သို့
အရှင်ဘုရား..
တပည့်တော် ရိုသေစွာ လျှောက်ထားအပ်ပါသည် အရှင်ဘုရား။ ပထမဦးဆုံး လျှောက်ထားလိုသည်မှာ တပည့်တော် လျှောက်ထားသမျှ အားလုံးသည် ပုဂ္ဂိုလ်ရေးအမြင် လုံးဝမပါဘဲ သာသနာရေး တရားဓမ္မရေး သက်သက်ကိုသာလျှင် ဦးတည်ပါကြောင်းပါဘုရား။ တပည့်တော်အနေနဲ့ အရှင်ဘုရားကို မြင်လဲ မမြင်ဘူးပါသောကြောင့် ရဟန်းတစ်ပါးအနေနှင့် ကံသုံးပါးဖြင့် ပြစ်မှားမိသည်ရှိပါသော် ဦးနှိမ်ညွတ်ကျိုး မာန်ကိုနှိမ့်၍ ရှိခိုးတောင်းပန်အပ်ပါသည် အရှင်ဘုရား။
အရှင်ဘုရားနှင့်ဆွေးနွေးပွဲကို နားထောင်ပြီးသောအခါ ပထမဦးဆုံးသနားမိတာကတော့ အရှင်ဘုရားရဲ့ ပစ္စည်းလေးပါး ဒကာ ဒကာမများကိုပါပဲဘုရား။ အရှင်ဘုရားဟောသမျှ တရားစစ်ထင်မှတ်ပြီး ယုံကြည်မှုမှား အယူမှားခြင်းဖြင့် သံသရာတလျှောက် ဒုက္ခများစွာဖြင့် မပေါ်သောမြှပ်ခြင်းမျိုးဖြစ်မှာကို မြင်ယောင်မိလို့ပါဘုရား။
တပည့်တော်ဘဝင်မကျဆုံးကတော့ တရားရပြီးလျှင်၊ ဒါမှမဟုတ် အရှင်ဘုရားတရားနည်းနှင့် ကောင်းစွာအားထုတ်ပြီးသူ တယောက်အနေနှင့် ဝိနည်းသီလကို မလိုက်နာခြင်းသည် အပြစ်မဟုတ်ပါဟု ထင်မြင်ခြင်းကိုပါပဲဘုရား။ တဦးတယောက်၊ စည်းကမ်းချက်၊ သတ်မှတ်ချက်ဖြစ်လို့ ဆုပ်ကိုင်ထားစရာမလိုဘဲ စိတ်အစွဲမပါဘဲ ပြုလုပ်မည်ဆိုပါက အပြစ်မဖြစ်နိုင်ပါဘူးဆိုခြင်းသည် တနည်းအားဖြင့် သောတာပန်-ကြက်သတ်နိုင်သလိုမျိုး၊ အနာဂါမ်- ညစာစားသလိုမျိုး၊ရဟန္တာ-ဝိကာလဘောဇနာ မရှောင်တာမျိုးပါပဲဘုရား။
သောတာပန်သည် ငါးပါးသီလ၊ သကဒါဂါမ်သည် ရှစ်ပါးသီလ၊ အနာဂါမ်သည် ဆယ်ပါးသီလကို အသက်ထက်ဆုံး ထိန်းသိမ်းစောင့်ရှောက်သွားပါတယ်ဘုရား။ ဝိနည်းသီလကို ထိန်းချုပ်စရာမလိုဘဲ ကံသုံးပါးစလုံးနှင့် အလိုအလျောက် အထူးလုံခြုံသွားပါတယ်ဘုရား။ မည်သည့်အကြောင်းပြချက်နှင့်မျှလဲ မဖောက်ဖျက်တော့ပါဘူး အရှင်ဘုရား။ ဝိနည်းသီလ မလုံသူတစ်ဦးကိုလည်း မည်သည့်နည်းနှင့်မျှ အရိယာတစ်ဦးအဖြစ် သတ်မှတ်၍မရနိုင်ပါဘူးဘုရား။
နောက်ထပ်စိတ်မချမ်းမြေ့စေတာကတော့ သောတာပန်၊ သကဒါဂါမ်၊ အနာဂါမ်၊ ရဟန္တာကို လူအများနားလည်သလို မြတ်စွာဘုရားသတ်မှတ်ခဲ့ခြင်းမျိုး မဟုတ်ဘဲ၊ အရှင်ဘုရားနားလည်သလို သတ်မှတ်ခြင်းပါပဲဘုရား။ ရဟန္တာဟူသည် လူဝတ်နှင့်ဖြစ်ပါက ရဟန်းဘောင်သို့ ချက်ချင်းမကူးပြောင်းလျှင် ပရိနိဗ္ဗာန်စံရမည်ဆိုသည်ကို အရှင်ဘုရား လက်မခံခြင်းသည် အဆိုးဆုံးပါပဲဘုရား။ ယူဆချက်၊သတ်မှတ်ချက်ကို ဆုပ်ကိုင်စရာမလိုပါဘူး ဟူသော အရှင်ဘုရား၏ ပုံသေနည်းသည် မြတ်စွာဘုရား၏ သာသနာနှင့် လားလားမျှမတူ၊ အလွန်တရာဆန့်ကျင်လျက် ရှိနေပါတယ်ဘုရား။
