မြတ်စွာဘုရား၏ သာသနာတော်အား ၂၅၅၃ ခုနှစ်သို့တိုင် ပရိယတ္တိ၊ ပဋိပတ္တိ၊ ပဋိဝေဓ သာသနာသုံးရပ်ဖြင့် အစဉ်အဆက် ထိန်းသိမ်းစောင့်ရှောက်လာကြသူများမှာ ရဟန်းသံဃာတော်များ ဖြစ်ကြပါသည်။ ယနေ့ကာလသည် ဝိမုတ္တိကာလ ဖြစ်လေသောကြောင့် လူအများသည် ဝိပဿနာတရားကို ပိုမိုစိတ်ဝင်စားလာကြပါသည်။
ဝိပဿနာတရားစစ် တရားမှန်၏ အင်္ဂါရပ်..
တရားစစ် တရားမှန်၏ အင်္ဂါရပ်မှာ နှစ်ချက်တည်းသာ ရှိပါသည်။ ရှုပွားဆဲအချိန်တွင် ကိလေသာများ ငြိ်မ်းနေသောကြောင့် စိတ်ရော ကိုယ်ပါ ငြိမ်းချမ်းနေပြီး၊ တရားရသွားသောအခါတွင်လည်း ပယ်သတ်သင့်သော ကိလေသာများကို ပယ်သတ်ပြီးသောကြောင့် ကိုယ် စိတ် နှလုံး သုံးပါးစလုံး ငြိမ်းချမ်းနေတတ်ပါသည်။ ထိုသို့မဟုတ်ပဲ ကိုယ်ရော စိတ်ပါ ပင်ပန်းနေမည်ဆိုပါက တရားမှားနေကြောင်း သိထားသင့်ပါသည်။
တရားဟူသည် ထိုင်မှ ရမည်လော…
တရားဟူသည် ထိုင်မှသာ ရမည်ဟု လူအများက ထင်မှတ်မှားနေကြပါသည်။ တရားထိုင်ကျင့်ရှိသူများကို အပြစ်မပြောလိုသော်လည်း တရားထိုင်ရန် အဆင်မပြေသူများအတွက်မူ စိတ်အားငယ်စရာ ဖြစ်လို့ နေပါသည်။ အမှန်စင်စစ် ဝိပဿနာတရားဟူသည် ကာယအလုပ်မဟုတ်၊ ဥာဏအလုပ်သာလျှင်ဖြစ်ပါသည်။ မည်သို့သော အမူအရာလှုပ်ရှားမှုမျိုးမဆို သတိတရားနှင့် အသိကပ်ပြီး ဥာဏ်နှင့်ရှုပွားနိုင်မည်ဆိုပါက ယင်းသည် တရားထိုင်သည်နှင့် သဘောတရားအတူတူပင် ဖြစ်ပါသည်။ ဥာဏ်ပညာမပါပဲ တရားထိုင်မည် ဆိုပါက မည်မျှပင် ကြာကြာထိုင်စေကာမူ တရားစစ်ကို သိရှိနိုင်မည် မဟုတ်ပေ။
ပဠာသ - မတူဘဲ တုပြိုင်ပြောဆိုခြင်း
မိမိတို့ထက် အကျင့်သီလ၊ စာပေဗဟုသုတ၊ သမာဓိ၊ ပညာတို့နှင့် ပြည့်စုံ သာလွန် မြင့်မြတ်တော်မူကြသော ဆရာတော်ကြီးများနှင့် မရိုမသေ ဖက်ပြိုင် ပြောဆို ပြုလုပ်ခြင်းကို ပဠာသ ဟု ခေါ်ပါသည်။ ဤကဲ့သို့ မနှိုင်းကောင်းဘဲ နှိုင်းယှဉ် ဂုဏ်ပြိုင်ခြင်း၊ မရိုမသေ တန်းတူထားပြောဆိုခြင်းသည် အပြစ် အလွန်ကြီးပါသည်။ ဤသို့သော လူများ၏ နှုတ်သွက် လျှာသွက် အာကောင်းကောင်းနှင့် ရဲရဲတင်းတင်း ပြောဆိုနေခြင်းကို စူးစမ်းဆင်ခြင်ဥာဏ်နှင့် အသိလိမ္မာ ဥာဏ်ပညာ နည်းပါးသော အချို့လူများက ဟုတ်လေနိုးနိုး ယုံလွယ်တတ်ကြပါသည်။ ထိုပြင် ကိုယ်တွေ့ဥာဏ်ပါဟု ပြောပါက သာ၍ အထင်ကြီးတတ်ပြီး ရှေ့က သွားသူများနောက် လိုက်ပါရန် ဝန်မလေးတတ်ကြပေ။
အရိယာသူတော်ကောင်း ဟူသည် သီလစင်ကြယ်မှု ရာခိုင်နှုန်းပြည့်ရှိရပါမည်…
ပုထုဇဉ်၏ သီလဝိသုဒ္ဓိသည် အချိန်မရွေး ဖောက်ဖျက်နိုင်သော်လည်း အရိယာသူတော်ကောင်း၏ သီလဝိသုဒ္ဓိသည် မည်သည့်အကြောင်းပြချက်နှင့်မျှ မပျက်စီးနိုင်တော့ပေ။ ကိုယ်၊ စိတ်၊ နှလုံးသုံးပါး စင်ကြယ်ယုံသာမက ရတနာသုံးပါးနှင့်တကွ ကြီးမြတ်သူများအားလုံးကို ပြစ်မှား အပြစ်တင်ခြင်း မပြုလုပ်တော့ပေ။ ရဟန်းဖြစ်မည် ဆိုပါက မြတ်စွာဘုရား၏ အဆုံးအမ သာသနာကို ရိုရိုသေသေ လိုက်နာသည့်အပြင် ဝိနည်းစည်းကမ်းကို အသက်ထက် တန်ဖိုးထား ရိုသေတတ်ကြပါသည်။
သစ္စာသုံးခိုင် နိဗ္ဗာန်တိုင်..
သမ္မုတိသစ္စာ၊ ပရမတ္တသစ္စာ၊ အရိယသစ္စာဟူ၍ နယ်ပယ်သုံးရပ်ရှိပါသည်။ သမ္မုတိသစ္စာနယ်ပယ်တွင် အမှန်မရှိသော နံမည် ပညတ်အခေါ်အဝေါ်များသာ ရှိသော်လည်း၊ ပရမတ္တသစ္စာ နယ်ပယ်တွင်မူ အဟုတ်ရှိ အမှန်တကယ်ရှိသော စိတ် စေတသိက် ရုပ်၊ နိဗ္ဗာန် လေးမျိုးသာလျှင် ရှိနေပါသည်။ အရိယသစ္စာနယ်ပယ်ဆိုသည်မှာ- ဒုက္ခသစ္စာ၊ သမုဒယသစ္စာ၊ နိရောဓသစ္စာ၊ မဂ္ဂသစ္စာ ဟူသော သစ္စာလေးပါးကို ခေါ်ဆိုခြင်းဖြစ်ပါသည်။
ပညတ်နှင့် ပရမတ်
ပညတ်ဟူသည် သမုတ်ရှိဖြစ်၍ ပရမတ်ဟူသည် အဟုတ်ရှိဖြစ်လေ၏။ သို့ရာတွင် ပညတ်တည်းဟူသော သမ္မုတိသစ္စာနယ်ကို ပစ်ပယ်၍မရနိုင်ပေ။ လောက အခေါ်ရှိနှင့် တကယ်ရှိကို ပိုင်းခြားသိမြင်ခြင်းဖြင့် ပရမတ်တည်းဟူသော ပရမတ္တသစ္စာ၏ မမြဲသောသဘော ဖောက်ပြန်ပြောင်းလဲနေသော သဘောတရားများကို ဥာဏ်နှင့် သိမြင်လာနိုင်ပါသည်။ ထိုသို့မဟုတ်ပဲ ပညတ်ကို ပယ်မည်ဆိုပါက မှားယွင်းသော အတွေးအခေါ် အယူအဆများ လုပ်ဆောင်မှုများကြောင့် အပါယ်ငရဲသို့ လားရတတ်ပါသည်။
ထိုကြောင့် တချို့သော တရားပြနေသူများသည် ပညတ်ကို တကယ်မရှိ၊ အမှန်ရှိတာ ပရမတ်ဟု ဆိုကာ ဘုန်းကြီးနှင့်လူ ဟူ၍ ခွဲခြားခြင်းမပြုတော့ပဲ ကြမ်းတပြေးတည်း အတူထိုင်ခြင်း၊ ဘုန်းကြီးနှင့် သီလရှင် တဝိုင်းတည်း ဆွမ်းဘုန်းပေးခြင်း၊ ဝိကာလဘောဇနာဟူသည် အချိန်သတ်မှတ်ချက်သာဖြစ်၍ တကယ်မရှိသော ပညတ်ချက်ဟုဆိုကာ မွန်းလွဲချိန်ကျော်သည်အထိ ဆွမ်းဘုန်းပေးခြင်း စသော ရဟန်းဝိနည်း၊ လူ့စည်းကမ်းများကို ချိုးဖောက်လာကြပါသည်။ အကန့်အသတ်ရှိသော အတ္တစွမ်းအားကို အခြေခံလျက် အနတ္တစွမ်းအား အနတ္တဥာဏ်ဆိုက်ရောက်အောင် ပြုလုပ်ရမည့်အစား အတ္တကို ပစ်ပယ်နေခြင်းကြောင့် အနတ္တမြင်မမြင်မှာ မသေချာလှပေ။
အမှန်တကယ် ပယ်ရမည့်အရာများ….
စွဲလမ်းမှုတဏှာ၊ ငါစွဲ ဒိဋ္ဌိနှင့် ထောင်လွှားသော မာနများကို ပယ်သတ်ရမည့်အစား ပညတ်ကို တကယ်မရှိဟုယူဆကာ ပယ်သတ်နေခြင်းသည် မှားယွင်းသော အယူအဆ အတွေးအခေါ်များသာ ဖြစ်ပါသည်။ အမှန်တကယ် ပယ်သတ်ရမည့် ငါတော် ငါတတ် ငါသိ ဟူသော တဏှာ၊မာန၊ ဒိဋ္ဌိများနှင့်အတူ မိမိတို့ကိုယ်ကို မိမိတို့ အရိယာပါဟု လည်းကောင်း၊ ဥာဏ်စဉ်များ ဘယ်နှစ်ဆင့် တက်နေပါပြီဟုလည်းကောင်း ၊ ရဟန်း၏ ဝိနည်းသိက္ခာပုဒ်၊ လူ့စည်းကမ်းများ ချိုးဖောက်လျက် တိုင်းသိပြည်သိ ကမ္ဘာသိအောင် ကြော်ညာ မောင်းခတ်လျက် ရှိနေကြပါသည်။
သစ္စာလေးပါး မြတ်တရား
ဒုက္ခသစ္စာဟူသည် ပိုင်းခြားသိရမည်၊ သမုဒယသစ္စာဟူသည် ပယ်သတ်ရမည်၊ နိရောဓသစ္စာဟူသည် မျက်မှောက်ပြုရမည်၊မဂ္ဂသစ္စာဟူသည် ပွားများရမည် ဖြစ်ပေသည်။ မဂ္ဂသစ္စာဖြင့် ဒုက္ခသစ္စာကို ပိုင်းခြားပြီး သိမည်ဆိုပါက သမုဒယသစ္စာကို ပယ်သတ်ခြင်းနှင့် နိရောဓသစ္စာကို မျက်မှောက်ပြုခြင်းသည် တပြိုက်တည်း ပြီးမြောက်နိုင်ပါသည်။
သတိပဋ္ဌာန်နည်းဖြင့် ဝိပဿနာရှုပွားနည်း လေးမျိုး…
ကာယာနုပဿနာ၊ ဝေဒနာနုပဿနာ၊ စိတ္တာနုပဿနာ၊ ဓမ္မာနုပဿနာ ဟူ၍ လေးမျိုးရှိပါသည်။ လူတို့၏ ပင်ကိုယ် စရိုက်ပေါ်မူတည်လျက် ရှုနည်းအမျိုးမျိုး ကွဲပြားနိုင်သော်လည်း မည်သည့်ရှုနည်းကို ကျင့်သုံးစေကာမူ ကျန်သုံးနည်းသည်လဲ အလိုအလျောက် အသုံးပြုနေရပါသည်။
ခန္ဓာနှစ်မျိုး၏ မတူညီပုံ…
မည်သည့် သက်ရှိသတ္တဝါမဆို မျက်စိဖြင့် မြင်နိုင်သော ဝင်ကစွတ် အထည်ခန္ဓာနှင့် ပကတိဥာဏ်ဖြင့်သာ သိနိုင်သော သဘောခန္ဓာငါးပါး ဟူ၍ နှစ်မျိုး ရှိပေသည်။ အထည်ခန္ဓာအား ပညတ်ဟုဆိုကာ ပယ်လိုက်ပါက အထည်ခန္ဓာအား အမှီပြုကာ ပေါ်ပေါက်လာမည့် သဘောခန္ဓာငါးပါး၏ မတည်မြဲမှုသဘော၊ ဖောက်ပြန်ပြောင်းလဲမှုသဘောကို သိရှိနိုင်မည် မဟုတ်တော့ပေ။ ထိုကြောင့် ဝိပဿနာရှုပွားခြင်းဆိုသည်မှာ အမှန်တကယ် မရှိသော ပညတ်အထည်ခန္ဓာကို အသုံးပြုကာ သိတတ်သော သဘောတရား ပရမတ်ခန္ဓာ ငါးပါး၏ မတည်မြဲမှုသဘောကို ဥာဏ်ဖြင့်ပိုင်းခြားသိမြင်နိုင်ခြင်းကို ဆိုလိုပါသည်။
အာရုံသိ ခန္ဓာငါးပါးသည်သာ ဘဝတစ်ခုလုံး၏ ဖွားသေ
သက်ရှိသတ္တဝါများ၏ သိတတ်သော သဘောတရားလေးသည်သာ ဘဝ၏ ဖွားသေ ဖြစ်ပေသည်။ သိတတ်သော သဘောတရား မရှိတော့ခြင်းကို သေဆုံးခြင်းဟု ခေါ်ဆိုပါသည်။ အာရုံနှင့် ဒွါရတိုက်ချိန်တွင် ဖြစ်ပေါ်လာသော သိတတ်မှု သဘောလေး၏ မမြဲခြင်းတရားကို ဒုက္ခသစ္စာဟု မြတ်စွာဘုရားက သတ်မှတ်ခဲ့ပါသည်။
မြတ်စွာဘုရား၏ အလုပ်ပေးတရားတော် (အနတ္တလက္ခဏာသုတ်)
“နေတံမမ နေသော ဟမသ္မိ နမေတော အတ္တာ”
ငါ၊ င့ါဥစ္စာ၊ ငါ့အတ္တ သည် အမှန်မရှိ၊ အနတ္တပါသည်သကား။ ဟူသည့် မြတ်စွာဘုရား၏ အလုပ်ပေးတရားတော်သည် အာရုံသိ သဘောတရားလေး၏ မမြဲခြင်း ဆင်းရဲအမှန်ကို ဆင်ခြင်နှလုံးသွင်း ပိုင်းခြားခြင်း ဖြစ်ပါသည်။
ဆူနာမီဆရာတော် ဦးဥတ္တမသာရ၏ တရားကောက်နှုတ်ချက်…
<<စိတ်နဲ့သိတဲ့ ဖြစ်တာမှန်သမျှ ခန္ဓာငါးပါးအတုပဲ၊ ဖြစ်ရုံသက်သက်၊ ဖြစ်ကာမတ္တ ဖြစ်နေတဲ့ ဖောက်ပြန်ပျက်စီးမှုကမှ ခန္ဓာငါးပါး ဒုက္ခသစ္စာအစစ်။ ဖြစ်တာပျက်တာမဟုတ်၊ ပျက်တာဖြစ်တာ။ ပြုလုပ်ကာမတ္တ ပြုလုပ်မူတွေ ပျက်နေတာ။ ဘာလုပ်လုပ် လက်ခံ သိမ်းပိုက်ပြီးမလုပ်နဲ့၊ စွန့်လုပ်။ လွတ်လွတ်လပ်လပ် လုပ်ရုံသက်သက်လုပ်၊
အတ္တ(တစ်ခုခု၊တစ်ယောက်ယောက်၊တစ်ချိန်ချိန်၊တစ်နေရာရာရဲ့အား) မပါစေနဲ့။ တစ်ခု၊ တစ်ယောက်၊ တစ်ချိန်၊ တစ်နေရာဆိုတဲ့ အထင်မှားကင်းကင်း၊ အစွဲကင်းကင်း လုပ်ရုံသက်သက်လုပ်မှ ကိလေသာဖြစ်နေမှုက လွတ်လပ်ရေးရမယ်။ မကန့်သတ်ဖို့၊ မပညတ်ဖို့၊ မဆုပ်ကိုင်ဖို့၊ မသိမ်းပိုက်ဖို့ အဓိကထားမှ တရားအလုပ်စစ်။>><<ရှင်းလင်းခြင်း>> <<မေ့လျော့မှု ( အ၀ိဇ္ဇာ ) ကြောင့်>>
အထက်ပါ ဆူနာမီဆရာတော်၏ တရားယူဆချက်သည် မြတ်စွာဘုရား၏ မြတ်တရားနှင့် ဆန့်ကျင်နေပါသည်။ စိတ်ဖြင့်သိသော အရာမှန်သမျှ ခန္ဓာငါးပါးအတု ဟု၊ သတ်မှတ်လျက် ဖောက်ပြန်ပျက်စီးမှုသည်သာ ဒုက္ခသစ္စာ အစစ်ဟု ဆိုလိုထားပါသည်။
အထက်ပါ ဆူနာမီဆရာတော်၏ တရားယူဆချက်သည် မြတ်စွာဘုရား၏ မြတ်တရားနှင့် ဆန့်ကျင်နေပါသည်။ စိတ်ဖြင့်သိသော အရာမှန်သမျှ ခန္ဓာငါးပါးအတု ဟု၊ သတ်မှတ်လျက် ဖောက်ပြန်ပျက်စီးမှုသည်သာ ဒုက္ခသစ္စာ အစစ်ဟု ဆိုလိုထားပါသည်။
ဝေဒနာသည် ချုပ်ငြိမ်းတတ်ပါသလား…..
