သာသနာပြုခြင်းဆိုသည်မှာ အလွန်မြင့်မြတ်သော လုပ်ရပ်ဖြစ်ပါသည်။ သာသနာပြုခြင်းကို လူတိုင်းအလွယ်တကူ မပြုလုပ်နိုင်ပေ။ သို့ရာတွင် ယခုခေတ်တွင် သာသနာပြုခြင်းဟူသော ခေါင်းစဉ်အောက်တွင် သာသနာဖျက်ခြင်းကိုပါ ပူးတွဲလုပ်ဆောင်နေကြပါသည်။ သာသနာပြုခြင်းဟူသော လုပ်ရပ်ကို မဆိုထားနှင့်၊ စကားရပ်ကိုပင် သေသေချာချာ သဘောပေါက် နားလည်မှုမရှိကြဘဲ၊ သာသနာပြု ဆိုင်းဘုတ်ကို အလွယ်တကူ ထူထောင်နေကြပါသည်။
သာသနာပြုသူတွင် ထားရှိရမည့်အရည်အချင်းများ..
၁) ဘုရား၊ တရား၊ သံဃာတည်းဟူသော ရတနာသုံးပါးအပေါ် ယုံကြည်မှုသဒ္ဓါတရား အကြွင်းမဲ့ထားရှိရပါမည်။
၂) မြတ်စွာဘုရား၏ အဆုံးအမ သာသနာကို တသွေမတိမ်း လိုက်နာရပါမည်။
၃) ရိုးသားမှု၊ ကိုယ်ကျင့်သီလ၊ ကံသုံးပါးစလုံးတွင် အထူးလုံခြုံရပါမည်။
၎) သူတပါးမှ သာသနာ့ကောင်းကျိုးအတွက် ညွန်ပြပြောဆိုသမျှကို လိုက်နာသူ၊ ဆိုဆုံးမလွယ်သူဖြစ်ရန် လိုအပ်ပါသည်။
၅) လူတိုင်းအပေါ် မေတ္တာတရားဖြင့် ကောင်းကျိုးလိုလားသူ ဖြစ်ရန် အရေးကြီးလှပါသည်။
၆) ကိုယ်ကျိုးစီးပွားမဖက်၊ အများအကျိုးအတွက်သက်သက်သာလျှင် ဆောင်ရွက်ရပါမည်။
၇) စစ်မှန်သော စိတ်ရင်းစေတနာဖြင့်သာ သာသနာ့ကောင်းကျိုးကို သယ်ပိုးရပါမည်။
သာသနာ့ကောင်းကျိုးဆိုသည်မှာ….
မြတ်စွာဘုရား၏ အဆုံးအမတရားများကို………
၁) မြေဝယ်မကျလိုက်နာဆောင်ရွက်ခြင်း။
၂) ဘုရားသားတော် တပည့်သံဃာတော်များအား သင်ကြားစေခြင်း။
၃) မပျောက်မပျက် လက်ဆင့်ကမ်းသယ်ဆောင်ခြင်း။
၎) မျိုးဆက်သစ်ကလေးသူငယ်များအား သင်ကြားပို့ချခြင်း။
၅) လူအများအား လောကီငရဲ သံသရာဝဋ်ဆင်းရဲမှ ကင်းလွတ်စေခြင်း။
၆) လောကီကောင်းကျိုးသာမက လောကုတ္တရာကောင်းကျိုးများကို တတ်နိုင်သမျှ ပြုလုပ်ခြင်း။
၇) သာသနာတည်မြဲစေရန် ထိန်းသိမ်းခြင်းအပြင် ပြန့်ပွားစည်ပင်စေရန် အားထုတ်ခြင်း စသည်တို့ ပါဝင်ပါသည်။
ဆရာ၊ဒကာ ညီညွတ်စေရန်…
သာသနာအကျိုးသယ်ပိုးရာတွင် ဆရာ၊ဒကာ ညီညွတ်မှုသည် အထူးအရေးပါလှပါသည်။
ဆရာတည်းဟူသော ရဟန်းတော်များအနေနှင့် မြတ်စွာဘုရား၏ အဆုံးအမများကို တသွေမတိမ်း လိုက်နာခြင်းဖြင့် မိမိတို့၏ ဒကာ၊ ဒကာမများ ကိုးကွယ်ရာ စံပြအဖြစ် ပြောဆိုပြုမူ နေထိုင်သင့်ပါသည်။ သို့တည်းမဟုတ် မိမိတို့၏ အပြောအဆို အနေအထိုင်ကြောင့် ဒကာ ဒကာမများကို အပယ်လမ်းသို့ ပို့ဆောင်ပေးသကဲ့သို့ ဖြစ်တတ်ပါသည်။
ဒကာ ဒကာမများအနေနှင့်လည်း မိမိတို့၏ အပြောအဆို အနေအထိုင်ကြောင့် ရဟန်းတော်များ၏ ဝိနည်း သိက္ခာ အကျင့်သီလကို ထိခိုက်စေပါလျှင် လက်ရှိဘဝအတွက်သာမက သံသရာတလျှောက်လုံးတွင်ပါ အပြစ်များစွာ ရရှိနိုင်ပါသည်။
ဝိနည်းဆိုင်ရာ အငြင်းပွားနေမှုများ..