နောက်ထပ်တုန်လှုပ်ခြောက်ခြားစရာအကောင်းဆုံးကတော့ အရှင်ဘုရားအနေနဲ့ စိတ်ကြီးဝင်ပြီး ဆူနာမီတရားရယ်လို့ (မဟာစည်ဆရာတော်၊ မိုးကုတ်ဆရာတော်ကဲ့သို့) တချိန်ချိန်မှာ လူအများလက်ခံလာလိမ့်မယ်လို့ ယုံကြည်နေခြင်းရယ်ပါ။ ဘုရားဟောပါဋ္ဌိတော်များ၊အဋ္ဌကထာများကို မမှန်ပါဟု ယူဆနေသူ၊ လက်မခံသူဖြစ်နေသော အရှင်ဘုရား၏ တရားးများကို ဘုရားဟော ပါဋ္ဌိတော်၊ အဋ္ဌကထာများနှင့် ကိုက်ညီလှသော ဆရာတော်ကြီးများ၏ တရားများနှင့်တန်းတူသဘောထားနေခြင်းသည် မသင့်မြတ် မဆီလျော်လှပါဘူး ဘုရား။
ပိဋကတ်သုံးပုံဆိုသည်မှာလည်း မြတ်ဘုရား၏ နှုတ်တော်မှမြွက်ဆှို ဟောကြားခဲ့သော တရားတော်များကို စာပေအက္ခရာ တင်ခြင်းဖြစ်ပါသဖြင့်၊ ဗုဒ္ဓစာပေကို ပစ်ပယ်ခြင်းသည် မြတ်စွာဘုရားအလိုကျ ဖြစ်နိုင်မှာ မဟုတ်ပါဘူးအရှင်ဘုရား။ မြတ်စွာဘုရား၏သားတော်၊ သံဃာတော်အစစ်အမှန်ဟူသည် ပရိယတ္တိစာပေကို တတ်ကျွမ်းမှသာလျှင် မြတ်ဘုရား၏ သာသနာကို ထိန်းသ်ိမ်းစောင့်ရှောက်ရာ ရောက်ပါတယ်ဘုရား။ ပရိယတ္တိစာပေကို အခြေခံလျက် ပဋိပတ္တိအကျင့်မြတ်ကို မြဲမြံစွာ ကျင့်သုံးနိုင်ပါလျှင် ပဋိဝေဓဟူသော ပန်းတိုင်ကို မလွဲမသွေ ဆိုက်ရောက်ပါလိမ့်မယ် အရှင်ဘုရား။
<<ဒီနေရာမှာ သာသနာပြုနေသူ ရဟန်းသံဃာတော်များကို အထူးလျှောက်ထားလိုသည်မှာ - သာသနာအတွင်း တရားအမှန် ပိဋကတ်တော်များကို ထိန်းသိမ်းစောင့်ရှောက်နေသူ၊ တရားအမှားများ စီစစ်ထောက်ပြသူများကို ပိဋကတ်ထောင်သူ၊ အကျင့်မြတ်အကျင့်မှန် ကျင့်နေသူများကို ပရမတ်ကြောင်သူဟူသော စကားရပ်ဖြင့် သာသနာပြုသူအချင်းချင်း စွပ်စွဲပုတ်ခတ်ခြင်းသည် မိမိတို့၏ အဇ္ဈတ္တကို ဖော်ပြရာရောက်နေပါသဖြင့် အထူးဆင်ခြင်စေလိုပါသည်ဘုရား။>>
နောက်တခုအဆိုးဝါးဆုံးကတော့ တရားးအမှားများ ဟောကြားနေခြင်းပါပဲ အရှင်ဘုရား။ ရိုးရိုးစကား အမှားကို စကားနှင့်ပြန်ပြင်လို့ရပေမဲ့၊ တရားအမှားကိုတော့ ဟောချင်သလို ဟောလို့မရပါဘူး။ အမှန်တကယ် တရားရသွားသူ ဆိုသည်မှာ-မိမိ၏ အသိဥာဏ်အတွင်း ဖျက်ပစ်၍ မရလောက်အောင် သိသွားခြင်း ဖြစ်ပါသဖြင့် မည်သည့်အချိန်၊ မည်သည့်နေရာမဆို