ဝေဒနာဟူသည် နာကျင် ကိုက်ခဲ ညောင်းညာခြင်းများကို သာ ဆိုလိုခြင်းမဟုတ်ပါ။ ချမ်းသာခြင်း သုခဝေဒနာ၊ ဆင်းရဲခြင်း ဒုက္ခဝေဒနာနှင့် ချမ်းသာ ဆင်းရဲမဟုတ်သော ဥပေက္ခာဝေဒနာ ဟူ၍ ဝေဒနာသုံးမျိုးရှိပါသည်။ ဖောက်ပြန်မှု၊ ခံစားမှု၊ မှတ်သားမှု၊ စေ့ဆော်မှု၊ ပြုလုပ်မှုသဘောတည်းဟူသော သဘောခန္ဓာရှိနေသ၍ ဝေဒနာသည် ရှိနေမည်ဖြစ်ပါသည်။ ဝေဒနာချုပ်ငြိမ်းချိန်သည် သေဆုံးသွားသောအချိန်သာ ဖြစ်နိုင်ပေသည်။
အထည်ပညတ်ခန္ဓာ၏ ဖောက်ပြန်ပျက်စီးမှု…
အထည်ပညတ်ခန္ဓာ၏ ဖောက်ပြန်ပျက်စီးမှုသည် ထိန်းချုပ်၍မရသလို၊ တားဆီးနိုင်ခြင်းလည်းမရှိနိုင်ပါ။ သူ့သဘော သူဆောင်လျက် သူ့သဘာဝအတိုင်း ဖောက်ပြန်ပျက်စီးနေပါသည်။ သို့ရာတွင် သက်ရှိသတ္တဝါများ၏ မွေးရာပါ အသိဥာဏ်ဖြင့် ကံ၊ စ်ိတ်၊ ဥတု၊ အာဟာရများဖြင့် မတင့်တယ်မှု အသုဘ မှ တင့်တယ်မှု သုဘသို့ အချိန်နှင့်အမျှ ပြုပြင်နေကြရပါသည်။ ထိုကြောင့် ထိုဖောက်ပြန်ပြောင်းလဲမှုကို သိရုံသက်သက်မျှဖြင့် ဒုက္ခသစ္စာ၏ သဘောကို ပြည့်စုံအောင် သိနိုင်မည် မဟုတ်ပေ။ တွယ်တာစရာမရှိ၊ ကပ်ငြိစရာမရှိ၊ ငြီးငွေ့စရာ ဒုက္ခခံစားမှု သက်သက်သာ ဖြစ်သည်ဟူသော သံဝေဂတရားကို အခြေခံသော အသိတရားကိုသာ နားလည်နုိုင်ပါသည်။ ဖောက်ပြန်မှုကို ငြီးငွေ့ပြီး စွဲလမ်းမှု တဏှာ၊ ငါစွဲ ဒိဋ္ဌိ နှင့် ထောင်လွှားသော မာနကို အပြီးတိုင် ပယ်သတ်နိုင်မှသာလျှင် အသင်္ခတတည်းဟူသော နိဗ္ဗာန်ကို မျက်မှောက်ပြုနိုင်မည် ဖြစ်ပေသည်။
ဆရာအရွေး မမှားစေနဲ့….
မြတ်စွာဘုရား၏ လမ်းညွှန်ပြသမှု ကို အခြေခံလျက် ကျင့်ကြံအားထုတ်တော်မူသော ဆရာသမားများ၏ ကိုယ်တွေ့သည်သာ မှန်ကန်သော နည်းလမ်းကျင့်စဉ် ဖြစ်နိုင်ပါသည်။ သိပြီးမှ ကျင့်ကြံအားထုတ်မှုသည် မသိပဲ ကျင့်ကြံအားထုတ်မှုထက် ပိုမိုထိရောက် မှန်ကန် မြန်ဆန်နိုင်ပါသည်။ ထိုကြောင့် စစ်မှန်သော ဆရာသမား၏ လမ်းညွှန်မှု တာဝန် (ညာတပရိညာ) ပြီးဆုံးပါလျှင် မိမိ၏ ကျင့်ကြံအားထုတ်မှု တာဝန် (တိရဏပရိညာ) ကို ဆောင်ရွက်နိုင်ပါလျှင် ဓမ္မ၏တာဝန် (ပဟာနပရိညာ) သည် အချိန်တန်လျှင် ပြသမည်ဖြစ်ပါကြောင်း စေတနာရှေ့ထားလျက် ရေးသားလိုက်ရပါသည်။ ။
(ထိန်းချုပ်ခြင်း၊ တားဆီးခြင်း ပြုလုပ်၍ မရသော သူ့သဘော သူဆောင်၊ သူ့အလုပ် သူလုပ်နေသော ရုပ်၊ နာမ်၊ ဓမ္မ၊ သင်္ခင်္ါရတို့၏ မမြဲမှု၊ အချိန်နှင့်အမျှ ဖောက်ပြန် ပြောင်းလဲ ပျက်စီးနေမှုများကို မြဲမြံသော သတိတရားနှင့် အသိကပ်ပြီး ဥာဏ်ဖြင့် စောင့်ကြည့် ရှုပွားခြင်းဖြင့် တဏှာ၊ မာန၊ ဒိဋ္ဌိတည်း ဟူသော ကိလေသာများကို အပြီးတိုင် ပယ်သတ်နိုင်ခြင်းသည် အသင်္ခတ၏ နောက်ဆုံးပန်းတိုင် ဖြစ်ပါသည်။)
(သင်ဆရာ၊ မြင်ဆရာ၊ ကြားဆရာနှင့် ဖတ်ဆရာများ၏ သွန်သင်ဆုံးမမှု မြတ်တရားများပေါ် အခြေခံ၍ ရေးသားထားခြင်း ဖြစ်သော်လည်း၊ မှားယွင်းမှု ရှိပါက စာရေးသူ၏ တာဝန်သာ ဖြစ်ပါသည်။)
40 comments:
သြော်
ပြောရင်တော့ ဒါလောက်ဘယ်ကမလဲဗျာ
၁၀၀ါမပြည့်မီ တပည့်မွေးသော်
မိမိအမှန်တကယ်ရသော ဈာန်နဲ့  မဂ်ကို လူ သာမဏေတို့ ကို ဟောခဲ့ သော်( ရဟန်းချင်းမူ တရာအားထုတ်ရန်တိုက်တွန်းလိုက ပြောခွင့်ရှိသည် )
ဆေးကု ဗေဒင် နတ်ဟောသော်
ပါစိတ်အာပတ်သင့်စေတဲ့  ။
အရိယာထဲ အငယ်ဆုံးသောတာပန်တောင် အဲလို အာပတ်အသင့်မခံဘူးလေ ။ အရိယာမဟုတ်လို့  အာပါတ်မကြောက်တာပေါ့ ။
တရားဟောလွဲနေတာတော့ ပွနေတာဘဲ
တခါ အမေးခရစ်ယန် အဖြေအမှန်တရားဆိုတဲ့ တရားမှာ
လူဖြစ် ခွေးဖြစ် နတ်ဖြစ်တာ ဖြစ်ချင်တဲ့  စိတ်ကြောင့်လို့ ဟောတာ
စဉ်းစားလေ ။ အပါယ် ၄ပါး ဖြစ်ပရစေလို့  ဆုတောင်းတဲ့  သူ ဘယ်သူရှိလဲ ။
ဘုရားရှင်ဟောတဲ့  ကုသိုလ် အကုသိုလ်ကံတို့ ကြောင့် ဘ၀တွေ မတူရတာကို ပြက်ရယ်ပြုသလိုဘဲ ။
တခါ သူ့ လက်သုံး ၃၁ဘုံ ဘာမှမဟုတ်ဘူးဆိုတာလဲ ။ အနတ်တ ဆိုတာ လိပ်ပြာကောင်မရှိ အထည်ဒြပ်မရှိ ရုပ်နာမ်တို့  ဒရစပ်ဖြစ်ပျက်ဆိုတဲ့  မြတ်စွာဘုရား တရားနဲ့  တခြားစီ ။
ပဌာန်းတရားတော်ကြီးနဲ့ လဲ ဆန့် ကျင်နေပြန်ရော.။
တခါ မြတ်စွာဘုရားက စလို့  ခုခေတ်ထိ တရားအားထုတ်တယ်ဆိုတာ တရားကိုသဘောပေါက်အောင်နာ ပြီးတာနဲ့ ဆိပ်ငြိမ်ရာမှာ ကိုယ်တိုင်အားထုတ်ရပါတယ် ။
ခု သူ့ ရိပ်သာမှာ ယောဂီ (ထားပါတော့လေ ) တွေ ရှေ့ ကထိုင် နောက်က သူ့ အသံကြီးနဲ့  တတွတ်တွတ် တနေကုန်အော်ပေးနေတာ ဘယ်လာ သမာဒိရမလဲလေ ။
တခါ ဘုန်းကြီးကကူပေးလို့ တရားရလွယ်တာ ဆိုပြီး ဟောနေတာ အခွေတိုင်းလိုလိုပါနေတာ မြတ်စွာဘုရားတောင် တရားကုထိုင်ပေးမရတာကွယ် ။
နတ်ပြည်ရောက်တယ်ဆိုတာ ဘာနဲ့ ထောက်ကူလဲဆိုတော့ နတ်ဝင်ပြောလို့  နဲ့  ပူးပြောလို့ တဲ့ 
အဲလိုသာပြောတိုင်းယုံရ အင်း လောကကြီးခက်မှာပေါ့
အဲဒါတွေ သိထားတွေ့ ထားတာ ကြာလှပေါ့ဗျာ
ဒါပေမဲ့  စစ်တာဆေးတာတွေက အချိန်ယူနေရလို့  အသာလေးလွှတ်ထားတာပါ ။
အကြောင်းအကျိုးနဲ့ တည့်တည့်လင်းလင်း ထောက်ပြထားတာ သိသာမြင်သာပြီး အများကြီး ကောင်းပါတယ်။
ကျွန်တော်လည်း ရင်ဖွင့်ရဦးမယ်။ ဘယ်သူဘယ်ဝါ ဘယ်ဆရာရယ် လို့တော့ တည့်တည့်လင်းလင်း မဖော်ထုတ်လိုသေးပါဘူး။ သတိထား နိုင်အောင် သတိပေးလိုတာပါ။ တလောက လူနာမည်နဲ့ ပုဂ္ဂိုလ်တစ်ဦးဟာ သူရေးသားတဲ့ တရားဆိုင်ရာ မေလ်းတွေ မကြာခဏ ပို့တယ်။ ကျွန်တော်က သူ သိုးဆောင်းဘာသာနဲ့ ရေးထားတဲ့ အချက်တွေထဲက "ရှေးတုန်းက ဆရာတော်ကြီးတွေရဲ့ တရားတွေဟာ မပြည့်စုံဘူး၊ ပရမတ္တအမြင် ချို့ယွင်းနေတယ်"လို့ စွပ်စွဲထားတဲ့ အချက်ကို ထောက်ပြတော့ သူက ၀န်မခံတဲ့အပြင် သူဆိုလိုတာ ဒီလိုမဟုတ်ပါဘူး ဆိုတဲ့အကြောင်း၊ သူဟာလည်း ဘုန်းကြီးတစ်ပါး ဖြစ်ပါတယ်ဆိုတဲ့ အကြောင်း ပြောဆိုတယ်။ သူတို့တရားကို စမ်းသပ်ကြည့်ဖို့ စည်းရုံးတယ်။ ကျွန်တော်က ပတ်ဝန်းကျင်မှာ သင်ဆရာ မြင်ဆရာ ကြားဆရာတွေ ရှိပါတယ်။ သဘောကျ ကျေနပ်လောက်တဲ့ တရား အားထုတ်နည်းတွေကို လက်လှမ်းမီတဲ့ နေရာတွေမှာ ရနိုင်ပါတယ်လို့ အရိပ်အမြွက်ပြပြီး တားမြစ် အကြောင်းပြန် တော့လည်း သဘောပေါက်ဟန် မတူဘူး။ ဆရာစွဲတယ်၊ နည်းစွဲတယ် လို့ ဂိုဏ်းဂဏစွဲတယ်လို့ စွပ်စွဲပြန်တယ်။
သူ( အဲဒီအရှင်)ငယ်ငယ်ကလည်း ဒီလိုပဲ ဆရာစွဲ နည်းစွဲခဲ့ဖူးတယ်၊ ခုတော့ ဒီတရားတွေသိရတော့ ဒီလို မစွဲလန်းတော့ဘူးလို့ စကားကပ်ပြီး ဝေဖန် စည်းရုံးပြန်တယ်။ ဘယ်လိုတရားပြ ဆရာပါလိမ့်၊ ဘယ်လို သဘောပါလိမ့်လို့ အောက်မေ့တယ်။ သူငယ်နှပ်စားလေး လောက်နည်းနည်း သဘောထားပြီး ဆုံးမထားချက်တွေ၊ တလွဲ အကိုးအကားနဲ့ ဝေ့လည်လည် ဟောပြန်ချက်တွေ ရောက်လာပြီး၊ တစ်ဝက်မှန် တစ်ဝက်မှားတဲ့ စာအုပ်တွေကို ဖြန့်ဖြူးပြန်တယ်။ (ကျွန်တော့်ဆီ ရေးသားရာမှာ နောက်ပိုင်း မချော်မချွတ်အောင်၊ တော့ သူတော်တော် သတိထားလာတယ်။ တခြားနေရာတွေမှာတော့ သူထင်ရာ သူရေးနေတာပါပဲ)
ဗုဒ္ဓတရားတော်တွေကို နည်းမှန်လမ်းမှန် ဟောပြောနေတဲ့ သံဃာ တစ်ပါးပါး ရဲ့ အဆုံးအမအတိုင်း ကြိုးစားနေရင် သာမန်သူတွေအတွက် တော်ရောပေါ့။ ဒီပုဂ္ဂိုလ် (အရှင်) အနေနှင့်လည်း သူစည်းရုံးနေတဲ့ သူမှာ ပရိယတ္တိ ပဋိပတ္တိပြည့်စုံတဲ့ ဆရာသမားတွေ ရှိနေပြီလို့ သိရရင် အပါယ်မဆင်းအောင် စည်းရုံးမှု အဆုံးသတ် သင့်ရောပေါ့။ ဘယ်ရည်ရွယ်ချက်နဲ့ ဆက်လက် စည်းရုံးနေပါလိမ့်။ ဘာကြောင့် သူတို့ဆရာရဲ့ သံသယ၀င်ဖွယ် ကောင်းတဲ့ တရားကိုမှ အားမထုတ်ရင် အပါယ်လေးပါးမှာ နစ်မြုပ်ရလတ္တံ့လို့ အတိမာနကို ကရုဏာသဖွယ် ထင်မြင် စိတ်ကြီးဝင်နေပါလိမ့် လို့ စဉ်းစားမိတယ်။ ခပ်ရိုးရိုးလူဆိုရင် ပါချင်လည်း ပါသွားမှာပဲ အစ်မ။
မှန်မှန်ကန်ကန်လူတွေ ရှိသလို တရားကိုဗန်းပြပြီး celebrity လုပ်ချင်ကြတဲ့ သူတွေလည်း ရှိမှာပဲလို့ပဲတော့ စဉ်းစားမိတယ် အစ်မ။ အရှင်မဟာရဋ္ဌသာရ ကတော့ "ဆိုရေးရှိက ဆိုအပ်လှ၏ ဆိုစများလျား ထားပချေမိ ငါ့ဝန်ရှိခဲ့" လို့ စာသမားတွေကို သတိပေးခဲ့တယ်။ ဟုတ်တယ်။ ဆိုရေးရှိရက်နဲ့ မဆိုမပြောပဲနေရင် မပြောမဆိုဘဲ နေသူတွေမှာလည်း နောင်တစ်ချိန်မှာ ဧကန်မုချ တာဝန်ရှိမှာပဲ။ ရေတိုအနေနဲ့ ကြည့်ရင်တော့ ဝေဖန်ပြောဆိုသူကို ပြဿနာရှာသူလို့ မြင်ချင်လည်း မြင်ကြလိမ့်မယ်။ ဒါပေမဲ့ ဒီလို မဝေဖန်ဘူးဆိုရင် သာသနာတော်ဟာ ဒီလို ရှည်ရှည်နဲ့ မှန်မှန်ကန်ကန် မတည်ရှိနေနိုင်ဘူး။
ဒါကြောင့် နည်းမှန်လမ်းမှန် ပြောဆိုဝေဖန်တဲ့ ဝေဖန်ရေးဆရာတွေကို ကျွန်တော်ကတော့ အလွန်အမင်း တန်ဖိုးထားပါတယ်။ ဆိုရေးရှိရင် ဆိုပါ ပြောပါ အစ်မရေ။
အလှတရားရေ...