မြတ်စွာဘုရားလက်ထက် သာသနာရှေ့ပိုင်းတွင် ဝိနည်းစည်းကမ်းများစွာ မရှိသေးသော်လည်း ရဟန်းတော်များသည် ကိလေသာတိုးပွားစေမည့် အရေးမှန်သမျှ မပြုလုပ်ကြပေ။ အမှန်စင်စစ် စည်းကမ်းဟူသည် စည်းကမ်းရှိသူများအတွက် မလိုအပ်သော်လည်း စည်းကမ်းမရှိသူများအတွက် အရေးတကြီး လိုအပ်လှပါသည်။ ထို့ကြောင့် သာသနာနောက်ပိုင်းတွင် စည်းကမ်းမရှိသော ရဟန်းများသည် ကိလေသာတိုးပွားစေမည့် ကိစ္စရပ်များကို တစတစ ပိုမိုလုပ်ကိုင်လာခြင်းကြောင့် ဝိနည်းစည်းကမ်းများကို တိုးမြှင့်ချမှတ်လာကြပါသည်။
မြတ်စွာဘုရား၏ အဆုံးအမသာသနာကို လက်တလုံးကြား ပြင်ဆင်ဖြည့်စွက်ချင်ကြသော တချို့သော ရဟန်းများသည် စီးကရက်သောက်ခြင်း၊ ကွမ်းစားခြင်း၊ နေလွဲမွန်းတည့်အချိန်တွင် လက်ဖက်ရည်၊ ဒိန်ချဉ်၊ ကော်ဖီ သောက်သုံးခြင်းများ ပြုလုပ်လာကြပါသည်။ တချို့သော ဒကာ ဒကာများသည် မသိလို့ဖြစ်စေ၊ သိလျက်နှင့်ဖြစ်စေ ဆက်ကပ်လေ့ရှိသောအခါ ရဟန်းတော်များအနေနှင့်ဆိုဆုံးမသင့်၊ အကြောင်းပြ ငြင်းဆိုသင့်ပါသော်လည်း အစဉ် လက်ခံလေ့ ရှိနေကြပါသည်။ ရောဂါအခြေအနေတစုံတရာကြောင့် ညစာ သုံးဆောင်ခြင်းသည် ဂီလာနရဟန်းများအတွက် သင့်တော်သော်လည်း၊ မည်သည့်ရောဂါမျှ မရှိပါက ညစာသုံးဆောင်ခြင်းသည် ဝိနည်းအာပတ်သင့်စေပါသည်။
သီလအုတ်မြစ် ခိုင်မြဲပါစေ..
