှ အသိ၊ အသိမှ အကျင့်သို့ အလွယ်တကူ ကူးပြောင်းနိုင်ကြပါသည်။

သူတော်ကောင်းစိတ်ဓာတ် မရှိသူများသည် စစ်မှန်သောတရားများကို အလွယ်တကူ နားလည်သဘောပေါက်သော်လည်း ယုံကြည်မှုမရှိ ကောက်ကျစ်သော စိတ်ထားများဖြင့် သံသယဝင် ယုံမှတ်မှား အယူမှားများဖြင့် အသိမှ အရှိသို့ပင် မတက်လှမ်းနိုင်ကြပေ။ မြတ်စွာဘုရား၏ တရားဓမ္မစာပေများကို ဖြည့်စွက်ပြင်ဆင် ပြောင်းလဲခြင်းဖြင့် သံသရာချောက်အတွင်း ဆင်းသက်သည်အထိ အသိဥာဏ်အမှောင်ဖုံး အဆုံးမရှိ မိုက်မဲလျက်ရှိနေကြပါသည်။

သိပြီးမှကျင့်…

တရားသောစိတ်ဓာတ်၊ တနည်းအားဖြင့်ကိုယ်ချင်းစာတရားရှိသော သူတော်ကောင်းများအနေနှင့် မြတ်စွာဘုရား၏ တရားတော်များကို နားလည်သဘောပေါက်အောင် သေသေချာချာ သိအောင် အရင်ဆုံး ကြိုးစားသင့်ပါသည်။ သို့မှသာ ကျင့်ကြံမှု လွယ်ကူပြီး ခက်ခဲကြန့်ကြာမှုမှ ကင်းဝေးကာ သံသရာစက်ဝိုင်းမှ အမြန်ဆုံး ထွက်မြောက်နိုင်မည် ဖြစ်ပါသည်။

ရှိအောင်လုပ်ပြီးမှ ကျင့်သင့်ပါတယ်…..

အသိဥာဏ်နှင့် ပြည့်စုံသော်လည်း သူတော်ကောင်းစိတ်ဓာတ်အရင်းခံမရှိသော ကောက်ကျစ်မှု မတရားမှု ကိုယ်ချင်းစာတရားမရှိသောလူများ တရားကျင့်မည် ဆိုပါက မိမိ၏ စိတ်ဓာတ်ကို အရင်ဦးဆုံး သူတော်ကောင်းစိတ်ဓာတ်ဖြစ်အောင် သီလ သမာဓိနှင့် ပြည့်စုံစေရန် အလေ့အကျင့် ဦးစွာ ပြုလုပ်သင့်ပါသည်။ သူတော်ကောင်းစိတ်ဓာတ်၊ သူတော်ကောင်းအမူအကျင့်များနှင့် တရားကျင့်ကြံအားထုတ်မှသာလျှင် သုံးဆယ့်တစ်ဘုံမှ လွတ်မြောက်နိုင်မည်ဖြစ်ပါသည်။

ဤသို့ တရားအရှိနှင့် တရားအသိ တစ်ထပ်တည်းကျပြီး သီလ၊ သမာဓိ၊ ပညာ စသည့် မဂ္ဂင်ရှစ်ပါး အကျင့်တရားများနှင့် ပြည့်စုံပြီဆိုပါက မိမိအလိုရှိရာ ပန်းတိုင်သို့ မပင်မပန်း လွယ်လင့်တကူ သွားရောက်နိုင်မည်ဖြစ်ပါသည်။

အလုပ်နှစ်မျိုး၊ စိတ်နှစ်မျိုး

လောကတွင် တရားအလုပ်နှင့် မတရားအလုပ် တနည်းအားဖြင့် ကုသိုလ်အလုပ်နှင့် အကုသိုလ်အလုပ်ဟု နှစ်မျိုးသာလျှင် ရှိပါသည်။ ကာယကံ၊ ဝစီကံ၊ မနောကံဟူ၍ ကံသုံးပါး ရှိသော်ငြားလည်း၊ မနောကံတည်းဟူသော စိတ်အလုပ်သည်သာလျှင် အဓိက ကျပါသည်။ စိတ်တွင်လည်း ကုသိုလ်စိတ်နှင့် အကုသိုလ်စိတ် နှစ်မျိုးသာလျှင် ရှိပါသည်။