အလှတရားတို့လို ကျိုးကြောင်းဆင်ခြင်နိုင်တဲ့ ဥာဏ်ရှိရင်တော့ ဘယ်လိုအရှင် ဘယ်လိုလူမျိုးမှ ဆွဲဆောင် စည်းရုံးလို့ မရတော့ပါဘူး။
ခုတော့ အမျိုးမျိုး ဖြောင့်ဖြ ပြောဆိုလို့မှ မရလောက်အောင် ပျော့ပျောင်းမှုမရှိ၊ တင်းမာနေတဲ့ ကောက်တေးတုိ့၊ မိုးသောက်တို့လို တဇောက်ကန်းတွေကြောင့် အနာဂတ်သာသနာအတွက် ရင်မအေးစရာ ဖြစ်နေပါပြီ။
မြတ်စွာဟောကြားခဲ့တဲ့ တရားတော်တွေကို နှစ်ပေါင်း ၂၅၅၃ တိုင်အောင် ထိန်းသိမ်းစောင့်ရှောက်လာတဲ့ သံဃာတော် အရှင်မြတ်တွေရဲ့ ကြိုးပမ်းမှု၊ သင်္ဂါယနာကို ၆ကြိမ်တိုင်တိုင် တင်ပြီး စီစစ်ထားမှု၊ စသည်တို့ကို မှ မထောက်ထား၊ သာသနာရဲ့ အဋ္ဌကထာ စာပေတွေ မှားနိုင်ပါတယ်လို့ ပြောနေတဲ့ ချစ်မြတ်နိုးတို့ကို အရိယာလို့ ထင်နေတော့ ဘယ်လိုလုပ်ကြမလဲ....
အမှားကို အမှားမှန်းသိရင် အမှန်ပြန်ပြင်ဖို့ ဝန်မလေးမှ သူတော်ကောင်းအဖြစ် ပြသရာ ရောက်မှာပေါ့...
မှတ်သားစရာပိုစ့်ကောင်းလေး တစ်ပုဒ်ပါပဲအစ်မရေ..။ တရားဘာဝနာ အားထုတ်နေတဲ့သူတွေ တော်တော်များများသိသင့်တဲ့ အချက်တွေ ပါဝင်ပါတယ်။ လုပ်ချင်သလိုလုပ် ပြောချင်သလိုပြောပြီး ဘုရားရှင်ရဲ့တရားတွေပါလို့ ပြောနေတာဟာ အင်မတန် ဆိုးဝါးလွန်းပါတယ်။ အင်မတန် ဆိုးဝါးတဲ့ လုပ်ရပ်တွေဟာ ဘုရားရှင်ရဲ့ သာသနာတော်ကို ထိခိုက်ပျက်ဆီးစေပါတယ်။ ဘုရားရှင်ရဲ့ သာသနာကို ဖျက်ဆီးနေသူမှန်သမျှ မည်သူမဆို တာဝန်သိသိ ပြောဆိုဖြေရှင်းပေးရမယ့် အသိတရားဟာ လူတိုင်းမှာ ရှိသင့်ပါတယ်။ တာဝန်သိသိနဲ့ ရေးသားပေးတဲ့အတွက်လည်း ဘုရားရှင် သာဓုခေါ်မှာပါအစ်မ။ ဘယ်သူကဲ့ရဲ့ကဲ့ရဲ့ ဘုရားမကဲ့ရဲ့အောင်နေပါဆိုတဲ့ စကားလေး လက်ဆောင်ပေးလိုပါတယ်အစ်မ။ သာသနာတော်အတွက် အားကြိုးမာန်တက် စိတ်ရောကိုယ်ပါဆောင်ရွက်နေတာဟာ မိမိရည်မှန်းရာပန်းတိုင်ကို အပြေးချီတက်နေတာနဲ့ အတူတူပါပဲအစ်မရေ။ ရည်မှန်းရာ ပန်းတိုင်ကို ဆိုက်ရောက်နိုင်ပါစေ။ ဗုဒ္ဓသာသနာ အဒွန့်ရှည်တည်တံ့ခိုင်မြဲစေဖို့ အဓမ္မ၀ါဒတွေ ကင်းစင် ရှင်းသန့်ပါစေ...။
တရားစစ် တရားမှန်
ဝေဖန်ခွဲခြား
နည်းမှန်လမ်းမှန် ကျင့်ကြံတာမှန်ဖို့အဓိကထား
အပါယ်မလားနိုင်စေတဲ့ တရား။
သူတော်သူယုတ်
မဟုတ်တရုတ်တွေအကြံထုတ်
သူတော်စင်သူတော်ကောင်း
သာသနာတော်သန့်ရှင်းစေကြောင်း
သာသနာတော်အဓွန့်ရှည် တည်တံ့စေကြောင်း
ပေါင်းသင် ရေလောင်း။
(သာသနာတော်သန့်ရှင်းစေရေး အခုလို ဆောင်ရွက်ပေးနေသူများကို သာဓုခေါ်ပါသည်)
မိုးကုတ် ဆရာတော် ကြီးကတော့ သေချာမှာထားတယ်။ သူများပါးစပ်မှာ လမ်းမဆုံးစေနဲ့ လို့။ ကိုယ်တိုင် အတိုင်းအတာတစ်ခု အထိ သိအောင် မကြိုးစားနိုင်ရင်တော့ သူများပါးစပ်မှာဘဲ လမ်းဆုံးကြမှာဘဲ။
- မှ တ် ကျော က် အ စ စ် -
(ဗုဒ္ဓ- ကာလာမသုတ်၊ အင်္ဂုတ္တရနိကာယ်)
၁။ တစ်ဆင့်စကား ပြောသံကြားကို ဟုတ်ပြီမှန်ပြီဟု ချက်ချင်း အတည်မယူကြလေနှင့်-
၂။ ရိုးရာအစဉ်အလာဓလေ့ထုံးစံ နှင့် ကိုက်ညီသော စကားဖြစ်၍လည်း ဟုတ်ပြီမှန်ပြီဟု ချက်ချင်း အတည်မယူကြလေနှင့်-
၃။ ရှေးကဤသို့ဖြစ်ခဲ့ဖူးသည်ဆိုပြီး ကောလဟာလ စကားများဖြင့်လည်း ဟုတ်ပြီ
မှန်ပြီဟု ချက်ချင်းအတည်မယူကြလေနှင့်-
၎။ ကျမ်းဂန်များနှင့် ကိုက်ညီသည်ဆိုပြီး ဟုတ်ပြီမှန်ပြီဟု ချက်ချင်း အတည်
မယူကြလေနှင့်-
၅။ မိမိ ထင်မြင်ယူဆချက်များနှင့် ယုတ္တိရှိနိုင်သည် ဟူ၍ စဉ်းစားတွေးခေါ်ပြီးတော့လည်း ဟုတ်ပြီမှန်ပြီဟု ချက်ချင်းအတည်မယူကြလေနှင့်-
၆။ လက်ခံနိုင်စရာ ဖော်ပြချက်၊ အကြံပြုချက်၊ ရှင်းလင်းချက်များရရုံဖြင့်လည်း ဟုတ်ပြီမှန်ပြီဟု ချက်ချင်းအတည်မယူကြလေနှင့်-
၇။ အကြောင်းအကျိုးဆီလျော်နိုင်သည်ဟု အပေါ်ယံမှန်းဆကြည့်ပြီး သဘော
ကျမိရုံဖြင့်လည်း ဟုတ်ပြီမှန်ပြီဟု ချက်ချင်း အတည် မယူကြလေနှင့်-
၈။ တစ်စုံတစ်ယောက်၏ ထူးခြားသော စွမ်းပကား စွမ်းရည်များကို တွေ့မြင်
နိုင်ရရုံဖြင့်လည်း ဟုတ်ပြီမှန်ပြီဟု ချက်ချင်းအတည် မယူကြလေနှင့်-
၉။ နဂိုလက်ခံထားသော အယူဝါဒနှင့် ကိုက်ညီသည်ဆိုပြီး ဟုတ်ပြီမှန်ပြီဟု
ချက်ချင်း အတည်မယူကြလေနှင့်-
၁၀။ ငါတို့လေးစားသော ဆရာ(ရဟန်း)၏ စကားဆိုပြီး ဟုတ်ပြီမှန်ပြီဟု
ချက်ချင်းအတည် မယူကြလေနှင့်မိမိကိုယ
်တိုင် လက်တွေ့-လေ့လာ-ကျင့်သုံးကြည့်ပြီး ကိလေသာကင်းရာတဏှာ၊
မာန၊ ဒိဋ္ဌိ တို့ချုပ်ငြိမ်းရာ အမှန်ဖြစ်ကြောင်း (မိမိ ရော အခြားသူများပါ
အမှန်တကယ် အကျိုးကျေးဇူး များကြောင်း၊ ပညာရှိများ ကျင့်သုံးကြရာ
ချီးမွမ်းကြရာဖြစ်ကြောင်း) ကိုယ်တိုင်-သိရှိနားလည် သွားခြင်းသည်သာ ဟုတ်ပြီ
မှန်ပြီ ဟု အတည်ယူနိုင်ရေး (သို့) အမှန်တရား - သစ္စာတရား အတွက်
မှတ်ကျောက်အစစ် ဖြစ်လေသည်။
(ဗုဒ္ဓ- ကာလာမသုတ်၊ အင်္ဂုတ္တရနိကာယ်)
ဟုတ်ကဲ့ပါ အမည်မသိရေ..
အမည်မသိပြောတဲ့. ဗုဒ္ဓ- ကာလာမသုတ်၊ ဆိုတာ ဒိဋ္ဌိစွဲ အယူရှိတဲ့ ကာလာမတိုင်းသားတွေကို ဟောခဲ့တဲ့တရားပါ.. တနည်းအားဖြင့် ဘာသာခြားတွေကို ဟောသလိုမျိုးပါပဲ.. မြတ်စွာဘုရားက ဗုဒ္ဓဘာသာကို အစစ်ဆေးခံနိုင်လို့ ဟောခဲ့တာပါ....
အခုခေတ်မှာ တကယ့်တရားအနှစ်သာရတွေ ရှိရက်နဲ့ အယူမှား အတွေးမှားတွေက (မြတ်စွာဘုရားကို တကယ်ကြည်ညိုစိတ် သဒ္ဓါတရားရှိမယ်ဆိုရင်) မထားသင့်တော့ပါဘူးး ကောက်ကျစ်တဲ့ ပညာလွန်ကဲခြင်းသည် သဒ္ဓါတရားအပေါ် လွှမ်းမိုးသွားတတ်ပါတယ်ဆိုတာ သတိထားစေချင်ပါတယ်.......။
အမရယ် comment ထဲ က ရဟန္တာဖြစ်တဲ့ မိုးကုတ်ဆရာတော်ဘုရားကြီးရဲ့ ဆုံးမစကားကို ဘာဖြစ်လို့ ဖျက်ပစ်တာလဲ ခင်မျာ။ ကာလမသုတ်စတဲ့ သုတ္တန် ဘုရားဟော ပါဠိတော်အစစ်တွေကိုတော့ တစ်လုံးချင်းစီ အဓိပ္ပါယ် အရှည်ကြီးကို သူ့အဓိပ္ပါယ်အတိုင်းမယူဘဲ တစ်လုံးထဲ ကိုယ်လိုရာ ဆွဲမယူပါနဲ့ ခင်မျာ-
အမပြောတဲ့ တကယ့်တရားအနှစ်သာရတွေ ဆိုတာ ဘာတွေကများ အနှစ်သာရဖြစ်နေတာလို့ ဆိုလိုတာလဲခင်မျာ- ကိုယ့်ရင်ထဲက ကိုယ့်ဒေါသတွေကိုတောင် ကိုယ်သတိမထား မမြင်နိုင်ဘဲ နဲ့ သူများကို အလောဘ-အဒေါသ-အမောဟ ဆိုတဲ့ စိတ်တွေ ပွားများအောင် ပြုလုပ်ရတဲ့ သာသနာပြုလုပ်ငန်း တရားဓမ္မနဲ့ပတ်သက်တာတွေ - သူများကို လိုက် သတိပေးနေတာကတော့ နဲနဲ ဂွကျနေသလိုပဲ။ အမ စကားတွေထဲမှာ ဒေါသ သံ တွေ ပါ ပါနေတာ လူတိုင်းခံစားနိုင်ပါတယ်။ အမှန်တရား သစ္စာတရားအတွက် ပိုမိုသိနားလည်လိုပါက အကြံပေးချင်တာကတော့ တေးဘုမ္မာ သီချင်းကို တစ်နေ့ သုံးခေါက်ဖွင့်ပါ။ မိုးကုတ် ဆရာတော်ဘုရားကြီး 11-9-61 တရားခွေကို သုံးခေါက်နာပါ။(တခြားတရားခွေ သုံးခွေနာလည်းဖြစ်ပါသည်) ရဟန္တာအရှင်သူမြတ် သဲအင်းဂူဆရာတော်ကြီး ရှုကွက်တရားခွေ သုံးခွေ ပြည့်အောင်နာပါ။ ဆရာတော်ဦးဇောတိက (မဟာမြိုင်တောရ) ခွေ သုံးဆယ်ခန့် နာနိုင်ဖို့ ကြိုးစားပါ။ (မှတ်ချက်။ နာနေစဉ်မှာတော့ ဒိုင်သူကြီးစိတ် - တရားသူကြီးစိတ် နဲ့ နာရင်တော့ ထူးခြားမည်မထင်ပါ)ခင်မင်လေးစားစွာဖြင့်
ကွန်မန့်ကို မဖျက်ပါဘူး ဒီအတိုင်းပါပဲ..