ယနေ့ခေတ်ကာလတွင် တရားနာသူအများစုသည် အခြေခံ ဒါန၊ သီလ အုတ်မြစ်မခိုင်မာသေးဘဲ၊ မနားလည်သေးဘဲ ဓာတ်၊ ပရမတ်၊ ရုပ်နာမ် စသော အဆင့်မြင့်တရားများကို လောဘတကြီး နာယူနေကြပါသည်။ အခြေခံ ကိုယ်ကျင့်သီလခိုင်မြဲမှု မရှိသောကြောင့် နာယူသမျှသော အဆင့်မြင့်တရားများသည် နားတဖက်မှဝင်ပြီး ထိုနားမှပင် ချက်ချင်းပြန်ထွက်လေသောကြောင့် အကုသိုလ်ဟူသမျှ ဝန်လေး တုန့်ဆိုင်းခြင်းမရှိပဲ ပြုလုပ်နေတတ်ကြပါသည်။ နိဗ္ဗာန်သို့ ဦးတည်ချက် ထားသော်လည်း၊ အပယ်ငရဲသို့ ခြေလှမ်းမိနေမှန်း မသိ လှမ်းနေကြပါသည်။ တနည်းအားဖြင့် ခေါင်းပေါင်း ပေါင်းထားသော်လည်း၊ ခါးဝတ်ပုဆိုး မပါသကဲ့သို့ တင့်တယ်မှုမရှိ ဖြစ်နေကြပါသည်။
အနေတတ်မှ အသေမြတ်မယ်…
အသေတတ်ဖို့ သံဝေဂတရားများကို အဆက်မပြတ် နားထောင်နေသော်လည်း၊ အနေတတ်စေသော သီလခိုင်မြဲမှု မရှိလေသောကြောင့် အသေမြတ်ရန် မသေချာလှပေ။ နိဗ္ဗာန်သို့ ရောက်မည် မရောက်မည် မသေချာလှသော်လည်း အပယ်ငရဲသို့ ရောက်ရန် ရာခိုင်နှုန်းအပြည့် သေချာလှပါသည်။ အသေတတ်ခြင်းသည် တဘဝစာသာ ကောင်းစားနိုင်ပြီး၊ အနေတတ်မှသာ သံသရာတလျှောက် ကောင်းစားနိုင်ပါမည်။
သာသနာ့ပစ္စည်း ဆိုသည်မှာ….
ဘုရား၊ တရား၊ သံဃာတည်းဟူသော ရတနာသုံးပါးနှင့် စပ်လျဉ်းပြီး၊ လူအများ လှူဒါန်းသော ဘုရား၊ ကျောင်း၊ ကန်၊ သိမ် ဇရပ် အဆောက်အဦးများ၊ ပစ္စည်းလေးပါးဖြစ်သော ကျောင်း၊ ဆေး၊ ဆွမ်း၊ သင်္ကန်းနှင့်စပ်လျဉ်းသည့် အရာအားလုံးကို သာသနာ့ပစ္စည်းဟု ခေါ်ဆိုပါသည်။
သာသနာ့ပစ္စည်းများကို အလွဲသုံးစားလုပ်ခြင်း၊ မိမိကိုယ်ကျိုးအတွက် အသုံးပြုခြင်း၊ ပြုလုပ်ပါက အပယ်ငရဲသို့ ကျရောက်မည့်ဝဋ်ဒုက္ခကို ခံစားကြရပါမည်။ ငရဲဘဝက လွတ်မြောက်လာပါကလည်း လူပြန်ဖြစ်ရန် ခဲယဉ်းလှပါသည်။ လူဘုံရောက်ပြန်သော်လည်း သာသနာနှင့် ကြုံဆုံရန် ခက်ခဲပါသည်။ သာသနာနှင့် ကြုံပြန်တော့လည်း ကျင့်ကြံနားလည်မှု ကြန့်ကြာနိုင်ပါသည်။ ဘုရားရှင်၏ ဥာဏ်တော်ကို ဖူးမြင်ရန် ခက်ခဲသည့်အပြင် အရိယာသံဃာများကို လှူဒါန်းရန်လည်း မလွယ်ကူနိုင်ချေ။ သာဓကအားဖြင့် ဘုရားရှင်နှင့် ရဟန်းသံဃာတော်များ၏ ဆွမ်းဟင်းများကို ခိုးစားသူများသည် ၉၂ ကမ္ဘာတိတိ အငတ်ငတ် အပြတ်ပြတ်ဖြင့် ပြိတ္တာဘဝသို့ ကျရောက်ခဲ့ပါသည်။
သာသနာပြုအမည်ခံ လူပုဂ္ဂိုလ်များ၏ ရုပ်ဆိုးကျည်းတန်သော လုပ်ရပ်များ..