မည်သူ့ကိုပဲ ဟောဟော အမှန်တရားက တခုတည်းပဲ ဖြစ်ရမှာပါ အရှင်ဘုရား။ ပရိသတ်၏ အသိဥာဏ် အနိမ့်အမြင့်ကို လိုက်ပြီး၊ တရားအနုအရင့် ဟောပြောနိုင်ပါသော်လည်း၊ တရားအကြောင်းအရာ တခုတည်းကို အမျိုးမျိုးမှားယွင်းပြီး ဟောကြားလို့ မရနိုင်ပါဘူး အရှင်ဘုရား။ မိမိလွတ်လပ်ခွင့်ပါဟု ဆိုကာ ထင်သလိုဟောကြား၍ မရပါဘူးအရှင်ဘုရား။
နိဗ္ဗာန်တည်းဟူသော အသင်္ခတအငြိမ်းဓာတ်ကို ရယူလိုသူ သူတော်ကောင်းတစ်ဦးတွင် ဒါနနှင့်ပျော်နိုင်သော သဒ္ဓါ၊ ခါးဝတ်ပုဆိုးကဲ့သို့ မြဲမြံသော သီလ၊ အရာရာကိုစွန့်လွှတ်နိုင်သော စာဂ၊ တရားဆွေးနွေးခြင်းဟူသော သုတ၊ သဘောနှင့် လက္ခဏာကို ဆင်ခြင်နိုင်သော ပညာ၊ မကောင်းမှုကို ရှက်ခြင်းဟူသောဟိရီိ၊ သံသရာဘေးကို ကြောက်ခြင်းဟူသော သြတ္တပ္ပ စသည့် သူတော်ဥစ္စာများနှင့် ပြည့်စုံသူ ဖြစ်ရန် လိုအပ်လှပါသည် အရှင်ဘုရား။
စားစရာမြင်လို့ စားစိတ်ပေါ်လာသည်ဆိုပါက မျက်မမြင်သူများအတွက် စဉ်းစားစရာဖြစ်လို့နေပါတယ် အရှင်ဘုရား။ စိတ်ဟူသည် သိတတ်တဲ့သဘောတခုတည်းကိုပဲ ပြုလုပ်ပေးတာပါအရှင်ဘုရား။ အာရုံနှင့်ဒွါရတိုက်စဉ် ဖြစ်ပေါ်လာသော ခန္ဓာငါးပါးကြောင့်သာ စားစိတ်ပေါ်လာရခြင်းပါ အရှင်ဘုရား။ ပညတ်အထည်ခန္ဓာပေါ် မူတည်ပြီး ဖြစ်ပေါ်လာသော သဘောခန္ဓာငါးပါး၏ မမြဲမှု၊ ဆင်းရဲမှု၊ အစိုးမရမှုဟူသော ဒုက္ခသစ္စာကို သိပြီး၊ ယင်းပေါ်အခြေခံလျက် ပေါ်ပေါက်လာသော သမုဒယသစ္စာကို မဂ္ဂသစ္စာဖြင့် ပွားများ ပယ်သတ်နိုင်မှသာလျှင် နိရောဓသစ္စာကို မျက်မှောက်ပြုနိုင်မှာပါ အရှင်ဘုရား။
အနိမ့်ဆုံး သောတာပန် အရိယာဟူသည် ဒိဋ္ဌိနှင့် ဝိစိကိစ္ဆာနှစ်ပါး ကင်းစင်သွားရပါတယ်အရှင်ဘုရား။ ဒိဋ္ဌိအစွဲပြုတ်ခြင်းနှင့် အတူ ယုံမှားခြင်း ဝိစိကိစ္ဆာကင်းစင်မှသာလျှင် အရိယာဟု သတ်မှတ်၍ ရပါတယ် အရှင်ဘုရား။ သုတ္တန်နည်း အရ ဘုရား၊ တရား၊သံဃာ၌ယုံမှားခြင်း၊ သိက္ခာ၌ယုံမှားခြင်း၊ ပဋိစ္စသမုပ္ပါဒ်၌ယုံမှားခြင်း၊ သံသရာ၏ ရှေ့အစွန်း၊ အနောက်အစွန်း၊ အစွန်းနှစ်ပါးစလုံး၌ ယုံမှားခြင်း စသည်တို့ ကင်းစင်ရပါတယ် အရှင်ဘုရား။