စီဘောက်က မှားဖျက်တာပါ...
ဖျက်ပြီးမှ မှားမှန်းသိတယ်..
ဆော်ရီးပါ... ဒေါသသံပါတယ် ထင်ရင်လဲ ခွင့်လွှတ်ပါ.. စာရေးတာ မကျွမ်းကျင် အားနည်းလို့ ဖြစ်ပါလိမ့်မယ်...
ဒေါသသံပါတယ်ထင်ရပေမဲ့ စေတနာကတော့ အပြည့်ပါနော်..
မထက်စုရေ
ဆူနာမီဆရာတော်တရားတွေ မှားနေတယ်လို့ ကျွန်တော်လဲ မြင်တယ်။ အနိစ္စ၊ ဒုက္ခ အနတ္တကို ဟောရာမှာ အနတ္တကို ရှင်းရင်း နတ္တိက (ဘာမှမဟုတ်) လို့ ပြောမိသွားသလားလို့။
ဆရာတော်ဟာ လူငယ်ဆိုတော့ ကိုယ်ရတယ်လို့ ယူဆတဲ့ တရားကုိ ဖြန့်ဝေပေးချင်တဲ့ စေတနာ အားကြီင်္းသွားတာထင်တယ်။ သဒ္ဓါလွန်သွားတဲ့ သဘောပါ။ ကျွန်တော် မမြင်ဖူးပေမယ့် ဒါတွေ ပြောချင်လို့ ကျွန်တော်လဲ ဆူနာမီဆရာတော်ကို ဆက်သွယ်ဖို့ ကြိုးစားပါ့မယ်။ မထက်စုတို့လဲ ဆက်သွယ် လျှောက်ထားကြရင် ကောင်းမယ်။ ဘုရားသားတော်တစ်ပါး မဖြစ်သင့်တာ မဖြစ်ရအောင်။ မြတ်စွာဘုရားရဲ့ တရားတွေကို ပြန်ဟောတာ ဘုရားဟောစံကနေ လွဲဟောမိနေပြီဆိုတာ ဒီဆရာတော် လက်ခံအောင် ဆွေးနွေးနိုင်ကြရင် ကောင်းမယ်ထင်တယ်။
သံဃာ့နာယကကလဲ ခေါ်မေးပြီးပြီဗျ။ မေးမြန်းဆွေးနွေးပြီးသကာလ ရိုးရိုးသားသား တက်ကြွနေတဲ့ ဆရာတော်တစ်ပါး၊ သဒ္ဓါတရားလဲ အားကောင်းတဲ့ ကိုယ်တော်ဆိုတော့ သာသနာ့ရေရှည်အကျိုး ငဲ့ပြီး ဆရာတော်ကြီးတွေက အပြစ်မယူတာ ထင်တယ်။ အစွန်းရောက်နေတဲ့ အမြင်တွေ အချိန်တန် ပြန်တည့်မတ်သွားမယ် မြင်လို့လဲ ဖြစ်နိုင်ပါတယ်။
ဓမ္မစေတီ ဆရာတော်ဆို အရှိန်အဝါအား၊ ငွေအားတွေနဲ့ ခုခံတာတောင် သံဃနာယက ဥက္ကဌ မကွေးဆရာတော်ကြီးက လုံးဝ သည်းခံတော်မူတာ မဟုတ်ဘူး။ ၊ဓမ္မစေတီရဲ့ အဓမ္မဝါဒ တရားတွေ မဟောရလို့ ပိတ်လိုက်တာ ကြည့်ပါလား။
ဆူနာမီ ဆရာတော်ကျတော့ ဆင့်ခေါ်လို့ လာတွေ့တဲ့အချိန်မှာ ဖြေတာ ပြောတာတွေက ထောင်လွှားမှု တော်တော်နည်းပြီး ရိုးရိုးသားသား ပြောတာကို ဆရာတော်ကြီးတွေ သဘောကျပုံ ရတယ်။ လိုအပ်တာတွေ သတ်ိပေး ထောက်ပြတာတွေတော့ ရှိမှာပါ။
ပရိယတ် အားနည်းတာကို ဖြည့်လိုက်ရင် ဒီဆရာတော်အတွက် ပိုကောင်းမလားလို့။ ဓမ္မစေတီကျတော့ ပရိယတ်ပဲ ရှိပြီး လက်တွေ့ ကျင့်ကြံအားထုတ်မှု ပဋိပတ် မရှိလို့ ဖြစ်သွားတဲ့ အမှားဗျ။ ဒီဆရာတော်က ဓမ္မစေတီလို မာယာတွေ မာနတွေ မရှိဘူး။ လက်တွေ့ပိုများပြီး ပရိယတ္တိ လိုလို့ ဖြစ်သွားတာလို့ ကျွန်တော် ထင်တယ်။
မဟာမြိုင် ဆရာတော် ဦးဇောတိကလဲ ပရိယတ် အတန်းစာမေးပွဲတွေ ဘာမှ ဖြေမထားဘူး။ စွန်းလွန်းဆရာတော်တို့၊ သဲအင်းဂူ ဆရာတော်တို့လဲ ပရိယတ် သင်ယူဖို့ အခွင့်မရတဲံကြားက တရားကို ဖြစ်အောင် အားထုတ်နိုင်ခဲ့တဲ့ ဆရာတော်ကြီးတွေပဲ။ ဒါပေမယ့် ပရိယတ် ပဋိပတ် နှစ်ခုလုံး နိုင်ရင်တော့ အကောင်းဆုံးပါပဲ။ တရားပြပေးရင်း တစ်ဖက်ကလဲ ဓမ္မာစရိယတန်းထိ စာဝါလိုက်၊ ဒါမှမဟုတ် အဘိဓမ္မာ မဟာသိပ္ပံတို့၊ အပြည်ပြည်ဆိုင်ရာ ထေရဝါဒ တက္ကသိုလ်တို့၊ သီတဂူ ဗုဒ္ဓတက္ကသိုလ်တို့မှာ စာဝါလိုက်ပြီး လောကုတ္တရာဘွဲ့တွေ ယူလိုက်ရင် ပိုကောင်းမလားလို့။
Tint ပြောတာမှာ
၁၀ ဝါ မပြည့်မီ တပည့်မွေးသော်... ဆိုတာ မှားနေတယ်ထင်တယ်။ ကျွန်တော် သိတာတော့ ၅-ဝါ မပြည့်မီ အခြားသူကို ရဟန်းပြုမပေးရလို့ပဲ ဖတ်ဖူးသလားလို့။ အရှင်သာရိပုတ္တရာရဲ့ ညီတော်မထေရ်ကို အကြောင်းပြုပြီး ပညတ်တာပါ။ ဒီအရှင်က နောက် ရဟန္တာ ဖြစ်သွားပါတယ်။
ကိုကျော်စွာရေ..
စွန်းလွန်းဆရာတော်ကြီးလဲ စာပေမတတ်မြောက်ပါဘူး ဒါပေမဲ့ ဆရာတော်ကြီးက တရားအသိမှာ မြတ်စွာဘုရားရဲ့ ဒေသနာစဉ်နဲ့ လမ်းချော်ပြီး မသိခဲ့ပါဘူး.. အတိအကျ စကားလုံးအသုံးအနှုန်းသာမက၊ (စာမတတ်သော်လည်း ပညတ်အသုံးအနှုန်းမမှားပါ) အသိဥာဏ်ပါ ထပ်တူကျခဲ့ပါတယ်။ အရိယာဖြစ်ပြီးနောက်မှာလဲ ဝိနည်းစည်းကမ်းဖောက်တယ် မကြားခဲ့မိပါဘူး။ စကားအပြောအဆိုမှာလဲ ဖောင်းပွမှု မရှိခဲ့ပါဘူး။ မိမိတော်ကြောင်း တတ်ကြောင်းကို လဲ လူသိထင်ရှားမလုပ်ခဲ့ပါဘူး။။။ ဆရာတော်ကြီးရဲ့ သီလဂုဏ် သမာဓိဂုဏ် ပညာဂုဏ်ကြောင့် မကြော်ညာပဲ ကြော်ကြားခဲ့တာပါ။။။ အဲဒါတွေကို အတုယူသင့်ပါတယ်လို့ ထင်ပါတယ်...
ကိုကျော်စွာရေ-
ကိုကျော်စွာလိုဘဲ ကျွန်တော်လည်းအရင်က ဆရာတော်အပေါ် ဒီလိုဘဲ ထင်ခဲ့တယ်။ ဒါပေမယ့် သူ့ရဲ့ “အ၀ိဇ္ဖာ မှ ၀ိဇ္ဖာ သို့ ” တရားအလှူတော် လုပ်ငန်းလေး ဖွင့်လှစ် ကာ သစ္စာတရား-၀ိပဿနာ နဲ့ ဆိုင်တဲ့ တရားစီဒီ၊ ဗွီစီဒီ တရားစာအုပ်၊ တရားတိပ်ခွေ တွေ များ ကို အခမဲ့ ငှားရမ်းပြီး။ အရင်းအတိုင်းရောင်းချပေးတာ။ မဟာစည်။ မိုးကုတ်။ သဲအင်း ။ ဆရာကြီးဦးဘခင်။ ဆရာကြီးဂိုအင်ကာ။ မူလဓမ္မ ဆရာကြီး ဦးကြည်။ တရား mp3 စီဒီတွေ quality ကောင်းကောင်းနဲ့ အများနားထောင်နိုင်အောင်လုပ်ပေးတာတွေ အတွက် သူ့ကို အလွန်ပဲကျေးဇူးတင်မိတယ်။ ၀ိပဿနာနဲ့ ပတ်သက်တာတွေ တစ်နေရာတည်းမှာ အစုံအလင်တွေ့ရတာ ဒီတစ်နေရာပဲ တွေ့ဖူးတယ်။ အဲဒါနဲ့ သူ့စေတနာ ကို လေးစားသောအားဖြင့် 38 လမ်း ခွေသွားသွား ငှားရင်းက သူတရားကို ဂရုတစိုက်နာကြည့်တဲ့အခါ သူပြောချင်တာက ”ဘာမှမဟုတ်ဘူး။ တရစပ် ပျက်စီးနေတဲ့ စွမ်းအင်သတ္တိသဘောပဲ။ ဖြစ်ကာမတ္တဖြစ်ပြီး ပျက်နေတာ။ စသည်ဖြင့် ဒိဋ္ဌေဒိဋ္ဌံ နည်းကို သင်ကြားပေးနေမှန်း သဘောပေါက်လာတယ် ။ တချို့တွေက “ဘာမှမဟုတ်ဘူး” ဆိုတဲ့ စကားလုံးလေးတင် ကွက်ယူပြီး “အဘာဝပညတ်”ဖြစ်တယ် ။ ဆရာတော် ပညတ်တွေကို ပယ်နေတယ် စသည်ဖြင့် ဆရာတော့်အပေါ် ဝေဖန်ကြကြောင်းတွေ့ရတယ်။ အခု 2009 နောက်ပိုင်းတွင် “ဘာမှမဟုတ်ဘူး။ ဆိုတဲ့ တရစပ်ပျက်စီးနေတဲ့ စွမ်းအင်သတ္တိသဘောလေးတွေဘဲ” ဆိုတဲ့ ပညတ်ကို သုံးစွဲခြင်းမပြုတော့ဘဲ ပဋိစ္စသမုပ္ပါဒ်ဒေသနာအတိုင်း သမုဒယသစ္စာ နဲ့ ဒုက္ခသစ္စာအမှန်တရားသာ ရှိတယ်။ (သမုဒယသစ္စာ အကြောင်းတရားငါးပါးဖြစ်တဲ့) အ၀ိဇ္ဖာ-တဏှာ-ဥပါဒါန် တို့ရဲ့ ဖန်တီး-ပြုလုပ်နေမှု (သင်္ခါရ-ကံ) များသာ တရစပ်ပျက်စီးလျက်ရှိသည် (ဒုက္ခသစ္စာ)ဟု သင်ကြားပြသပေးနေပါသည်။ (မှတ်ချက်။ ရဟန်းဝတ်စ ရှေ့ပိုင်းနှစ်တွေများတွင် မိုးကုတ်ဆရာတော်ကြီးဟောစဉ်အတိုင်း ဖြစ်ပြီး ပျက်နေတာဖြစ်တဲ့အတွက် ရှိရာက မရှိရာကို တွေ့အောင်ရှုရမယ်လို့သင်ကြားပေးပါတယ်။)
သစ္စာတရားများကို ထောင်နိုင်သောဥာဏ်နားများရှိကြစေရန် ရည်ရွယ်လျက် - မေတ္တာဖြင့်
Anonymous ရေ ဟုတ်တယ်။ ဒီဆရာတော် လူ့ဘဝကတည်းက တရားခွေတွေ တရားစာအုပ်တွေ မျိုးစုံအောင် ဝယ်ပြီး အခမဲ့ ငှားခဲ့တာ သာဓု ခေါ်မိပါတယ်။ တရားစာအုပ်တွေ ခွေတွေကလဲ ခင်ဗျားပြောသလို အရမ်းစုံတယ်။ ဝိပဿနာစာအုပ် ဖတ်ချင်လဲ မဟာစည် ဖတ်မလား၊ မိုးကုတ်ဖတ်မလား၊ သတိပဌာန်ကျမ်းတွေဆိုလဲ ဘာလိုချင်လဲ အစုံရတဲ့နေရာပဲ။ နည်းနည်းနောနော စေတနာ သဒ္ဓါတရား မဟုတ်ပါဘူး။ အခု အချိန်တိုတိုအတွင်း ဒီလုိ အောင်မြင်ထင်ရှားလာတာ၊ လုပ်သမျှ ခရီးရောက်နေတာလဲ ပြုခဲ့တဲ့ မဟာကုသိုလ် စေတနာဇောတွေက အားကြီးတော့ ဘဝမခြား လက်ငင်းအကျိုးပေးတာလဲ ဖြစ်နိုင်ပါတယ်။ အလှူတကာ အလှူမှာ တရားအလှူသည် အမြတ်ဆုံးလို့ ဘုရားဟော ရှိတယ် မဟုတ်လား။
အခု ဆရာတော် ဟောကြားတာတွေက ဘုရားဟောနဲ့ လွဲနေမှာ စိတ်ပူလို့ ဆွေးနွေးနေကြတာပါ။ ဆရာတော်လဲ မြတ်စွာဘုရားကို အလွန်ကြည်ညိုသူပဲ။ ဘုရားကို ထိခိုက်မယ်သိရင် သူ လုပ်မယ့်သူ မဟုတ်ပါဘူး။