မည်သည့်အလုပ်မဆို ကောင်းသည်ဖြစ်စေ၊ ဆိုးသည်ဖြစ်စေ စိတ်က အရင်ကြံစည်စိတ်ကူးပြီးမှသာလျှင် လက်တွေ့ပြောဆို လုပ်ကိုင်ကြရပါသည်။ မိမိစိတ်ကမပါပဲ ခိုင်း၍ လုပ်ရပါသည်၊ ကြောက်၍လုပ်ရပါသည်ဟု ဆင်ခြေပေး ကာကွယ်တတ်ကြသော်လည်း၊ ယင်း ကြောက်စိတ်သည်ပင်လျှင် အကုသိုလ်စိတ်ဖြစ်နေပါသည်။ အမှန်တရားကို ကိုးကွယ်တတ်သော သူတော်ကောင်းစိတ်ဓာတ်ရှိသူ ဖြစ်မည်ဆိုပါက၊ မိမ်ိအသက်သာလျှင် အသေခံမည်၊ မည်သည့် အကုသိုလ်အလုပ်ကိုမျှ ကြံစည်စိတ်ကူးတော့မည် မဟုတ်ပေ။

စစ်မှန်သောသူတော်ကောင်း ဟူသည် လောကကောင်းကျိုးကို ကိုယ်ကျိုးစွန့်ကာကွယ်ခဲ့သော ဘုရားလောင်း၏ ပါရမီဖြည့် ကျင့်စဉ်ကို မလွဲမသွေ လိုက်နာလေ့ရှိကြပါသည်။

ကုသိုလ်ကောင်းမှုဆိုသည်မှာ….

ကုသိုလ်ကောင်းမှုဆိုသည်မှာ သီးခြား အချိန်ပေး လုပ်ဆောင်ရမည့် အလုပ်မဟုတ်ပေ။ အချိန်မရွေး နေရာမရွေး မည်သည့်အလုပ်မဆို ကုသိုလ်စိတ်နှင့်လုပ်မည်ဆိုပါက ယင်းသည် ကုသိုလ်ကောင်းမှုပင်ဖြစ်ပါသည်။ တရားသဖြင့် လုပ်ဆောင်မှု မှန်သမျှသည် တရားအလုပ်ပင်ဖြစ်ပါသည်။

မွေးနေ့ဟု ခေါ်ဆိုသော သေနေ့တွင်….

လွဲမှားစွာ အပျော်ရှာကျင်းပနေကြသော မွေးနေ့တွင် အမှန်တကယ်လုပ်သင့်သည်မှာ ဒါနကောင်းမှုများပြုလုပ်ခြင်း၊ သီလ စင်ကြယ်စွာ ဆောက်တည်ခြင်း၊ သံဝေဂတရားများနာယူခြင်း၊ ဘာဝနာပွားများခြင်းများကို ခါတိုင်းနှင့်မတူ ပိုမို၍ တိတ်ဆိတ်ငြိမ်သက်စွာ ပြုလုပ်သင့်ပါသည်။

ယနေ့ခေတ်အခါတွင် လူများကို မဆိုထားနှင့် တချို့သော ရဟန်းတော်များသည် မိမိတို့၏ မွေးနေ့ပွဲကို ငွေကုန်ကြေးကျ များစွာ အကုန်အကျခံလျက် အငြိမ့်ပွဲ ပျော်ပွဲရွှင်ပွဲများဖြင့် လွဲမှားစွာ ကျင်းပကြပါသည်။ မိမိတို့သည် သေရမည့်နေ့နှင့် ပိုမိုနီးကပ်လာနေသည်ကို မသိချင်ယောင်ဆောင်လျက် မွေးနေ့ပွဲများကို လူများနှင့်အပြိုင် ကျင်းပကြပါသည်။

သို့ရာတွင် ရခဲလှသော လူ့ဘုံဘဝတွင် ကုသိုလ်ကောင်းမှုများကို တနေ့တရက်တည်းပြုလုပ်ကြမည့်အစား နေ့စဉ်နေ့တိုင်း အချိန်တိုင်း နေရာတိုင်း ကုသိုလ်စိတ်နှင့် ကုသိုလ်တရားများ ဆောင်ကျဉ်းနိုင်မည်ဆိုပါက လူဖြစ်ရကျိုးနပ်မည်မှာ သေချာလှပါသည်။ ။

.