ယနေ့ခေတ်အခါတွင် သာသနာပြုအမည်ခံ လူပုဂ္ဂိုလ်များသည် သာသနာပြုခြင်းနှင့် မဆီလျော် မအပ်စပ်သော ဆောင်ရွက်ချက်များကို အကြောက်တရားမရှိ ရှက်ရွံ့မှုကင်းစွာ လက်ရဲဇက်ရဲ ပြုလုပ်နေကြပါသည်။ ယင်းသို့သော လုပ်ရပ်များကို သိရှိသော အချို့ရဟန်းတော်များသည် ဆုံးမခြင်း ကန့်ကွက်ခြင်း မရှိသည့်အပြင် မသိမသာတမျိုး သိသိသာသာတမျိုး အရေးတယူ ထောက်ပံ့ခြင်းများ ပြုလုပ်နေကြပါသည်။ ဖြစ်သင့်သည်မှာ ဆိုဆုံးမ၍မရပါက လူ့အသိုင်းအဝိုင်းမှ ဖယ်ထုတ်ခြင်းဖြင့် အရေးယူသင့်ပါသည်။ ထိုသို့မဟုတ် မိမိနှင့်မသက်ဆိုင်သလို သာသနာမျက်နှာမကြည့်ပဲ ထောက်ခံ အားပေးခြင်းသည် သာသနာဖျက်ခြင်းကို သွယ်ဝိုက်သောနည်းဖြင့် ပြုလုပ်နေသည်နှင့် တူလှပါသည်။
သာသနာပိုင်ပစ္စည်းများကို ငါပိုင်ငါဆိုင်ပြုလုပ်ကြခြင်း…
လူအများလှူဒါန်းသော သာသနာပိုင် ဘုန်းကြီးကျောင်း၊ အဆောက်အဦးများကို မိမိပိုင် သဘောထားခြင်း၊ သီတင်းသုံးနေထိုင်သော ရဟန်းတော်များအား မိမိသြဇာ တည်မြဲရေးအတွက် မသမာသောနည်းမျိုးစုံဖြင့် လွှမ်းမိုးချုပ်ကိုင်ခြင်း၊ မိမိစိတ်တိုင်းကျ မနေနိုင်သော ရဟန်းတော်များအား ကျောင်းမှ နှင်ထုတ်ခြင်းအပြင်၊ တိုင်းပြည်မှ နှင်ထုတ်နိုင်ရန်ပါ ကြိုးစားလုပ်ကိုင်ခြင်း၊ အကြွေးဖြင့် ဝယ်ယူထားသော ဘုန်းကြီးကျောင်းဖိုး ကြေစေရန် ရဟန်းတော်များထံမှ လစဉ် အလှူငွေ တောင်းခံခြင်းအပြင်၊ ရဟန်းတော်များအား လှူဒါန်းသော အလှူငွေများကိုပါ သိမ်းယူခြင်း စသော အကုသိုလ်အလုပ်များကို မကြောက်မရွံ့ ရဲရဲဝံ့ဝံ့ လုပ်ကိုင်နေကြပါသည်။
ရဟန်းသံဃာတော်များသည် မည်သူနှင့်မျှ မသက်ဆိုင်ပါ..
ရဟန်းတော်များဟူသည် သာသနာ့ကောင်းကျိုးကို သယ်ပိုးနေသောကြောင့် သာသနာနှင့်သာ သက်ဆိုင်ပါသည်။ ရဟန်းခံသော ရဟန်းဒကာ ရဟန်းအမများမဆိုထားနှင့်၊ မွေးမိခင် ကျွေးဖခင်များသည်ပင်လျှင် နံမည်ခံသာ သက်ဆိုင်နိုင်ပါသည်။ သို့ရာတွင် တချို့သော ရဟန်းအမများသည် ရဟန်းအမများ လုပ်ပိုင်ခွင့်ထက် ကျော်လွန်လျက် ရဟန်းတော်များကို ချုပ်ချယ်ခြင်း၊ သူတပါးမှ ဆွမ်းဆက်ကပ်ခြင်းကို ကန့်သတ်တားမြစ်ခြင်း၊ ရဟန်းတော်၏ ဝိနည်းသိက္ခာပုဒ်ကို လေးစားမှုမရှိခြင်း၊ ရဟန်းတော်အတွက် လှူဒါန်းသော ဆွမ်းဟင်းများကို ရဟန်းတော်နှင့် တဝိုင်းတည်း အတူ စားသောက်ခြင်း၊ ရဟန်းတော်များကို ရိုသေမှုမရှိ တန်းတူထား ဆက်ဆံခြင်း စသော သာသနာတော်နှင့် မလျော်ညီစွာ စည်းမဲ့ကမ်းမဲ့ ပြုလုပ်နေကြပါသည်။
ရဟန်းတော်များသည် အသုံးချခံ ဖြစ်နေပြီလော..