တရားပြပေးနေရတော့ စာဖတ်ဖို့ အချိန်ရှားမှန်း နားလည်ပါတယ်။ ဒါပေမယ့် ပရိယတ္တိစာတွေ အချိန်ပေးပြီး များများ ဖတ်ရှုတော်မူမယ်ဆိုရင် ဆရာတော် အခု တွေ့နေရတဲ့ ပြဿနာတွေ ကျော်လွှားပြေလည်ပြီး ဖြစ်သွားမှာပါ။ လက်တွေ့ကို ဘုရားဟောနဲ့ ပြန်ညှိပြီးမှ သတ်မှတ်ဆုံးဖြတ်လို့ ရမှာလေ။ ကျွန်တော်တို့အားလုံး ဘုရားလောက် အကြွင်းမဲ့ သိနားလည်ကြတာမှ မဟုတ်တာ။
မိုးကုတ်ဆရာတော်ကြီးက စာစကားကို ရွာနားအရောက် ပို့မယ် ဆိုတဲ့ စေတနာနဲ့ တရားကို လူတိုင်း နားလည်လွယ်အောင် အရပ်သုံး စကားများပါ အသုံးပြုပြီး လွယ်လွယ်ရှင်းရှင်း ဟောခဲ့တာပါ။ ဒါပေမယ့် တရားတွေက ပါဠိစကား ထည့်မသုံးလို့ မဖြစ်တဲ့နေရာ၊ ဘာသာပြန်လို့ မရတဲ့ နေရာတွေ ရှိတယ်ဗျ။ စေတနာနဲ့ ဘာသာပြန်လိုက်ရင် လူတွေ အဓိပ္ပာယ်ကောက်လွဲကုန်နိုင်လို့။ အနိစ္စ ဒုက္ခ အနတ္တ လို ကိစ္စတွေကို သူ့နဂို ပါဠိအတိုင်း သုံးတာ ပိုကောင်းမယ်ထင်တယ်။ အစိုးမရ၊ အနှစ်မရှိ၊ ငါမဟုတ်၊ ငါ့ဟာမဟုတ်--- ဒီလိုပြန်ရင်လဲ တော်လောက်ပြီလေ။
တခြားနေရာတွေလဲ လိုအပ်ရင် ပါဠိစကား မူရင်းအတိုင်း သုံးရင် မြန်မာဒကာဒကာမတွေ နားလည်ပါတယ်။ တောရောမြို့ပါ ပါဠိနဲ့ အကျွမ်းတဝင် ရှိနေတဲ့ တိုင်းပြည်ပဲ။ ဆဋ္ဌသံဃာယနာတင်ရာမှာ ကြီးမှူးပါဝင်ခဲ့တဲ့ မဟာစည် ဆရာတော်ကြီးနဲ့ မင်းကွန်းဆရာတော်ကြီးက ပါဠိ-မြန်မာ ဘာသာပြန်ရာမှာ တစ်ဖက်ကမ်းခတ်ကြပေမယ့် တရားဟောရင် ပါဠိတော်ကို လုံးဝ မစွန့်လွှတ်ဘူးဗျ။ ပရိယတ္တိသဘော လုံးဝ ကွယ်ပျောက်နေတဲ့ တရား အဖြစ်မခံဘူး။ ဒါလေးလဲ အတုယူစရာ ကောင်း မှတ်တယ်။
ဆရာတော် ပရိယတ် စာဝါတွေ ပြန်သင်ယူဖို့ အချိန်မရှိရင်တောင် ပရိယတ္တိစာပေတွေ ဖတ်ရှုဖို့တော့ အချိန်ယူရင် ရှိရမှာပါ။ ဒါလဲ ရဟန်းကိစ္စဆိုတော့။ သက်တော် ၄၀ ဆိုတာ ပရိယတ္တိစာမေးပွဲတွေ ပြန်ဖြေရင်တောင် ငယ်သေးတဲ့ အရွယ်ပါ။ မင်းကွန်းဆရာတော်ကြီး သက်တော် ၄၂ မှာ တိပိဋက စာမေးပွဲ အောင်တာပဲ။
စာဖြေဖို့ အချိန်မရရင်လဲ ပိဋကတ် မြန်မာပြန်တွေ ဖတ်ရှုတော်မူဖို့ ဆရာတော်ကို လျှောက်ထားသင့်ပါတယ်။ ဒါဆို သာသနာ့အကျိုးကို ဆရာတော် ပိုဆောင်နိုင်မှာပါ။
တပည့်တစ်ဦး အနာဂါမ် ဟုတ်မဟုတ်က ကာမရာဂနဲ့ ဒေါသ ကိလေသာ ကုန်မကုန် စစ်ဆေးကြည့်ရင် ဆရာတော်အနေနဲ့ သိနိုင်ပါတယ်။ မချစ်မြတ်နိုးရဲ့ တရားအဆင့်ကို ကျွန်တော် မသိတော့ တကယ် အရိယာ ဖြစ်နေရင် အပြစ်ဖြစ်မှာစိုးလို့ ဒီနေရာမှာတော့ မပြောရဲပါ။ အနာဂါမ် မဟုတ်ဘဲ သောတာပန် ဆိုရင်တောင် အပြောရိုင်းမိရင် ကိုယ် အပြစ်ဖြစ်နိုင်တယ်။ ဒါပေမယ့် တရားရပြီလို့ ကြေညာမပေးလိုက်တာ ကောင်းမယ်ထင်တယ်။ အသက် ၂၀ အရွယ်မှာ တရားထူးရတဲ့ မိန်းကလေးအဖြစ် တခြားသူတွေ အားကျအတုယူစေချင်တဲ့ စေတနာနဲ့ ဆရာတော် အမိန့်ရှိတော်မူတာ ဆိုရင်လဲ ဖြစ်လာနိုင်တဲ့ ကောင်းကျိုးဆိုးပြစ်ကို အရင် တွက်သင့်တယ် မြင်တယ်။ နောက် အရေးကြီးတာက မချစ်မြတ်နိုးဟာ အသက် ၂၀ ကျော်စဆိုတော့ ပိုတောင် အခ်ျန်ရှိသေးတယ်။ သီလရှင် စာသင်တိုက်တွေမှာ ပရိယတ္တိကို သင်ယူဖို့ အပ်နှံ၊ လူဝတ်နဲ့ပဲ နေချင်ရင်လဲ လူဝတ်နဲ့ပဲ ပရိယတ် စာပေတွေ သင်ယူခွင့်၊ စာမေးပွဲဖြေခွင့် ရှိတာပဲ။ ဒီလို လုပ်ပေးတာ မချစ်မြတ်နိုးအတွက် အများကြီး အကျိုးရှိမယ့် အလုပ်ပါ။ တရားပြစေချင်ရင် မချစ်မြတ်နိုးကို ပရိယတ်အခံ အရင်ထည့်ပေးစေချင်ပါတယ်။
အနာဂါမ်ပုဂ္ဂိုလ်တွေဟာ ရဟန္တာထက် တစ်ဆင့်ပဲ နိမ့်တော့ ကာမတဏှာ လုံးဝ မရှိတော့ဘူး။ ဒေါသ လုံးဝ မရှိတော့ဘူး။ ဒါနဲ့ တွက်ချက်တာ အမှန်ဆုံးပါ။ တရားထိုင်နေခိုက် တွေ့ရတဲ့ အတွေ့အကြုံတွေနဲ့ သတ်မှတ်တာက မှားတတ်ပါတယ်။ ယောဂီရဲ့ စရိုက်၊ သန္တာန်၊ ရှုမှတ်မှု၊ ရှုမှတ်နည်းတွေပေါ်တည်ပြီး အတွေ့အကြုံတွေလဲ အမျိုးမျိုး ရှိတတ်တယ်ခင်ဗျ။ တစ်ချို့သောတာပန်တွေဟာ ဘယ်အချိန်က သောတာပန် စဖြစ်သလဲ ကိုယ့်ကိုကိုယ် ပြန်ဆန်းစစ်ရင် ရက်အတိအကျနဲ့ ပြန်မပြောနိုင်ဘူးတဲ့ဗျ။ လူတွေ ထင်နေသလို မဂ်ရတဲ့ အချိန်ကို ရက် နာရီ မိနစ် အတိအကျနဲ့ မှတ်မိနေတတ်တယ်ဆိုတာ အမြဲတမ်း မမှန်ဘူးဆိုတာ မှတ်သားစရာပဲ။
ဒီလိုပြောတာ ဘယ်သူကဖြင့် အနာဂါမ်ဆိုတာ မဟုတ်ဘူးလို့ ဆိုလိုတာ လုံးဝ မဟုတ်ပါဘူး။ ဟုတ်နေရင် ကျွန်တော် အပြစ် မဖြစ်ချင်လို့ပါ။ တခြား အရိယာပုဂ္ဂိုလ်တွေလို မပြောဘဲ ဖုံးဖိထားတာ ပိုကောင်းမယ် မြင်လို့ပါ။ ကိလေသာ ကုန်ပြီးတဲ့ ရဟန္တာတွေတောင် နေမကောင်းချိန်တို့၊ မောပန်းချိန်တို့၊ ခန္ဓာက သဘာဝအရ ဆာလောင်ချိန်တို့မှာ မရွှင်လန်း မသက်သာတဲ့ လက္ခဏာတွေ မြင်ရရင် ပုထုဇဉ်တွေက ကိလေသာ မကုန်သေးဘူးလို့ အထင်မှား ပြစ်မှားမိတတ်တယ်လေ။ မသိနားမလည်သူတွေ အကုသိုလ် မဖြစ်စေချင်လို့ ဖုံးဖိကြတာလဲ တစ်ကြောင်းပါပါတယ်။
ကိုကျော်စွာ-
အခုလို ရှင်းပြပေးတာ ကျေးဇူးပါဘဲ အကိုရေ။ တရားအဓိပ္ပါယ်ရှင်းပြရာမှာ ပညတ် ဝေါဟာရတွေ က ပါဠိရော -မြန်မာဘာသာ - အင်္ဂလိပ်ဘာသာပါ တော်တော်ကို မှန်မှန်ကန်ကန် အဓိပ္ပါယ် ကောက်တတ်မှဘဲ။ ဥပမာ- ဒိဋ္ဌိ - သင်္ခါရ - သုညတ - စတဲ့ စကားလုံးတလုံးချင်းစီတောင် အင်မတန်မှ လေးနက်ပါတယ်။ စိတ်ဆန္ဒ မလောဘဲ - ဒေါသမပါဘဲ - open minded ရှိရင် အချိန်က (လောကဓံက) အမှန်တရား - သစ္စာတရားက ဘာဆိုတာ ဆုံးဖြတ်ပေးမှာပါ။ ၀ိမုတ္တိယုဂခေတ်ကြီးထဲ ခေတ်အဆက်ဆက် ဒီလို ကိစ္စတွေတွေက ဖြစ်နေကျပါ။ အမှန်တရား-သစ္စာတရားများ ကို ဘာကမှ ဖုံးကွယ်ထားလို့ ဖျက်ဆီးပစ်လို့ မရဘူး။ ပုပ်တဲ့သူပေါ်၍ ဟုတ်တဲ့သူကျော်မှာပါပဲ။ ဘေးတီးပေးခြင်းမဟုတ်ဘဲ ကိုကျော်စွာလို အပြုသဘော မှန်မှန်ကန်ကန် သုံးသပ်တတ်သူတွေ ရှိနေတော့ တွေ့ရတော့ အလွန်ကိုပဲ ၀မ်းသာမိပါတယ်။ မေတ္တာဖြင့်
နှုတ်ဆိတ်နေကြတဲ့ ဝေဖန်သူအားလုံးကို ကိုကျော်စွာလိုပဲ တစ်သဘောထားတည်း မှန်မှန်ကန်ကန် သုံးသပ်တယ်လို့ ထည့်သွင်း ယူဆရပါလိမ့်မယ်။
အခုအချိန်မှာတော့ အတ္တအကျိုး ပရအကျိုး လိုလားသူအားလုံးဟာ ထိုထိုသံသယ ဖြစ်ဖွယ် တရားတော်များကို စနစ်တကျ ဆက်လက် ဝေဘန် စောဒနာမယ့် ပုဂ္ဂိုလ်များ ရဟန်းသံဃာများ ကို ကူညီရမည့် အချိန်ရောက်သွားပါပြီ။
အကြောင်းကတော့ မိုးကုတ်ဝိနိစ္ဆယ ကြောင့် မိုးကုတ်ဆရာတော်ကြီး ရဲ့ ဟောတရားများ ဂုဏ်မပျက်သွားပါ။ အချို့စကားလုံးများကို ဖြတ်တောက်စေခြင်း ပြင်ဆင်ခြင်များ ပြုလုပ်ခြင်းအားဖြင့် တရားတော်များ ပိုမိုသန့်စင်ကြည်ညိုဖွယ် ဖြစ်သွားတာ အားလုံး လက်ခံကြပါတယ်။
ဒါကြောင့် ဘယ်ဆရာတော်ရဲ့ အဘယ် တရားတော်များကို မဆို ဘုရားဟော တရားတော်များမှ သွေဖည်တယ်လို့ ယူဆရင် ဘယ်ပုဂ္ဂိုလ်ကမဆို စောဒနာခွင့် ရှိပါတယ်။
ဒီလိုစောဒနာရင် အားလုံးလည်း မှားတာကို တွေ့ချင်မှ တွေ့မယ်။ နှစ်ဦးနှစ်ဖက်လည်းး အပြန်အလှန် ဖြေရှင်းလျှောက်ထားလို့ ရတယ်။ အသုံးအနှုန်း အခေါ်အဝေါ် မှားယွင်းရင် အခေါ်အဝေါ် အသုံးအနှုန်းပြုပြင်ခြင်း အားဖြင့် သန့်စင်တဲ့ သာသနာကို ဆက်လက် ထိန်းသိမ်းနိုင်ပါလိမ့်မယ်။
ဒါကြောင့် အစီအစဉ်တကျ ဆောင်ရွက်ကြမယ့် ရဟန်းပုဂ္ဂိုလ် လူပုဂ္ဂိုလ်များကို စွပ်စွဲပုတ်ခတ်ခြင်း မပြုတော့ဘဲ ကူညီမေတ္တာထားဖို့ လိုအပ်ပြီ ဖြစ်ပါတယ်။
ကိုအလှတရားရေ။ မိုးကုတ် ဝိနိစ္ဆယ ဘယ်မှာ ဒေါင်းလုတ် ရနိုင်မလဲခင်ဗျာ။ ဖတ်ချင်လို့ပါ။
Anonymous said...