မည်သည့်တရားနည်းမဆို သမ္မာဒိဋ္ဌိ အမြင်ရှိမှသာလျှင် မဂ္ဂင်ရှစ်ပါးနှင့်ပြည့်စုံသော မဂ္ဂသစ္စာကို ပွားများနိုင်မှာ ဖြစ်ပါတယ်။ သီလနှင့် သမာဓိမရှိပါလျှင်လည်း မဂ္ဂင်ရှစ်ပါးနှင့် မပြည့်စုံပါသောကြောင့် မဂ္ဂသစ္စာကို ပွားများနိုင်မှာ မဟုတ်ပါဘူးအရှင်ဘုရား။ သီလတရားနှင့်ပြည့်စုံမှ စိတ်စင်ကြယ်၊ စိတ်ကြည်လင်ခြင်းတည်း ဟူသော သမာဓိဖြစ်မည်ဖြစ်ပြီး၊ ထိုမှတဆင့် ပညာဥာဏ်နှင့် ထိုးထွင်းသိမြင်နိုင်ခြင်းဟူသော ပညာမဂ္ဂင်ကို ရရှိမှာပါ အရှင်ဘုရား။ ပညာဥာဏ်ကြီးမား၍ သီလနှင့်သမာဓိ မထူထောင်ဘဲ ပညာမဂ္ဂင်ကို ဦးဆုံးပွားများနိုင်မည်ဆိုပါကလဲ သမ္မာဒိဋ္ဌိနှင့် သမ္မာသင်္ကပ္ပ တည်းဟူသော ပညာမဂ္ဂင်ပြည့်စုံသွားပါက သီလနှင့် သမာဓိ အလိုအလျောက် မဖောက်မပြားဘဲ အထူးလုံခြုံ စင်ကြယ်သွားရပါမယ် အရှင်ဘုရား။
နောက်ဆုံးအနေနှင့်တောင်းပန်ချင်မိတာကတော့ အရှင်ဘုရားကိုယ်တိုင် ဝန်ခံထားသော တရားအမှားများကို အင်တာနက် စာမျက်နှာများပေါ်တွင် ဖော်ပြခြင်း၊ အယူမှား ဝါဒမှားနိုင်သော ဓာတ်ပုံများတင်ခြင်း၊ အပြစ်ကင်းစင်မှုမရှိသော တရားများကို ဟောပြောပြသခြင်း၊ ရိုးသားမှုရှိသော၊ ဗဟုသုတအားနည်းပြီး မသိနားမလည်သော လူအများကို ထေရဝါဒ ဗုဒ္ဓဘာသာနှင့်ဆန့်ကျင်စွာ ဆေးကုသခြင်း၊ နတ်ပူးဝင်ခြင်း၊ သရဏဂုံ ပျက်ပြားစေသော ဘိုးတော် မယ်တော်နတ်များကို ပသခြင်း စသည်တို့ ပြုလုပ်ခြင်းအား ရပ်တန့်စေချင်ပါသည် အရှင်ဘုရား။
အကြောင်းအမျိုးမျိုးကြောင့် ရိပ်သာဝင်ကြသော ပရိသတ်အင်အားကို ဆုပ်ကိုင်ခြင်း၊ ငါ့တရားသာ အမှန်ဟူသော အစွဲကို ဆုပ်ကိုင်ခြင်း၊ သံဃာ့အဖွဲ့အစည်းများ၏ တရားဟောခွင့်ပိတ်ပင်ခြင်းကို ဂရုမစိုက်ခြင်း၊ လုပ်ချင်တာကို လွတ်လပ်စွာလုပ်မည်ဟူသော တလွဲမာနကို ဆုပ်ကိုင်ထားခြင်းများအား လွှတ်ချပေးပါရန် ရိုသေစွာ လျှောက်ထားအပ်ပါသည် အရှင်ဘုရား။
အယူမှား အလွဲမှားခြင်းဟူသော မိစ္ဆာဒိဋ္ဌိကြောင့် သံသရာတလျှောက် မပေါ်သော မြှပ်ခြင်းဖြင့် နစ်မြှပ်သွားနိုင်သော ဝေနေယျ အပေါင်းကို ငဲ့ညှာထောက်ထားသောအားဖြင့် “ဧကဿ စရိတံ သေယျော” (တစ်ယောက်ထည်း နေနိုင်ခြင်းသည် အမြတ်ဆုံး နေထိုင်ခြင်း) ဟူသော မြတ်စွာဘုရား၏ ဆုံးမစကားအတိုင်း ကျင့်ကြံနေထိုင်ခြင်းဖြင့် အရှင်ဘုရားအတွက်သာမက အရှင်ဘုရား၏ တပည့်ဒကာ၊ ဒကာမများအတွက်ပါ အကျိုးရှိနိုင်ပါကြောင်း အကြံပြုရေးသား လျှောက်ထားလိုက်ပါသည် အရှင်ဘုရား။
အရှင်ဘုရား ကျန်းမာချမ်းသာစွာဖြင့် မိမိခန္ဓာဝန်ကို ထမ်းဆောင်နိုင်ပါစေ။
ဝေနေယျအားလုံး၏ ကိုယ်စား
ထက်စုနှင်းဆီ (ဖေဖေါ်ဝါရီလ ၂၀ရက် ၂၀၁၀ ခုနှစ်)
.