အချို့သော သာသနာအသင်းအဖွဲ့အစည်းများသည် မိမိတို့၏ ကျောင်းရံပုံငွေ ရရှိရေးအတွက် ရဟန်းတော်များအား ပင့်ဖိတ်လျက် တရားပွဲများ ပြုလုပ်ကြပါသည်။ သို့ရာတွင် မိမိတို့ပင့်ဖိတ်သော ရဟန်းများအပေါ် သဒ္ဓါတရားမရှိ၊ ဝိနည်းစည်းကမ်းနှင့်အညီ ဆွမ်းဆက်ကပ်ခြင်းမပြုပဲ၊ တာဝန်မဲ့ ပြုမူကြပါသည်။ ထို့ပြင် ရဟန်းတော်များ ဝိနည်းအာပတ် ကင်းလွတ်စေရန် စိတ်စေတနာထက်သန်စွာနှင့် ဆွမ်းဆက်ကပ်သော ဒကာမများကို မဟုတ်တမ်းတရား စွပ်စွဲပြောဆိုခြင်းဖြင့် သာသနာတော် ညစ်နွမ်းစေမည့် အပြောအဆို အပြုအမူများကို စည်းလွတ်ဝါးလွတ် ပြုလုပ်နေကြပါသည်။ မိမိတို့ကိုးကွယ်သော ဆရာတော်ဘုရားကြီး၏ ဂုဏ်သရေကိုမျှ မထောက်ထား၊ ဆရာတော်ဘုရားကြီး ဟောကြားခဲ့သော မည်သည့်တရားတော်ကိုမျှ နှလုံးမသွင်းဘဲ တရားလာရောက် ချီးမြှင့်ဟောကြားပေးသော ဆရာတော်များ၏ မကောင်းသတင်းများလွှင့်ခြင်းဖြင့် သာသနာပြုနေကြပါသည်။ လိမ်မာစေရန် ဆုံးမ လမ်းညွှန်မှု ပြုခဲ့ ဟောကြားပေးခဲ့တော်မူသော ဆရာတော်များ၏ စေတနာ ကျေးဇူးတရားများကို သိတတ်မှုမရှိဘဲ ကျေးဇူးကန်းသော အပြုအမူများဖြင့်သာ တုန့်ပြန်လျက်ရှိနေပါသည်။
ယနေ့ ပြည်ပသာသနာ အခြေအနေ
ဤသို့သော သာသနာပြုအမည်ခံ လူပုဂ္ဂိုလ်များ၏ သာသနာနှင့်မလျော်သော အပြုအမူ အပြောအဆိုများကြောင့် မူလကတည်းက ဘာသာ၊သာသနာကို စိတ်ဝင်စားမှုမရှိ၊ ယုံကြည်မှု မရှိသော ဗုဒ္ဓဘာသာ အမည်ခံသက်သက် လူပုဂ္ဂိုလ်များကို တရားတော်များ နာယူစေရန် စည်းရုံးဆွဲဆောင်မှု မပြုနိုင်တော့ပေ။ ဘုန်းကြီးကျောင်းများသို့ လာကြသော်လည်း၊ ကျွေးမွေးထားသည်များကို စားသောက်ပြီးသည်နှင့် တရား မနာယူတော့ဘဲ အိမ်ပြန်သွားသူများမှာ ၈၀% အထိ တိုးမြှင့်လာခဲ့ပါသည်။ အသက်အရွယ်များ ကြီးမြင့်လာကြသော်လည်း ဘုရားရိပ်၊တရားရိပ်တွင် မမွေ့လျော်ဘဲ အငြိမ့်ပွဲ စတိတ်ရှိုး ပျော်ပွဲရွှင်ပွဲများတွင် အားတက်တရော ဆင်နွှဲနေကြသည်ကို တွေ့မြင်နေရပါသည်။
သာသနာမပြုလျှင်နေပါ၊ သာသနာကို မဖျက်ဆီးကြပါနဲ့….