Tint ပြောတာမှာ
၁၀ ဝါ မပြည့်မီ တပည့်မွေးသော်... ဆိုတာ
http://www.venkawwida.net/2008/12/blog-post_9509.html
အဲဒါကို စာပြန်ရိုက်ရမှာပျင်းလု့  ဘုန်းဘုန်းဦးကောဝိဒရေးပြီးသားဘဲဖတ်လိုက်တော့နော်
နောက် သတိရလို့ 
ပြန်ရှာတော့
http://www.venkawwida.net/2008/08/blog-post_1358.html
http://www.venkawwida.net/2008/06/blog-post_27.html
ကြာပါပြီ ၂၀၀၈ထဲက အမေးအဖြေတွေပါ ။
Anon ဆိုချင်တာက ၁၀၀ါမပြည့်ခင် သူတပါးကို ရဟန်းခံမပေးရင် ၀ိနည်းအရ အပြစ်မရှိလို့ ပြောချင်တာ ထင်တယ်နော် ။
အဲဒါ ကိုယ်နားလည်ထားတာက တမျိုးဖြစ်နေတယ် ။
ဆရာတပည့်ဆက်ဆံရေးမှာ ဥပ္ပဇါယ်ဆရာအဖြစ်ခံယူတယ်ဆိုတာ တပည့်ကို အစစ ထိန်းသိမ်းစောင့်ရှောက်ပါ့မယ်လို့  ၀န်ခံတာက ပိုအရေးကြီးတယ်လို့  ယူမိတယ်လေ ။
အဲဒါကြောင့်  ၁၀၀ါမပြည့်ခင်မှာ တခြား ရဟန်းကို မိမိက ပဓါနဆရာအဖြစ်နဲ့  တပည့်မွေးတာကိုလဲ လွဲနေတယ်လို့  မြင်မိတာပါ ။
(စာသင်တိုက်တွေမှာ သီတင်းသုံးဖေါ်ချင်းစောင့်ရှောက်တာကို ပြောတာမဟုတ်ပါ ။ ဆရာရင်း တပည့်ရင်းခံကြတာကို ပြောလိုရင်းပါ )
အင်း ခု စဉ်းစားတော့ စူနာမီဆရာတော်တို့ ကျတော့ ရိပ်သာဘဲ ။ သူတို့ ဆီလာတဲ့  တခြား ရဟန်းတော်များကို စူနာမီဆရာတော်က တရားဘဲပြတာ ။ တပည့်အနေနဲ့  မမွေးဘူးလို့ များငြင်းမလားမသိ ။
ခက်နေတာက တရားဟောစကားလွဲတာလောက်ဆိုရင် ကိုကျော်စွာပြောသလိုဘဲ ပြင်ယူရကောင်းပါရဲ့  ။ ခုဟာက လွဲနေတာတွေက များလှတယ်လေ ။
မဟာနာယကရဲ့  သဘောထားကိုမေးလျှောက်ကြည့်မှဘဲ ရှင်းမှာပါလေ ။
ကိုမိုးသောက်ဝက်ဆိုဒ်မှ ကိုစိုးဝင်းထွဋ်၏ အကြုံပြုလွှာလေးကို တဆင့် ကူးယူဖော်ပြအပ်ပါတယ်ခင်မျာ
“ဓမ္မမိတ်ဆွေအပေါင်းတို့ခင်မျာ”
ဘုရားသာသနာအစစ်တည့်တံရေး အမှန်တရား သစ္စာတရားကို အမှန်တကယ်မြတ်နိုးသူများအတွက်သာ ရည်ရွယ်လျက် ကျွန်တော် အကြံတစ်ခု ပေးပါရစေ။ ကျွန်တော်အကြံပေးချက်ကို လက်ခံရင်လည်း အလွန်ဝမ်းသာမှာ ဖြစ်သလို လက်မခံလျှင်လည်း စိတ်မဆိုးပါခင်မျာ။ အရိုးက ဓါတ်တော်ကျပြတဲ့ ရဟန္တာအဖြစ် အခိုင်အမာ ယုံကြည်ရတဲ့ မိုးကုတ်ဆရာတော်ကြီးကတော့ “သူများပါးစပ်မှာ လမ်းမဆုံးစေနဲ့” လို့ အသေအချာမှာပါတယ်။
ဆူနာမီဆရာတော်ဟာ ၀ိနည်း(သီလ) ကို လိုက်နာသလား- မလိုက်နာဘူးလား - တရားဟောရာမှာ ပညတ်တွေမှားနေသလား-မှန်နေသလား- ဆူနာမီဆရာတော်နဲ့ တရားပြဆရာတွေ အရိယာဟုတ် မဟုတ် -စသည်ဖြင့်ပေါ့ -
အမှန်တရားကို အမှန်တကယ် သိလိုပါက -
ကိုယ်ဝေဖန်နေတာတွေ ကိုယ်ထင်တာတွေ တကယ်ဟုတ်မဟုတ် သေချာသိအောင် ကျွန်တော် အကြံဥာဏ်ပေးလိုတာက သူများပါးစပ်မှာတင်လမ်းမဆုံးပဲ ဆရာတော်ရဲ့ သံလျင်ရိပ်သာမှာ အနည်းဆုံး နှစ်ပတ်လောက်သွားနေကာ လေ့လာသင့်ပါတယ်။ သိလိုသူဟာ နိုင်ငံခြားမှာ ရောက်နေသူများဖြစ်ပါက မိမိယုံကြည်တဲ့သူ (သို့) ပရိယတ် ပဋိပတ် စုံတဲ့မိတ်ဆွေ တစ်ဦးဦးကို သွားရောက်လေ့လာပေးဖို့ တောင်းဆိုသင့်ပါတယ်။ ဓါတ်ပုံလေးကြည့်ပြီး-တရားလေး တစွန်းတစနာပြီး ကိုယ်လိုရာဆွဲယူ ပြီး အွန်လိုင်းမှာ ဟိုပြော သည်ပြော နဲ့တော့ အမှန်တရား-သစ္စာတရားကို တကယ်သိဖို့ ဆိုတာ ဘယ်လိုမှ မဖြစ်နိုင်ပါဘူး။ သွားရောက်လေ့လာရာမှာလည်း ရှင်အာဒိစ္စရံသီ(ဆရာဦးဆန်းလွင်)ပြောသလို open mind ရှိရပါမယ်။ ဘာလိုအဖြေထွက်ပါစေ-အမှန်တရားဖြစ်ပါက လက်ခံနိုင်တဲ့ စွမ်းရည်သတ္တိတော့ရှိဖို့လိုပါတယ်။ သုတေသန လုပ်တဲ့ သိပ္ပံ ပညာရှင်စိတ်ဓါတ်မျိုးရှိရပါမယ်။ “ဘာအဖြေထွက်ရမယ်” လို့ကြိုတင်ဆုံးဖြတ်ထားတာမျိုး မဟုတ်ဘဲ “ထွက်ပေါ်လာတဲ့အမှန်တရား”ကို လက်ခံနိုင်ရမယ်ဆိုတဲ့ စိတ်ထားရှိရပါမယ်။ အကဲဖြတ်ဒိုင်သူကြီးစိတ်နဲ့တော့ “ငါဆုံးဖြတ်တာ-ငါသိတာသာအမှန် ” သွားလုပ်နေရင်တော့ သစ္စာတရား အမှန်တရားနဲ့ ဝေးနေဦးမှာပါဘဲ။
အခု 2009 ခုထဲ မှာဘဲ အမှန်တရား- သစ္စာတရားကို အမှန်တကယ် သိရှိလိုသူများကတော့ သံလျင်ရိပ်သာ ဆူနာမီဆရာတော်ဆီကို သွားရောက်လေ့လာကုန်ကြပါပြီ။ မဟာစည်ယောဂီမှစကာ-မိုးကုတ်-သဲအင်း-စွန်းလွန်း-ဆရာကြီးဦးကြည်ယောဂီ များ ထိအောင် တရားစခန်းဝင်လျှက် ဆရာတော်ထံ သွားရောက် မေးမြန်းကာ လေ့လာနေကြပါပြီ။ အပြည်ပြည်ဆိုင်ရာ ထေရ၀ါဒ တက္ကသိုလ် ပဋိပတ္တိဌာန မှ တာဝန်ရှိသူတစ်ဦးလည်း လာရောက် တရားစခန်းဝင်ကာ သိပ္ပံပညာရှင်စိတ်ထားဖြင့် လေ့လာသွားခဲ့ပါသည်။
ကျွန်တော်တို့အနေနဲ့ ကိုယ်သိချင်တဲ့ အမှန်တရား သစ္စာတရားအတွက် နှစ်ပတ်လောက်မှ အချိန်မပေးနိုင်ဘဲနဲ့တော့ သစ္စာတရား အမှန်တရား နဲ့ ပတ်သက်ပြီး ဘယ်လောက်သိချင် သိချင် အလကားပါဘဲ။
အရိယာ ဟုတ်သည် မဟုတ်သည် ။ အရိယာလို့ ပြောသင့် မပြောသင့် စသည်ဖြင့် သဘောပေါက်ဖို့ အမှန်တရား သစ္စာတရားအတွက် အစွဲများကို ရဲရဲ စွန့်လွှတ်ခဲ့တဲ့ ဆရာတော် ဦးဇောတိက(မဟာမြိုင်တောရ) နဲ့ ဆရာဦးဆန်းလွင် (ဆရာတော် အာဒိစ္စရံသီ) တို့ရဲ့ ပါဠိတော် အကိုးအကားများနဲ့ တရားအမေးအဖြေကို သေသေချာချာ နားထောင်စေချင်ပါတယ်။ အမှန်တရား - သစ္စာတရားအတွက် တကယ့်ကို open minded ရှိရာမှ စံပြအရာဖြစ်တဲ့ ဆရာတော် ဦးဇောတိက နဲ့ ဆရာဦးဆန်းလွင်တို့ရဲ့ သစ္စာတရား အမှန်တရား သိရှိရေး ကြီးမားလုံ့လ - ၀ီရိယနဲ့ ပေးဆပ်ခဲ့မှုများကို တခြားလူတော့မသိဘူး ကျွန်တော်ဖြင့် အလွန်အားကျ တန်ဖိုးထား မိပါတယ်။
အမှန်တရား-သစ္စာတရားကို သိဖို့အတွက် အမှန်တရားနဲ့ ဆန့်ကျင်ဘက်အခြေအနေများကို (အစွဲများ) ကို ဘ၀နှင့်ရင်း၍ စံထားလောက်သော ဇွဲ လုံလ ၀ီရီယ open mind အပြည့်ဖြင့် စွန့်လွှတ် - စွန့်လွှတ်လာခဲ့ရင်း နောက်ဆုံး အမှန်တရား - သစ္စာတရားများကို သူများကို လိုက်မေးနေစရာမလိုပဲ - သူများပြောပြမှ သိရတဲ့အဖြစ်မျိုးမဟုတ်ဘဲ ကိုယ်တိုင် ပိုင်ပိုင်နိုင်နိုင်သိရှိသူဖြစ်သွားခဲ့ ရုံမက လမ်းလွှဲနေသော မိရိုးဖလာဗုဒ္ဓဘာသာဝင်များ နှင့် ဘာသာခြားများကို ပင် တကယ့် သစ္စာတရားလမ်းမှန်သို့ ပို့ဆောင် လမ်းပြနိုင်ခဲ့သူ သာသနာ့အာဇာနည် ဘုရားသားတော်အစစ်များဖြစ်ခဲ့ကြလေသည်။ သူတို့ရဲ့ လေးစားဖွယ်ရာ လုံလ ၀ီရီယ open mind အပြည့်ဖြင့် ဘ၀တစ်ခုလုံး အချိန်ပေးကာ အမှန်တရား သစ္စာတရားအတွက် ကြိုးစားခဲ့ပုံများကို ကျွန်တော်တို့ လေးစားအတုယူအားကျ ပြီးလျှင် -ယခု ကျွန်န်ုပ်တို့ သိလိုသော အမှန်တရားအတွက် သူများပါးစပ်မှာ လမ်းမဆုံးဘဲ အနည်းဆုံး နှစ်ပတ်လောက်တော့ မိမိသိလိုသော အမှန်တရား အတွက် နှစ်ပတ်လောက်တော့ အချိန်ပေး၍ သွားရောက်လေ့လာကြပါလို့ ခင်မင်လေးစားစွာ အကြံပြုရင်း-သစ္စာတရားများထောင်နိုင်သော ဥာဏ်နားများဖြစ်ပေါ်ကြပါစေ ။
(မှတ်ချက်။ သွားရောက်လေ့လာရာတွင် ရိပ်သာတွင် နေစရိတ်-စားစရိတ်-ကျန်းမာရေးစရိတ် အားလုံး အခမဲ့ဖြစ်ပါသည်- )
ရိပ်သာသို့လည်း လောလောဆယ် ကိုယ်တိုင်သွားရောက် မလေ့လာနိုင်သော အဝေးရောက် အမှန်တရားကို ရိုးရိုးသားသား အမှန်တကယ် သိလိုသူတစ်ဦး၏ လက်တွေ့ကြိုးပမ်းမှု တစ်ခုကိုလည်း ကိုမိုးသောက် ၀က်ဆိုဒ် မှ ကူးယူဖော်ပြအပ်ပါသည်။
" အားလုံး လွှတ်မြောက်ချင်တဲ့ ရည်ရွယ်ချက်နဲ့ ကြိုးစားနေသူ အချင်းချင်း လက်တွဲခေါ်ဆောင်တဲ့ သဘောနဲ့ ဆွေးပြောဆိုနေကြတာပဲ။ ဘာပဲ ဖြစ်ဖြစ်… ဒီတိုင်းငြင်းနေတာနဲ့တော့ ဘယ်သူမှာ အဆုံးသတ် အဖြေရမှာ မဟုတ်ပါဘူး။