ရဟန်းတော်များ သာမက လူပုဂ္ဂိုလ်များအနေနှင့် သာသနာမပြုဘဲ နေပါက ကုသိုလ်မရသကဲ့သို့၊ ငရဲလဲ မကျနိုင်ပေ။ သို့ရာတွင် သာသနာ ပြုသလိုလိုနှင့် သာသနာကို ဖျက်ဆီးမိပါက၊ ကုသိုလ်မရသည့်အပြင် အပယ်ငရဲသို့ ကျရောက်နိုင်သည်ကို သတိပြုစေလိုပါသည်။ အထူးအားဖြင့် ရဟန်းတော်များအနေနှင့် ရဟန်းဘဝတွင် ရဟန်းကျင့်ဝတ် ဝိနည်းစည်းကမ်းနှင့်အညီ မနေထိုင်နိုင်ပါက လူထွက်ခြင်းအားဖြင့် သာသနာကို ထိန်းသိမ်းစောင့်ရှောက်သင့်ပါသည်။
မိမိကိုယ်ကို ကြည်ညိုအောင် နေထိုင်သင့်ပါသည်…
ရဟန်းတော်များအနေနှင့် ဒကာ ဒကာမများ ကြည်ညိုအောင် ကံသုံးပါးစလုံး ထိန်းသိမ်း စောင့်ရှောက်ရမည့်အပြင် မိမိကိုယ်ကို ကြည်ညိုအောင်လဲ အမြဲတမ်း သတိမလွတ်စေဘဲ နေထိုင်သင့်ပါသည်။ မိမိ၏ စိတ်ကို တပါးသူများ အလွယ်တကူ မသိနိုင်သော်လည်း မိမိကိုယ်တိုင် သိနေပါသည်။ မိမိ၏ ရဟန်းဘဝကို မမေ့မလျော့ပဲ လူများကဲ့သို့ နေထိုင်ခြင်းမပြုစေရန် အစဉ် ထိန်းသိမ်းဖို့ လိုအပ်ပါသည်။
ပြုသမျှကံ ပဲ့တင်သံ
မည်သို့ပင်ဖြစ်စေ မိမိတို့ ပြုသမျှကံ မှန်သမျှသည် ပဲ့တင်သံအနေဖြင့် မိမိထံ ပြန်လာမည်ဆိုခြင်းကို သာသနာပြုသူများအားလုံး နားလည်သင့်ပါသည်။ မကောင်းမှုများ ပြုလုပ်သူခြင်း တူသော်လည်း သာသနာနှင့်စပ်လျဉ်းပြီး မကောင်းမှု ပြုလုပ်သူသည် အပြစ်သင့်ခြင်း ပိုမို ကြီးမားနိုင်သည်ကိုလည်း သဘောပေါက်စေလိုပါသည်။
ပြုပြင်ရန်အချိန် မနောက်ကျသေးပါ….
အမေသတ်တဲ့ကံ၊ အဖေသတ်တဲ့ကံ၊ ရဟန္တာသတ်တဲ့ကံ၊ ဘုရားရှင်ကို သွေးစိမ်းတည်အောင် လုပ်တဲ့ကံ၊ သံဃာသင်းခွဲတဲ့ကံ တည်းဟူသော ပဉ္စာနန္တရိယကံငါးပါးကို မကျူးလွန်သေးသူ မှန်သမျှ သံသရာမှ လွတ်မြောက်ကြောင်း တရားများကို ကျင့်ကြံရန် မနောက်ကျသေးပေ။ မိမိတို့၏ အမှားများကို အချိန်မှီ ပြုပြင်ခြင်းဖြင့် လူ့ပတ်ဝန်းကျင် လူ့အကျိုးပြုလုပ်ငန်းများကို ကြိုးစားအားထုတ်မည်ဆိုပါက လူသာဓုခေါ် နတ်သာဓုခေါ်မည့်အပြင် လောကီ လောကုတ္တရာ မိမိတို့ အလိုရှိရာ လမ်းကြောင်းသို့ ချောမွေ့စွာ လျှောက်လှမ်းနိုင်မည် ဖြစ်ပါသည်။
သာသနာတည်းဟူသောသစ်ပင်
ယုံကြည်မှုသဒ္ဓါတရားတည်းဟူသော မျိုးစေ့၊ စစ်မှန်သော စေတနာတည်းဟူသောရေသောက်မြစ်၊ မေတ္တာတည်းဟူသော ရေစင်၊ ကောင်းကျိုးလိုလား ဂရုဏာတည်းဟူသော မြေသြဇာ၊ မုဒိတာဟူသော နေရောင်ခြည် စသည်တို့ ဟန်ချက်ညီညီ ပေါင်းစပ်မှသာလျှင် သာသနာတည်းဟူသော အကိုင်းအလက်များနှင့် ပြီးပြည့်စုံသော ကောင်းကျိုးသစ်ပင်ကို ရရှိမည်ဖြစ်ပါသည်။