ဆရာတော် လာရင် စကားပြောဖို့ စီစဉ်ပေးစေလိုပါတယ်။" (ကိုအောင်ဦး)
သမုဒယသစ္စာ (အ၀ိဇ္ဖာ) က လှည့်ဖြားဖို့ အမြဲကြိုးစားနေပါသည် ။ သတိထားကြပါကုန်။
ဆရာဦးဆန်းလွင်(ရှင်အာဒိစ္စရံသီ) နှင့် ဆရာတော်ဦးဇောတိက ဆရာတော် နှစ်ပါးနဲ့ပတ်သက်ပြီး www.mindfulness.moethout.com မှ တဆင့် ကူးယူ ဖော်ပြအပ်ပါသည်။
“ထိုဆရာတော်နှစ်ပါးဟာ ထေရ၀ါဒ သာသနာ၏ အမှန်တရားသစ္စာတရားကို သိရှိရေးအတွက် စွန့်လွှတ်ခဲ့ပုံများမှာ ကျွန်တော်တို့ ထေရ၀ါဒ သာသနာကိုပြုနေပါသည်ဟု အမည်ခံယူထားသော ဗုဒ္ဓဘာသာဝင်များပင် လက်ဖျားခါလောက်ပါသည်။
ဆရာတော်နှစ်ပါးလုံး ဆိုလျှင် သစ္စာတရား အမှန်တရားနှင့် လုံးဝဆန့်ကျင်ဘက် ဘ၀မှ အခြေအနေများမှ စတင်ခဲ့ရလေသည်။ ဆရာဦးဆန်းလွင်ဆိုလျှင် သစ္စာတရား သိရှိနိုင်ရေး အခြားဘာသာများအတွင်းသို့လည်း ဘာသာဝင်အဖြစ်ဝင်ရောက်ကာ တကယ့်ကို ထဲထဲဝင်ဝင် လေ့လာရင်း နောက်ဆုံး ဗုဒ္ဓဘာသာဖြစ်လာခဲ့ပါတယ်။ ဘာသာဝင်အဖြစ် ခံယူရာတွင် သူတပါး အပြစ်ကို ရှာကြံဖို့ မဟုတ်ဘဲ သစ္စာတရား အမှန်တရား ကို ပိုင်ပိုင်နိုင်နိုင်သိရေးတစ်ခုတည်း ကို သာ ရည်ရွယ်ခဲ့လေသည်။
ဗုဒ္ဓဘာသာဖြစ်လာတော့လည်း ဗုဒ္ဓဘာသာရဲ့ အဆင့်မြင်ဆုံးအပိုင်းဖြစ်တဲ့ ၀ိပဿနာအားထုတ်မှုနှင့် ပတ်သက်၍လည်း တရားရိပ်သာများကို ကိုယ်တိုင်ဝင်ရောက်ကာ တကယ့်ကို သိပ္ပံပညာရှင်စိတ်ထားဖြင့် လေ့လာပါတယ်။ ၀ိဇ္ဖာဇော်ဂျီကျင့်စဉ် - မဟာယန- ဇင် - နည်းပါမကျန် မြန်မာ့နိုင်ငံရဲ့ ၀ိပဿာနာကျင့်စဉ် များမှာ အထူးနာမည်ကျော်ကြားတဲ့ လယ်တီ။ မိုးကုတ်။ မဟာစည် ။ ဆရာကြီးဦဘခင် နည်းများ။ ကို သေသေချာချာ ကိုယ်တိုင်ကျင့်ကြည့်လျက်လေ့လာပါတယ်။ ထို့ပြင်
ထေရ၀ါဒ ပဋိပတ်ကျင့်စဉ်မှာ နာမည်ကြီးတဲ့နိုင်ငံတွေထဲမှာ တစ်ခုအပါအ၀င်ဖြစ်တဲ့ ထိုင်းနိုင်ငံမှ ရဟန္တာအဖြစ် နာမည်ကြီးတဲ့ ဆရာတော် အာဂျန်ချာ-အာဂျန်မွန် စသည့် ၀ိပဿနာနည်းများ- အနောက်နိုင်ငံများမှာ နာမည်ကြီးတဲ့ Jack Konfield . Josepth Goldstein စတဲ့ ၀ိပဿနာဆရာများရဲ့ နည်းများကို လည်း အပေါ်ယံမဟုတ် ထဲထဲဝင်ဝင် open minded အပြည့်ဖြင့် ဘ၀တစ်ခုလုံးပေးကာ လေ့လာရင်း ကိုယ်တိုင်လည်းအားထုတ်ရင်း နောက်ဆုံး အမှန်တရား - သစ္စာတရားများကို သူများကို လိုက်မေးနေစရာမလိုပဲ - သူများပြောပြမှ သိရတဲ့အဖြစ်မျိုးမဟုတ်ဘဲ ကိုယ်တိုင် ပိုင်ပိုင်နိုင်နိုင်သိရှိသူဖြစ်သွားခဲ့ ရုံမက လမ်းလွှဲနေသော တရားသမားဆိုသူများ- မိရိုးဖလာဗုဒ္ဓဘာသာဝင်များကို ပင် တကယ့် သစ္စာတရားလမ်းမှန်သို့ ပို့ဆောင် လမ်းပြနိုင်ခဲ့သူ သာသနာ့အာဇာနည် ဘုရားသားတော်အစစ်ဖြစ်ခဲ့လေသည်။
ဦးဆန်းလွင် (ဆရာတော် အာဒိစ္စရံသီ) ကဲ့သို့ လိုက်လုပ်ရမည် မဆိုလိုပါ။ ဆရာတော်များကဲ့သို့ အမှန်တရား- သစ္စာတရား အတွက် မိဘ ဆွေမျိူးများအပါအ၀င် ပတ်ဝန်းကျင်ရဲ့ အနှိမ်ခံ အကဲ့ရဲ့ ကာ အမှန်တရား သစ္စာတရား အတွက် စံထားလောက်သော ဇွဲ လုံလ ၀ီရီယ open mind အပြည့်ဖြင့် ဘ၀တစ်ခုလုံး အချိန်ပေးကာ ကြိုးစားခဲ့ပုံများကို လေးစားအတုယူအားကျ ပြီးလျှင် -အမှန်တရား သစ္စာတရားကို အမှန်တကယ်သိရှိလိုပါက သူများပါးစပ်မှာ လမ်းမဆုံးဘဲ မိတ်ဆွေ ရဲ့ တန်ဖိုးရှိတဲ့ အချိန်တွေထဲက အနည်းဆုံး နှစ်ပတ်လောက်တော့ အမှန်တရား သစ္စာတရားအတွက် ကျွန်တော်အထက်က အကြံပေးခဲ့သလို အချိန်ပေးသင့် ပါတယ်လို့ အကြံပြုရင်း-”
တရားတော်တွေဟာ ဧဟိပဿိကော ဂုဏ်တော်နဲ့လည်း အမှန်တကယ် ပြည့်စုံပါလားနော်။
ဒါနဲ့ ကျွန်တော်လည်း ရဟန္တာအစစ်ကြီးဖြစ်တဲ့ မိုးကုတ်ဆရာတော်ကြီးကို ဝိနိစ္ဆယ လုပ်တာ ကိုအလှတရားပြောမှပဲ ဖတ်ချင်လိုက်တာ- ကိုအလှတရားရေ လမ်းညွှန်ပါဦး ကျွန်တော်လည်း ဒေါင်းလုပ်လုပ်ချင်လို့ -
“မဟာနာယကရဲ့  သဘောထားကိုမေးလျှောက်ကြည့်မှဘဲ ရှင်းမှာပါလေ ။”
------
Tint ရယ် “၁၀ ၀ါမပြည့်မီ တပည့်မွေးသော်“ ၀ိနည်းနဲ့ ပတ်သက်ပြီး ကိုယ်ကိုယ်တိုင် မရှင်းလင်းသေးပဲ မဟာနာယက ကို မေးလျှောက်ကြည့်ရဦးမယ့်ဟာ ကို သေချာမေးပြီးမှ လာပြောရောပေါ့-
tint ရဲ့ ဒုတိယ ပြောကြားချက် ဖြစ်တဲ့
” နတ်ဝင်ပြောလို့  နဲ့  ပူးပြောလို့ တဲ့ 
အဲလိုသာပြောတိုင်းယုံရ အင်း လောကကြီးခက်မှာပေါ့
အဲဒါတွေ သိထားတွေ့ ထားတာ ကြာလှပေါ့ဗျာ
tint ပြောပုံအရဆို အခုတလော တရားဝက်ဆိုဒ်တွေမှာ တင်တင်ထားတဲ့ ကျေးဇူးရှင်မဟာစည်ဆရာတော်ဘုရားကြီး နဲ့ နတ်မင်းကြီး အမေးအဖြေဟာ မဖြစ်နိုင်ဘူးလို့များ ဆိုလိုပါသလားခင်မျာ
ပညတ်..ဆိုတာ ပရမတ္တသစ္စာနယ်မှာ မရှိဘူးဆိုပေမယ့် ပညတ်ကို ဘယ်ဘုရားရဟန္တာမှ မပစ်ပယ်ကြပါဘူးခင်ဗျာ။ ဝိနည်း ၂၂၇ သွယ်ဆိုတာလဲ ပညတ်။ ငါးပါးသီလဆိုတာလဲ ပညတ်ပဲ။ ပညတ်မို့ ဒါတွေ မရှိဘူးသာ ပြောရင် အကုန်ရှုပ်ကုန်တော့မယ်။ အခု စာဖတ်သူရဲ့ ငွေတစ်သိန်းကို တစ်ယောက်က ခိုးသွားပါပြီတဲ့ဗျာ။ ပြန်တောင်းရင် ////ဘာတွေလာပြောနေတာလဲ။ သူ့ပစ္စည်း ကိုယ့်ပစ္စည်းဆိုတာ ပညတ်တွေ။ ပရမတ္တသစ္စာနယ်မှာ ဒါတွေ မရှိဘူး။ ရုပ်တရားတစ်ခုက ရုပ်တရားတစ်ခုကို သယ်ဆောင်သွားတာ။ အပြစ်မရှိဘူး/// လို့ ပြောရင်ြုဖစ်မလား။
ပရမတ္တ နယ်မှာက လေးခု ရှိပါတယ်။ စိတ်၊ စေတသိက်၊ ရုပ်နဲ့ နိဗ္ဗာန်။ ဒါပေမယ့် အရာအားလုံးဟာ ဒီလေးခုထဲမှာ သွားအကျုံးဝင်နေတာချည်းပဲ။ ပစ္စည်း ဒါမှမဟုတ် သက်ရှ်ိတစ်ခုဟာ ရုပ် ဆိုတဲ့ ပရမတ္တနယ်မှာ အမှန် ရှိနေတာပဲဥစ္စာ။ ဒီတော့ ဆရာတော်ဦးဥတ္တမသာရ ပြောခဲ့သလို ///ဘာမှ မရှိဘူး၊ဘာမှ မရှိဘူး///ဆိုတာ ဘယ်လိုမှ သတ်မှတ်လို့ မရဘူး။ ကိုယ်က ရုပ်နာမ် အစုအဝေးကြီးဆိုတာ အမှန် သိနေရက်သားနဲ့ ///ဘာမှ မရှိဘူး၊ ဘာမှ မဟုတ်ဘူး/// လို့ ဘယ်လို ရှုမှတ်ပွားများလို့ ရမလဲ။
ပညတ်ကို ပစ်ပယ်ရင် ဘုရားဆိုတာ မရှိဘူး၊ ခန္ဓာငါးပါးပဲ၊ မိဘဆိုတာ မရှိဘူး ကျေးဇူးရှင်ဆိုတာ မရှိဘူး။ ခန္ဓာငါးပါးပဲ ဆိုပြီး လူတွေ လိုရာဆွဲတွေး ဆွဲပြောကုန်လိမ့်မယ်။ သီလရှင်တွေ လူတွေဆိုတာ ပညတ်တွေပဲဆိုပြီး လူက သီလရှင် ရှိခိုးတာ ခံလို့ မရဘူး။ ဒါ ဘိက္ခုနီအသွင် ဆက်ယူထားတဲ့ ဘုရားတပည့်သာဝကတွေ။ သာသနာထဲမှာ သာသနာ့ ထုံးတမ်းစဉ်လာတွေ၊ ကျင့်ဝတ်တွေဆိုတာ တကယ် ရှိတယ်။ ဘာမှ မရှိဘူး၊ ဘာမှ မရှိဘူးဆိုပြီး မလိုက်နာလို့ မရဘူးဗျာ။
ဟုတ်ပ Myit Wa Thar ရေ....
တကယ်ပရမတ်အစစ်ကို ပညတ်နဲ့ ခွဲခြားသိသူတွေကတော့ ပယ်ဖို့ မကြိုးစားတော့ပါဘူး...
ပရမတ်အစစ်မမြင်သေးပဲ ပညတ်ကို ပယ်နေသူတွေက အရူးထက်ဆိုးတယ်လို့ ဓမ္မဘေရီဆရာတော်ကြီးက မိန့်ပါတယ်..
ကိုယ်တွေ့ပဲ ဖြစ်စေဦးတော့ .ဘုရားဟောနဲ့ မညီရင်တော့ လက်မခံနိုင်ပါဘူး..
စွန်းလွန်းဆရာတော်ကြီးဆို ဘုရားဟောအတိုင်းကို မလွဲပဲ အသိရော အကျင့်ရော ပြည့်စုံတော်မူခဲ့ပါတယ်..
tint ရဲ့ ဒုတိယ ပြောကြားချက် ဖြစ်တဲ့
” နတ်ဝင်ပြောလို့  နဲ့  ပူးပြောလို့ တဲ့ 
အဲလိုသာပြောတိုင်းယုံရ အင်း လောကကြီးခက်မှာပေါ့
အဲဒါတွေ သိထားတွေ့ ထားတာ ကြာလှပေါ့ဗျာ
tint ပြောပုံအရဆို အခုတလော တရားဝက်ဆိုဒ်တွေမှာ တင်တင်ထားတဲ့ ကျေးဇူးရှင်မဟာစည်ဆရာတော်ဘုရားကြီး နဲ့ နတ်မင်းကြီး အမေးအဖြေဟာ မဖြစ်နိုင်ဘူးလို့များ ဆိုလိုပါသလားခင်မျာ......
အဲဒါလေးသေချာသိချင်တယ်ဆိုရင်တော့ မဟာစည်ရိပ်သာခွဲဆရာတော်ဖြစ်တဲ့  ဦးကောဝိဒ မြိတ်ကို လျှောက်သင့်ပါတယ် ။
anon ထောက်တဲ့  ၁၀၀ါဆိုတဲ့  ၀ိနည်းကို မဟာနာယကကိုလျှောက်မယ်လို့  ကိုမဆိုလိုပါဘူး ။
စာကို ဖြတ်ယူလိုက်တော့ အယူမှားတာပါ ။ ကိုဆိုလိုတာက ၁၀၀ါမတိုင်ခင် ရဟန်းဟာ ကိုယ်တိုင်မခိုင်မာသေးလို့  တပည့်ကို လက်မခံသင့်လိုာ့  မြတ်စွာဘုရားရဲ့  စည်းကမ်းပါ ။ အဲဒါကို ဦးကောဝိဒလဲ သေချာ သူ့ ပို့ စ်မှာ ရှင်းပြီးသားပါ ။
http://www.venkawwida.net/2008/12/blog-post_9509.html
link ၃ခုလုံးပေးထားပါတယ် ။ တတိယလင့်ဟာ စူနာမီဆရာတော်တရားအားထုတ်ရင်းသေတဲ့  ယောဂီသောတာပန်နတ်သမီးဖြစ်တယ်ဆိုတဲ့  နတ်ဝင်အဆိုကို ဆရာတော်ဦးကောဝိဒ ပိုင်းခြားထြားတာပါ ။
http://www.venkawwida.net/2008/06/blog-post_27.html
ခု လင့်တွေထပ်ပေးထားပါတယ် ။
မဟာနာယကိုလျှောက်မှ ရှင်းမယ်ဆိုတာက ခုအငြင်းအခုံဟာ နက်ထဲပြောနေမပြီးနိုင်ဖြစ်နေမှာပါ ။ မဟာနာယက ဆရာတော်များ တရားဝင်ဆုံးဖြတ်မှ ပြီးမှာပါ ။တကယ်လို့ ဆုံးဖြတ်ပြီးသား တရားဝင်ခွင့်ပြုပြီးသားဆိုရင်လဲ အဲဒီတရားဝင်စာလေးတင်ပေးပါ ။ ငြင်းခုံနေတာရပ်သွားမှာပေါ့ ။
မိုးကုတ်ဝိနိစ္ဆယကတော့ နက်ထဲမတွေ့ မိသေးပါ ။
သာသနာရေးဦးစီးဋ္ဌာနမှာတော့ ၂၀၀၇မှာရိုက်ထားတဲ့ စာအုပ်ကို ၀ယ်ယူနိုင်ပါသေးတယ် ။ ၀ိနိစ္ဆယကို ၂၀၀၄ Jan 17 to 28th march 2005 ထိ ခုံရုံးအမှတ် ၁၂ က ဆရာတော်ကြီး ၅ပါး (အရံ ၂ပါး ပေါင်း ၇ပါး ) က စောဒကဆရာတော် နဲ့  မိုးကုတ်ဝိပဿနာက စုတိဒက ဆရာတော် ၃ပါးတို့ ရဲ့  တင်လွှာ ချေလွှာများကို တိပိဋက နဲ့  အဋ္ဌကထာဋီကာ စုံအောင်ညှိပြီး ဖြေရှင်းတော်မူခဲ့ ပါတယ် ။ လွဲမှားသည်များကို ပါယ်နှုတ်ရန် ။ ပြင်ဆင်ရန်ညွှန်ကြားခဲ့ ပါတယ် ။
မိုးကုတ်ဆရာတော်ဘုရား မှန်တာကိုလဲ မှန်ပါတယ်လို့  ထောက်ခံပေးခဲ့ ပါတယ် ။ စုစုပေါင်း စောဒနာချက် ၁ကနေ ၈ထိ ။နောက် ၉(၁)ကနေ ၉(၄) ။ ၁၀ ကနေ ၁၂ထိ ။ ၁၃(၁) ကနေ ၁၃(၂၇၈)ထိ ကို ဆုံးဖြတ်ပေးထားပါတယ် ။ အခွင့်ကြုံရင်တော့ လေ့လာသင့်ပါတယ်။ ၀ိနိစ္ဆယဟာ မိုးကုတ်ဆရာတော်ဘုရားကို ဂုဏ်မပျက်စေဘဲ ဆရာတော်ရဲ့  တရားတော်ကို ပိုမို သန့်စင်စေခဲ့ လို့  ဆရာတော်ကြီးရဲ့  ဂုဏ်တော်ကို အထူးပူဇော်ရာကျတယ်လို့  မြင်မိပါတယ်
tint ရေ ကျေးဇူးပါခင်မျာ-online ကရရင်ပြောပေးပါခင်မျာ - နိုင်ငံခြားရောက်နေသူမို့ပါ
ဓမ္မမိတ်ဆွေများခင်မျာ-
ကျွန်တော်လည်း အကြောင်းအကြောင်း များကြောင့် ဒီဝက်ကို မလာနိုင်တော့ပါ ခင်မျာ - ကို tint နဲ့ ကို အလှတရားတို့ကို လည်း အထူးကျေးဇူးတင်ရှိပါတယ်။ ကိုအလှတရားတို့ ပြောမှပဲ ဘုရားစကားအစစ် (ပါဠိတော်) ကလွဲ၍ ရဟန္တာအစစ်ကြီးတွေရဲ့ စကားတောင်မှ (လိုတာ ပိုတာ-နားလည်မှုလွဲစရာ)၀ိနိစ္ဆယ တွေ ရှိနေသေးပါလားဆိုတာ သတိရမိပါတယ်။ ဒီ ဒီpost ရေးသူ အမ နဲ့ တကွ comment မှာ ရေးခဲ့တဲ့သူအပေါင်းအပေါ် ၀စီကံ မနောကံ များဖြင့် ကျွန်တော်ရေးတဲ့ စာသားများတွင် တစုံတရာ စော်ကားသလိုများဖြစ်ခဲ့ပါရင် ခွင့်လွှတ်ပါရန် လေးစားစွာ ဖြင့် အားလုံးကို ဒီနေရာကပဲ တောင်းပန်ခဲ့ပါတယ်။ (မိုးကုတ် ၀ိနိစ္ဆယ ရရင်တော့ ကို အလှတရား ၀က်မှာပဲ တင်ပေးထားဖို့ မေတ္တာရပ်ခံပါတယ်နော်။)
ချစ်ခြင်းအားဖြင့် -
Annoymous ခင်ဗျား။
မာနမပါတဲ့ ခင်ဗျားကွန်မန့် ဖတ်ရတာ သာဓုပါဗျာ။ သာဓု။ သာဓု။ သာဓု။ အယူအဆ တူတာ ကွဲလွဲတာကို ဒီနေရာမှာ ကျွန်တော် မပြောလိုဘူး။ ဒီလို မာန်မာန ကင်းတာ၊ ယဉ်ကျေးတာကို ထူးထူးခြားခြား တွေ့လိုက်ရလို့ တကယ် လေးလေးစားစား သာဓုခေါ်ပါတယ်။ ဘဘောထား ကွဲလွဲသူတွေ ဘဝမှာ ကြုံရဦးမှာပဲ။ ဒီလို သဘောထားပြည့်ဝတဲ့ ကွဲလွဲသူတစ်ယောက်နဲ့ ဆုံဆည်းရတာ မွန်မြတ်ပါတယ်။ ကျွန်တော်တို့လဲ ဒီလို ယဉ်ကျေးတဲ့၊ မာန်မာနကင်းတဲ့သူ ဖြစ်ချင်ပါတယ်။
ခင်ဗျားတို့ရော ကျွန်တော်တို့ရော တရားထူးတရားမြတ်တွေ အမြန်ဆုံး ရနိုင်ကြပါစေဗျာ။
Anonymous - ခင်ဗျား။ tint ပြောတဲ့ အပေါ်စီးစကားတွေကို သဘောထားကြီးစွာ သည်းခံပေးတဲ့အတွက်လဲ လေးစားပါတယ်။
စူနာမီဆရာတော်ကိစ္စမှာ ကျွန်တော် ဝိဝါဒ ကွဲသူတွေနဲ့ သဘောချင်း တိုက်ဆိုင်ပါတယ်။ ကျွန်တော်လဲ အဲဒီနေရာတွေတော့ လက်မခံနိုင်ပါဖူး။ ဒါပေမယ့် tint နဲ့ tint နောက်က data ထုတ်ပေးတဲ့ မိတ်ဆွေက အပြစ်မရှာခင် မေတ္တာစိတ်ကို အရင်မွေးစေချင်တယ်။
နောက်က သူ့အသံကြီးနဲ့ တတွတ်တွတ် အော်နေတယ် ဆိုတာက မိုးကုတ်ရိပ်သာက နည်းပါ။
ဒါတော့ အပြစ်တင် မစောသင့်ဘူး။ တစ်ချို့မိုးကုတ်ဆရာတော်တွေက ယောဂီတွေ တရားထိုင်ရ လွယ်စေချင်တော့ တရားထိုင်နေချိန်မှာ အားပေးစကား ဖြေးဖြေချင်း ဘေးက ပြောပေးနေတတ်တယ်။ ဒါလဲ နို့မဟုတ်ရင် ထိုင်ပြီး တွေးချင်တိုင်း တွေးနေမိမယ့် ယောဂီသစ်တွေအတွက် ဘေးက သတိပေးနေသလို ဖြစ်ပြီး အကျိုးရှိတယ်။ ကျွန်တော်ဆို ဘာသံမှ မကြားဘဲ ဆိတ်ငြိမ်ရာမှာ အားထုတ်ရတာ ပိုကြိုက်တယ်။ ဒါပေမယ့် မိုးကုတ်နည်းကိုလဲ အပြစ်မဆိုချင်ဖူး။ ဒီနည်းနဲ့ကိုက်မယ့် ယောဂီတွေတွက် သူ့နေရာနဲ့သူ အကျိုးရှိတာဘဲ။
လူဖြစ် ခွေးဖြစ် နတ်ဖြစ်ချင်တာ ဖြစ်ချင်တဲ့စိတ်ကြောင့်လို့ ဟောတာလဲ တဏှာကြောင့် သံသရာမှာ ဘဝသစ်တွေ ဖြစ်ရတယ်လို့ မိုးကုတ်ဆရာတော်ကြီး ဟောတတ်တဲ့ ပဋိစ္စသမုပါဒ်နည်းအတိုင်း ဆိုလိုတာများလား။ ဒါနသီလ စောင့်တဲ့သူက ဒါနသီလစောင့်နိုင်တဲ့ လူ့ဘုံနတ်ဘုံ ရောက်တယ်။ အိပ်စားကာမနဲ့ နေချင်တဲ့သူက အိပ်စားကာမနဲ့ နေရတဲ့ တိရစ္ဆာန်ဘုံ ရောက်တယ်။ နှိ်ပ်စက်ရသတ်ရမှပျော်တဲ့လူက နှိပ်စက်တာတွေ အမြဲကြုံနေရတဲ့ ငရဲရောက်တယ်။ တိရစ္ဆန်ဖြစ်ရပါစေ။ ငရဲကျပါစေ ဆုမတောင်းလဲ ကိုယ့်စိတ်က ဒါတွေထဲမှာ ပျော်နေရင် ဒါတွေပဲ ရှိတဲ့ဘုံ မရောက်ချင်လဲ ရောက်ရမှာပဲ။
မိုးကုတ်ဆရာတော်ကြီးက ပရိသတ်ကို တရားထူးတွေ ရစေချင်တယ်။ ကျွတ်တမ်းဝင်စေချင်တယ်။ သားမယားကိစ္စနဲ့ အချိန်မကုန်စေချင်ဘူး။ ဒီစေတနာနဲ့ ဟောတာ ပြောတာမှာ အမှားတွေ ပါယင် ထောက်ပြတာ ကောင်းပါတယ်။ လက်ခံပါတယ်။ ဆရာတော်ကြီးက တစ်ဘဝနဲ့ ခန္ဓာပြတ်အောင် လုပ်ခိုင်းတယ်။ ဘဝသစ် မဖြစ်အောင် အားထုတ်ခိုင်းတယ်။ ဒါပေမယ့် ကျွန်တော်အပါဝင် အများစုက တဘဝနဲ့ ခန္ဓာပြတ်ပြီး ရဟန္တာဖြစ်အောင် မကြိုးစားနိုင်ဘူး။
ပဋိစ္စသမုပါဒ် စက်ဝိုင်းဒေသနာကို ယောဂီတိုင်းကို သင်တာလဲ ယောဂီတိုင်းနဲ့ တော်ပါ့မလား ကျွန်တော် ခုထိ အဖြေမရသေးဘူး။ တကယ်သေချာ နားမလည်ဘဲ ဖြန်းပြောတဲ့အကျင့် ရသွားမှာ စိုးတယ်။ ဒါပေမယ့် ဒီလို တွေးမိတာ ကျေးဇူးတော်ရှင် မိုးကုတ် ဆရာတော်ကြီးကို ထိခိုက်စေလိုစိတ် လုံးဝ မရှိပါဘူး။ ဆရာတော်ဘုရားကြီးကိုလဲ ရှိခိုးကန်တော့လိုက်ပါတယ်။
http://www.dhammalaws.org/2010/01/blog-post_8411.html
ဆရာတော်ဦးဥတ္တမသာရဟောကြားတဲ့တရားများကို မှားတယ် မှန်တယ်အဝေဖန်မစောစေချင်ပါ
ဘူးခင်မျာ။ဆရာတော်လာမှ ကိုယ်တိုင်ကိုယ်ကျ
လျှောက်ထားကြည့်တာက နည်းလမ်းအကျဆုံးပါ
။နာဖူးတဲ့ တရားတစ်ပုဒ် နှစ်ပုဒ်လောက်နဲ့တင်
ကောက်ချက်မချစေချင်ပါဘူး။အပေါ်မှာဆွေးနွေး
တဲ့သူတွေထဲမှာ တကယ်ကို အမှန်တရားကို ရှင်း
ရှင်းလင်းလင်း သိချင်တဲ့ ဆန္ဒနဲ့ ဆွေးနွေးတဲ့သူ
တွေပါတယ်ဆိုတာ ဆွေးနွေးတဲ့စာသားကိုဖတ်ရ
တာနဲ့တင် သိပါတယ်။ဒီအတွက်လဲ ၀မ်းသာပါ
တယ်။သို့သော် ဒီအထဲမှာ ပုဂ္ဂိုလ်စွဲနဲ့ရောပြီး
ဒေါမနဿသဘောတွေပါတာလည်း ဖတ်ရပါ
တယ်။မိမိစိတ်မှာ မရှင်းလင်းတာတွေ ဒွိဟ ဖြစ်စရာတွေဖြစ်တာ သဘာဝကျပါတယ်။ဖြစ်
ခွင့်လည်းရှိပါတယ်။ကိုအလှတရားပြောသလို စောဒနာခွင့်ရှိပါတယ်။သို့သော် မိမိအဆင့်နဲ့
မလျှော်သေးတဲ့ ဝေဖန်မှုမျိုးဆုံးဖြတ်ချက်ချတာမျိုးတော့မလုပ်မိကြဖို့ လိုအပ်ပါတယ်။တစ်ချို့ဆို ဆရာတော်က ရှေ့ကနေကုန်းအော်နေတာ ဘယ်မှာနောက်ကလူကသမာဓိရပါ့မလဲဆိုတဲ့စတဲ့ကလေးဆန်ဆန်အပြောမျိုးတွေ၊ မထက်စုနှင်းဆီဆိုလည်း မချစ်မြတ်နိုးကို ဝေဖန်တာတွေမှာ တစ်ချို့စကားတွေဆို
တော်တော်အရုပ်ဆိုးပါတယ်။ဘာတွေလည်း
တော့ကျွန်တော်မပြောလိုပါဘူး။ရေးသူတွေပြောသူတွေသာသိပါလိမ့်မယ်။သူတကယ်အရိယာဖြစ်မဖြစ် မိမိအဆင့်နဲ့ သတ်မှတ်လို့မရပါဘူး။ဒါတွေက ဆရာတော်ကြီးတွေ သီလ သမာဓိ ပညာသူတွေအလုပ်တွေပါ။ကဲ ထားပါတော့သူကအရိယာ မဖြစ်ရင်တော့ ပြောတာတွေက ဘာမှမဖြစ်ပါဘူး။တကယ်လို့များ ဖြစ်ခဲ့ရင်ရောဆိုတဲ့ တရားကိုလေးစားတဲ့သူတွေးသလိုမျိုးလေး တွေးပေး စေလိုပါတယ်။ဒါကအစ်မအတွက်ပါ။ပြောလိုကပြော ရေးလိုကရေးပါ။သဘောကိုပြောတာပါ။နောက် မိမိရေးသားပြောဆိုတဲ့စကားတွေ စာတွေဟာ သမာသမတ်ကျတဲ့စိတ်နဲ့ပြောသလား မပြောဘူးလားဆိုတာ open mind ရှိတဲ့သူတွေ အမှန်တရားကို သိအောင်ကြိုးစားနေသူတွေကသိပါတယ်။အခုအပေါ်မှာဆို နောက်ဆုံး တစ်ယောက်ကိုတစ်ယောက် ချီးကျူးထားကြတာလေး ဖတ်၇တာ အင်မတန်ကြည်နူးစရာကောင်းပါတယ်။အမြင်အမျိုးမျိုးရှိကြလို့ ကွဲလွဲတာက တပိုင်းပဲလေ။မာန်မာန ကင်းကင်းဆွေးနွေးကြတော့ ပိုပြီးကောင်းတာပေါ့ဗျာ။ဒါကြောင့်အကြံပြုချင်တာလေးကတော့ တရားဆွေးနွေးတဲ့အခါမှာ မိမိစိတ်ကို အနည်းငယ် တည်ငြိမ်အောင်ထားပြီးမှ အေးအေးဆေးဆေးလေး ဆွေးနွေးကြပါ။တယောက်နဲ့တယောက် ဒေါမနဿ မထားပဲ တရားစစ် တရားမှန်ကိုရောက်အောင် ဆွေးနွေးနိုင်ကြပါစေ။
ဟုတ်ကဲ့ပါ အမည်မသိရေ..
အမည်မသိပြောတဲ့. ဗုဒ္ဓ.ကာလာမသုတ်၊ ဆိုတာ ဒိဋ္ဌိစွဲ အယူရှိတဲ့ ကာလာမတိုင်းသားတွေကို ဟောခဲ့တဲ့တရားပါ.. တနည်းအားဖြင့် ဘာသာခြားတွေကို ဟောသလိုမျိုးပါပဲ.. မြတ်စွာဘုရားက ဗုဒ္ဓဘာသာကို အစစ်ဆေးခံနိုင်လို့ ဟောခဲ့တာပါ....
အခုခေတ်မှာ တကယ့်တရားအနှစ်သာရတွေ ရှိရက်နဲ့ အယူမှား အတွေးမှားတွေက (မြတ်စွာဘုရားကို တကယ်ကြည်ညိုစိတ် သဒ္ဓါတရားရှိမယ်ဆိုရင်) မထားသင့်တော့ပါဘူးး ကောက်ကျစ်တဲ့ ပညာလွန်ကဲခြင်းသည် သဒ္ဓါတရားအပေါ် လွှမ်းမိုးသွားတတ်ပါတယ်ဆိုတာ သတိထားစေချင်ပါတယ်.......။
ဆိုတော့ ကာလာမသုတ်က ဗုဒ္ဓဘာသာဝင်တွေအတွက် ဟောတဲ့တရားမဟုတ်ဘူးပေါ့။ ဗုဒ္ဓဘာသာဆိုတာ ငါ့ပြောတာယုံရမယ်ဆိုတဲ့ ဘာသာလား။အခုဆွေးနွေးသွားတဲ့သူကရော့ ဘာတရားထူးများရနေကြပြီလဲ။ tint နဲ့ အလှတရားကတော့ နာမည်ကြီးတွေ ဝေဖန်ပြီး နာမည်ကြီးချင်နေတဲ့သူတွေပဲ။
Post a Comment